Gálatas 3

1 ¡Bee bene Galacia! ¿Xiquie nú chiquiê netunduhua? ¿Ti uzequienuu arquiêhua? Xne chenu uzeteêru liêihua, claro udixiuleêeru luhua xiquie nú unguti Jesucristo lu cruse. 2 Neequie tucutsia nú niarquia riêá beyaê: ¿Xieê nzu Espíritu Santo cuna liêihua xne rriêihua tucu nú rnibiyaê leyê Moisés la, urre necane nú uchili arquiêhua stichiaê Jesucristo nú ubeneêlaêhua la? 3 ¿Xiquie nú nzitiscaêhua, nu nzula Espíritu Santo cuna liêihua nu nee secahua nú para nú yalu tucu nú niarquiê Diose nú riêihua rquiêña nú riêihua tucu nú rni leyê Moisés? 4 ¿Xieê lecaxi uzibiê nú chiquiê nehuana ulleêcahua la, o xieê lia xleêe nehuana ulleêcahua la? 5 Chenu xeêla Diose Espíritu Santo luhua nu rriêinu milagro luhua, ¿rriêinu scua equie nú sucuêhua nú rni leyê Moisés la? o ¿necane equie nú nzeli arquiêhua stichiaê Jesucristo nú ubeneêlaêhua la? 6 Ulluêcu arquiêhua nú equie nú uchili arquiê Abraham Diose enzeêe uduê cuenda Diose liêilla xi neca tucu bene enu la luêcu dula. 7 Enzeêe, uriêihua beyaê nú ye bee bene enu nzeli arquiê Diose, bee nzeêe neca xi neca lliêñi Abraham. 8 Hasta huaêtu nediyaêlaê Diose nú leta bee bene enu laca bee bene Israel nuê bee bene enu luêcu cuenda Diose xi neca enu la luêcu dula xne nzeli arquiêlla Diose. Xne tucu luhuare lu ichiê Stichiaê Diose rni nú uninu lu Abraham: “Liêá riêá nú cha nzeêcae lu cuendaê yebee bene iliulabe equie cuendaêlu." 9 Enzeêe, rriêi Diose nú nza nzeêcae lu cuendaê bee bene enu nzeli arquiê liêinu tucu nú uriêinu lu Abraham xne uyali arquiê Abraham liêinu. 10 Ye bee bene enu sucuê nú rnibiyaê leyê Moisés zeca bee nzeêe castiya xne leêca lu ichiê leycuaê rni: “Bee bene enu la riêi ye beenú rnibiyaê leycuaê, zeca bee nzeêe castiya." 11 Enzeêe, ¿lecati enu la luêcu dula ante Diose equie nú sucuêtsialla nú rnibiyaê ley? Xne lu ichiê Stichiaê Diose rni: “Bene enu ubacuêlanu nú la luêcu dula xne nzeli arquiêlla liêinu luêculla elunehuañi ante lunu." 12 Pero equie cuendaê ley, la nacuê ley nú chili arquiê bene ley sino que lu ichiê ley rni: “Bene enu sucuê nú rni ley nzeêe si luêcu elunehuañi." 13 Jesucristo neca enu utsilaêa liaêahua lu castiyaê ley nu liêinu uyucunu castiya nú riala zecaêahua, chenu uquienu lu cruse, xne lu ley rni: “Bene enu necha rriêi siêquinala bee bene liêilla lu aca ratilla." 14 Ulleêca Jesucristo scua para nú nuê beyaê riêi Diose nú cha nzeêca lu cuendaê bee bene enu laca bee bene Israel, tucu nú uriêinu nú uya nzeêca lu cuendaê Abraham. Nu lunú nzeli arquiaêahua Jesucristo enzeêe nzula Espíritu Santo cuna liêihua tucu nú unila Diose hasta huaêtu. 