Gálatas 2

1 Chenu udete rta lana, che uyaêa Jerusalén stucu bese uyaênua Bernabé cuna Tito. 2 Xne Diose uni lua nú uyaêa zeêe. Nu Jerusalén, zeêe uyetesaêru stucu luhuare puro bee bene enu rnibiyaê leta bee bene enu nzeli arquiê Jesucristo para nú bedichiaêru equie cuendaê stichiaê Jesucristo nú setea bee bene enu laca bee bene Israel scua uriêá para nú laca xleêe uriêá yebeenú uriêá nu cuna nú rriêá. 3 Pero niê Tito enu nzu cuna liêá zeêe añinzuca nú necalla bene griego lá nibiyaê bee beneê Diose nú aquie seña nú rquie bee bene Israel liêilla. 4 Xne nuê bee bene Israel enu lia rriêi nu neca beei saêahua para nú scua aca chuêu beei letaêahua nu tsiêñia beei ta beenú la zucuaêahua, para nú scua nibiyaê zeca beei luaêahua nú zucuaêahua nú rnibiyaê ley. 5 Pero niê temeê lá azelaru nú ariêibeei ana luru, xne la niarquiêru nú tsanaê arquiêhua bedichiaê nzeêcaê Jesucristo nú neli neca nú nzenalalahua 6 Nu bee bene enu rnibiyaê leta bee beneê Jesucristo lá niaêbeella lua xilá riala riêá, añinzuca nú xi riêá nú ti neca beella xne ante Diose iguale yebee bene. 7 Luhuare nú anibeella lua nú xilá rquiêña riêá, luego chu uriêibeella beyaê nú ucañila Diose liêá para nú ixiuleêa bedichiaê nzeêcaê Jesucristo lubee bene enu laca bee bene Israel, tucu nú ucañi Diose Pedro para nú ixiuleêella bedichiaê nzeêcaê Jesucristo lubee bene Israel. 8 Nu leêca Diose enu ucañi Pedro nú necalla apóstol lubee bene Israel leêca liêinu ucañinu liêá para nú necaa apóstol lubee bene enu laca bee bene Israel. 9 Enzeêe, Jacobo, Pedro nu Juan liêibeella enu máse rnibiyaê leta bee bene enu nzeli arquiê Jesucristo luego uriêibeella beyaê nú Diose neca enu uliquiê elurnibiyaêcuaê lua. Nu che unaêtse beella yaru xi neca tucu seña nú neca tucunecatselaru, nu uyaênaru nú liêá nu Bernabé nzetixiuleêeru stichiaê Jesucristo lubee bene enu laca bee bene Israel. Nu liêibeella ixiuleêebeella stichiaê Jesucristo lubee bene Israel. 10 Tucutsia nú unibeella luru nú la zañiêru riêiru elietsa lubee bene enu seca elitsi nu nucuaê riuê arquia nú riêá. 11 Pero chenu uya Pedro eyeche Antioquía, che uquiêyaêlla uriêá xne la riêilla tucu nú riala riêilla, 12 xne rluti udacunuuxulla bee bene enu laca bee bene Israel. Pero chenu uriña bee bene enu uxeêla Jacobo eyeche Antioquía che né quieteaê Pedro bee bene enu laca bee bene Israel xne ulliquilla nú xi ni bee bene enu neli sucuê nú rni ley. 13 Ye beelá bee bene Israel enu nzeli arquiê Jesucristo enu nucuêa zeêe leêca uriêibeella tucu nú uriêi Pedro, nu leêca hasta Bernabé uriêi scua. 14 Enzeêe, chenu ulañia nú la riêi beella tucu nú rni stichiaê Jesucristo che unia lu Pedro ante lu yebeella: “Liêilu nú necalu bene Israel la nehuañilu tucu nú nehuañi beella. ¿Nu xneca niarquiêlu nú riêilu juerza bee bene enu laca bee bene Israel nú huañi beella tucu nú nehuañi bee bene Israel?" 15 Liêiru necaru bene Israel desde nú ungularu nu siempre uzucuêru nú rni leyê Diose nu la nehuañiru xi nehuañi bee bene enu laca bee bene Israel. 16 Pero liêiru nediyaêru nú lecati enu la luêcu dula ante Diose equie nú sucuêlla ley cuaê sino que lunú nzeli arquiê bene Jesucristo, enzeêe leêca nuuru nzelila arquiêru Jesucristo para nú la luêcuru dula lunu, nu la necane equie nú rriêiru nú rnibiyaê ley, xne lecati enu la luêcu dula lu Diose equie nú nzenalatsia nzeêe ley cuaê. 17 Neequie tunu liêiru rlaênaru nú la luêcuru dula lu Diose equie cuendaê Jesucristo, nu tunu leêca nuuru necaru bene enu rluêcu dula, ¿xieê nú másela rriêi Jesucristo nú rluêcuru dula che la? Liêiru nediyaê nzeêcaêru nú lacane esquie, 18 xne tunu utsana arquilá leyê Moises, nu chequie zucu zeca nú rni ley cuaê stucu bese, che leêcatsia liêá rriêá nú necaa bene enu rluêcu dula. 19 Enzeêe neca xi neca nú ungutilá equie cuendaê ley para nú huañia para Diose. 20 Nu nee neca xi neca nú leêca ungutia chenu unguti Jesucristo lu cruse nu nee la nehuañiaêa lu cuendaê liêitsia sino que Jesucristo neca enu nehuañi cuna liêá nee. Nu nee nehuañia lunú nzeli arquia lliêñi Diose enu chiquiê seca liêá nu unguti equie cuendaê liêá. 21 Nu la luachua elusecaê Diose xne tunu nuê modo nú la luêcu bene dula ante Diose equie nú sucuê bene leyê Moisés, lecaxi sibiê nú unguti Jesucristo lu cruse che.