Los Hechos 9

1 Nu bee bichia zeêe, la tsuxe Saulo nú rleei lubee bene enu nzeli arquiê Jesucristo, nu uni nú úti liêibeella. Enzeêe uyaniêi lu uleêya enu máse neca equie nu rnibiyaê lu ye bee uleêya, 2 para nú acacheê tucu ichiê nú nuê modo chai liñi bee indu eyeche Damasco che cuaênai bee bene enu nzeli arquiê Jesucristo niyu si unaêa para nú uyaêi liêibeella nu duêi liêibeella niêcuê eyeche Jerusalén. 3 Pero chenu nze riñai axu eyeche Damasco, tuênatsia ulaca tucu ellieêe nú nzeêta enza liñibe nu uduêllieêe ellieêe zeêe diqui abenchilaê elu nza Saulo. 4 Nu chu uzanaê Saulo luyuu, nu ubeneêi tucu chii nú uni: âSaulo, Saulo, ¿xinu rriêi condralu liêá? 5 Nu uni Saulo: â¿Tiilu, Detá? Nu ucuaquinu: âLiêá neca Jesuse enu rriêi condralu, leêcatsia liêilu rriêilu equiya lulu. Tucu nú rriêi uênaê nú subeí lliêi icuê aca rucha. 6 Nu recatseêtseê Saulo xiquilla, nu unilla: âDetá, ¿xi niarquiêlu nú riêá? Chequie uni Jesucristo lulla: âUzetee, nu uquia eyeche Damasco, zeêe ni bene ta nú riêilu. 7 Nu bee bene enu nzenu Saulo chiquiê ulliqui beella, xne ubeneê beella chii nú uni lulla, pero lecalí ti ulañiê beella. 8 Chenu utsuli Saulo la biêyaêlla, che unaêtse bee bene enu nuulla yalla nu unguyaêbeella liêilla eyeche Damasco. 9 Zeêe uzuculla chuna bichia, sin nú biêyalla nu sin nú aculla, nu lecaxi ungueêlla. 10 Eyeche Damasco zeêe nzucu tucu bene enu nzeli arquiê Jesucristo enu lee Ananías, Ananías quieê ulubeêlu Jesuse lulla nu uninu lulla: â¡Ananías! Nu ucuaquilla: âCaêa nzua, Detá. 11 Chequie uni Jesuse lulla: âUtsuli nu uquia inziu llene nú lee chubee, chenu riñalu niê Judas nedichiaêlu tucu bene eyeche Tarso enu lee Saulo. Xne rnacuêlla lua nee, 12 nu neca xi neca nú rni xcalaêlla ulañiêlla nú uyuêu tucu bene enu lee Ananías nu uricuêlla yalla equie Saulo, para nú biêya zecalla. 13 Chenu ubeneê Ananías nucuaê, unilla: âDetá, huaxi bee bene rni lu cuendaê niyu cuaê, cuna lu ye beenú necha neca rriêilla lubee bene enu nzeli arquiê liêilu eyeche Jerusalén. 14 Nu nee uriñalla caêa cuna elurnibiyaê nú udeteê bee uleêya enu máse neca equie nu rnibiyaê lu ye bee uleêya para nú naêtsella ye bee bene enu nzeli arquiê liêilu. 15 Nu uni Jesuse lulla: âUquia, xne ucañia niyu cuaê para nú ixiuleêella stichiaêa lubee bene enu la neca bee bene Israel, cuna lubee arre, nu leêca cuna nuu lubee bene Israel. 16 Liêá ixiuleêa lulla nú chiquiê huaxi nú nehuana zecalla equie nú necalla benea. 17 Chequie nza Ananías niêi elu nzucu Saulo. Chenu uyuêulla liñi niêi zeêe, uricuêlla yaalla equie Saulo, nu unilla: âSaulo, Jesucristo enu ulubeêlu lulu lu inziu nú nzeêtalu, liêinu uxeêlanu liêá lulu para nú biêya zecalu, nu para nú yaêna Espíritu Santo cuna liêilu. 18 Hora zeêe uzanaê nú nacuê iêcululla nú rna xi rna melu tsuê bela, nu ubiêya zecalla. Che utsulílla nu urinzalla. 19 Che udacu Saulo lleêna nú udaculla nu uyuêu zeca juerzaêlla, nu uyaênalla chiucu chuna bichia cuna bee bene enu nzeli arquiê Jesucristo enu nucuaêa eyeche Damasco. 20 Nu chu uquixie Saulo rixiuleêella Stichiaê Diose liñi bee induê bee bene Israel, nu unilla nú neca Jesuse Lliêñi Diose. 21 Ye bee bene enu ubeneê nú rnilla chiquiê nzenu arquiêbeei, nu unibeei: â¿Xieê laca benecuaê enu utiliacaê bee bene enu nzeli arquiê Jesucristo eyeche Jerusalén la? ¿Lanu leêca liêi nucuaê enu uriña caêa para nú naêtse nucuaê bee bene enu nzeli arquiê Jesucristo nu cheyu nucuaê liêibeella lubee uleêya enu máse rnibiyaê lu ye bee uleêya la? 22 Pero bichia por bichia la lliqui Saulo rixiuleêella Stichiaê Diose, nu rnilla nú neca Jesuse Cristo, hasta nú la riêi bee bene Israel enu nucuaêa eyeche Damasco beyaê xa riêibeei chenu ubeneêbeei nucuaê. 