15 Nee nia luhua nú xa rriêi bee bene, chenu rrecheê chiucu bene tucu ichiê nu rduêlla firmaêlla lu ichiê zeêe, che lecaê ti nitilu nú nequie lu ichiê zeêe urre quieêella huaxiscaêlá lunú nequie lue. 16 Leêca scua uriêihua beyaê nú chenu uriêinu nú nza nzeêca lu cuendaê Abraham nu cuna lucuendaê bene enu nzeêta lu familiaêlla, lu ichiê Stichiaê Diose la ni nú riêileêyanu “bee bene enu nzeêta lu familiaêlla”, nu la nine equie cuendaê huaxi bee bene sino que rnitsiae equie cuendaê “tucutsia bene”; xne liêinu rninu equie cuendaê bene enu nzeêta lu familiaêlla. Nu bene zeêe enu nzeêta lu familiaêlla neca Jesucristo. 17 Nu lunú rnia luhua nú leyê Moisés uyuêu cuatrocientos treinta lana luquielá chenu ucuaqui uêna Diose nú deteênu xi deteênu lu Abraham. Enzeêe leca modo nú nitilu ley cuaê lunú ucuaqui uêna Diose lu Abraham hasta huaêtu. 18 Xne tunu equie cuendaê ley atiaêahua lunú ucuaqui uêna Diose lu Abraham. La necaêe lunú ucuaqui uêna Diose che. Pero Diose lia udeteê lu Abraham nú uninu lulla nú deteênu lulla lunú ucuaqui uênanu lulla hasta huaêtu. 19 Tala bese nedichaêhua lua: ¿Xi sibiê ley che? Diose uduê ley para nú riêi bee bene beyaê nú la zucuê bene nú rninu nu uzibiê leyê Moisés hasta bichia nú uriña bene enu nzeêta lu familiaê Abraham tucu nú ucuaqui uêna Diose lulla hasta huaêtu. Bee ángeleê Diose udeteê ley cuaê lu Moisés, nu che Moisés udixiuleêe lubee bene. 20 Pero chenu ucuaqui uêna Diose lu Abraham nú xi deteênu lulla lecati udixiuleêe stichiaênu lulla sino que liêi eêcu Diose ubedichiaênu liêi Abraham. 21 La riêihua elliebacuê nú rnia luhua nú rriêi cundra leycuaê lunú ucuaqui uêna Diose. Sino que tunu equie cuendaê leycuaê nuê modo luêcu bene elunehuañi ante Diose che nediyaêlaê bene nú la luêcu bene dula ante lunu equie nú nzenala bene ley. Pero lacane esquie. 22 Xne lu ichiê Stichiaê Diose rni nú yebee bene rnibiyaê dula lu nu ungae scua para nú yebee bene enu nzeli arquiê Jesucristo yucu bee nzeêe lunú ucuaqui uênala Diose. 23 Ante nú riña Jesucristo, unibiyaê ley luaêahua xi neca chenu nucheênacuê tucu bene, nu nelluaquieêtsiaêahua chenu riña Jesucristo. 24 Enzeêe, ley cuaê neca luaêahua xi neca tucu bene enu rni luaêahua nú xneca huañiaêahua nu hasta bichia nú uyuluaêahua Jesucristo che ulaxu nú unibiyaê ley luaêahua para nú luêcu cuenda Diose liaêahua xi neca tucu bene enu la luêculi dula equie nú nzeli arquiêlla Jesucristo. 25 Pero nee nú uchilila arquiaêahua Jesucristo la quiêña nú ni ley luaêahua nú xneca huañiaêahua. 26 Xne yeêahua bee enu nzelila arquiê Jesucristo necaêlaêahua lliêñi Diose. 27 Nu equie nú urinzalaêahua necatucu necatselaêahua cuna Jesucristo xne nzulanu cuna liaêahua. 28 Nu lecaxiriêi tunu necaêahua bee bene Israel urre lacaêahua bee bene Israel, tunu necaêahua esclavo lubee bene, o lacaêahua esclavo, nu tunu neca bene niyu urre neca bene unaêa xne para Jesucristo iguale necaêahua xne neca tucu necatselaêahua cuna liêinu. 29 Enzeêe, tunu necaêlaêahua beneê Jesucristo leêca esquie necaêlaêahua xi neca lliêñi Abraham, nu rialaêahua lunú ucuaqui uênala Diose lu Abraham hasta huaêtu.