23 Udetetsia huaxi bee bichia, unga tucu necatse bee bene Israel enu nucuaêa eyeche Damasco para nú úti beei Saulo, 24 pero uriêi Saulo beyaê nucuaê. Bichia si rulaê nucuaêa quiebeei liêilla ruêu puerta eyeche zeêe para nú útibeei liêilla, 25 che bee bene enu nzeli arquiê Jesucristo rulaê uduê beella Saulo liñi tucu llume nu ulaca beella liêilla enza diêchi barda nú nuê diqui abenchilaê eyeche zeêe, nu scua uchiuêulla eyeche Damasco. 26 Chenu uriña Saulo eyeche Jerusalén, uniarquiêlla nú yeteêlla cuna bee bene enu nzeli arquiê Jesucristo, pero ye beella xiqui beella liêilla xne la chili arquiêbeella nú leêca nulla nzelíla arquiêlla Jesucristo. 27 Chequie unguyaê Bernabé liêilla lubee apóstol. Nu udixiuleêella nú ulañiê Saulo Jesucristo cuna nú ubedichiaênulla liêinu chenu nzalla enza eyeche Damasco, nu la lliquilla udixiuleêella stichiaê Jesucristo lubee bene eyeche zeêe. 28 Scua uyaêna Saulo eyeche Jerusalén, nu uyanzeenulla cuna liêibeella. 29 Lá lliquilla udixiuleêella stichiaê Jesuse, cuna nú unixulla cuna bee bene Israel enu rni dialu griego, chequie niarquiêbeei nú útibeei liêilla. 30 Chenu ungabiyaê bee bene enu nzeli arquiê Jesucristo nucuaê, unguyaêbeella Saulo eyeche Cesarea, nu zeêe uxeêla beella liêilla eyeche nú lee Tarso. 31 Chequie bee bene enu nzeli arquiê Jesucristo enu nucuaêa lu iliu Judea, cuna lu iliu Galilea, cuna lu iliu Samaria, uyuêu nú nzuxe arquiêbeella, cuna nú nze riêilá beella beyaê xa neca inziuê Diose, nu uzucuêbeella stichiaênu, nu cuna elietsaê Espíritu Santo nze aca huaxilá bee bene enu nzeli arquiê Jesucristo. 32 Chenu nzebiêya Pedro bee bene enu nzeli arquiê Jesucristo, chequie leêca uyabiêyalla bee bene enu nzeli arquiê Jesucristo enu nucuaêa eyeche nú lee Lida. 33 Zeêe ulañiê Pedro tucu niyu enu riti enu lee Eneas, nu ungala xunu lana nú nuxulla ritilla, nu la tsulílla. 34 Nu uni Pedro lulla: âEneas, Jesucristo neca enu uriêiyecala liêilu. Uzetee nu uletsa nú ungutalu. Nu hora zeêe utsuli Eneas. 35 Chenu ulañiê ye bee bene enu nucuaêa eyeche nú lee Lida cuna bee bene enu nucuaêa enza Sarón nú uyecaêlla, che leêca uchili arquiê bee bene zeêe Jesucristo. 36 Tiembu zeêe nzucu tucu unaêa enu nzeli arquiê Jesucristo eyeche Jope liêilla leella Tabita, nu dialu griego leella Dorcas. Unaêa quieê uriêilla nú neca nzeêca, nu leêca uriêilla elietsa lubee bene elitsi. 37 Bee bichia zeêe ungariti Dorcas nu ungutilla, nu chenu ulaxu nú ungutsa bee bene liêilla uya ricucheêe bee bene liêilla liñi niêi elu aya equie niêi zeêe. 38 Nu lunú axu eyeche Jope lu eyeche Lida, elu nzucu Pedro, chenu ungabiyaê bee bene enu nzeli arquiê Jesucristo nú nzucu Pedro zeêe, uxeêla beella chiucu niyu enu uya ziquiee lulla, nu unibeella lulla: âUriêi faura yexetsia ucha eyeche Jope. 39 Nu chu nza Pedro cuna liêibeella. Chenu uriña beella eyeche Jope, unguyaêbeella Pedro liñi niêi elu nchiucuê cuerpoê Dorcas, zeêe nucuaêa bee unaêa zaqui runaê beenchu, che uyabica beenchu lu Pedro nu ulubeê beenchu bee laquie nú urecheêe Dorcas chenu nehuañiscaêlla. 40 Chequie unibiyaê Pedro nú chiuêu ye bee bene eliêyaê, nu chu utsulliquilla nu unacuêlla lu Diose, nu ubiêyalla lu benenguti zeêe nu unilla: â¡Tabita, uzetee! Hora zeêe chu uyaêla iêcululla, nu chenu ulañiêlla Pedro, chu uzuculla. 41 Nu chu unaêtse Pedro yalla nu utsulílla, che ubixia Pedro bee bene enu nzeli arquiê Jesucristo, cuna bee unaêa zaqui para nú lañiê beella nú uhuañi zeca Dorcas lu eluti. 42 Nu diqui lu eyeche Jope ungabiyaê bee bene nucuaê, nu huaxi bee bene zeêe uyalí arquiê Jesucristo equie cuendaê nucuaê. 43 Uyaêna Pedro chiucu chuna bichia eyeche zeêe, niê tucu bene enu lee Simón enu rcuêchi iti.