Hebreos 1

1 Tiembu huaêtu uni Diose lubee beneêahua enu udetela huaxi bese nu huaxi forma uni Diose lubeella scua, equie cuendaê bee profeta. 2 Pero tiembu quieê unila Diose luaêahua equie cuendaê lliêñinu. Diose urecheê yebee nú nuê lu iliulabe cuna liñibe equie cuendaê lliêñinu. Nu udeteênu yebee nucuaê lu lliêñinu. 3 Liêinu enu neca ellieê Diose nú chiquiê ñia rnaa, nu liêinu rnanu tucu nú rna Diose, liêinu rriêinu nú la nitilu iliulabe cuna yebee nú nuêlue equie cuendaê stichiaênu nú chiquiê rluêcu poder. Chenu ulaxu nú ulleêcanu yebee lunú nzu zecanu para nú lecaxi naêahua nu la luêcuaêahua dula, chequie uzucunu cueêtse Paênu Diose chube liñibe, liêinu enu rluêcu ye nú rnibiyaê. 4 Nu scua máse neca equie Jesucristo luquela bee ángele, xne liêinu necanu lliêñi eêcu Diose. 5 Xne leca xunga uni Diose lu niêtucu bee ángele: Liêilu necalu lliêñia, nu desde nee lubea nú liêilu necalu lliêñia. Nu leêca né ni Diose lu niêtucu bee ángele: Liêá neca paêlu, nu liêilu necalu lliêñia. 6 Pero chenu uxeêla Diose lliêñi eêcunu lu iliulabe, che uninu: Yebee ángelea, luêcu ulaêna lu Lliêñia. 7 Nu chenu uni Diose equie cuendaê bee ángele, uninu: Liêá riêa nú neca bee ángelea xi neca bi, nu leêca riêá nú aca beenu xi neca quii. 8 Pero equie cuendaê lliêñinu, uninu: Liêilu necalu Diose. Nu lunú rnibiyaêlu leca xunga laxu; nu ye tiembu rnibiyaêlu tucu nú rialane. 9 Riuê arquiêlu beenú neca nzeêca nu rana arquiêlu beenú necha neca, enzeêe ucañila Diose liêilu, liêinu enu neca Dioseêlu, nu rriêinu nú masescaêlá ñia nzu arquiêlu, luquela bee ángelea. 10 Leêca uninu: Liêilu enu rnibiyaê, nu chenu uquixie yeene liêilu urecheêlu iliulabe, cuna liñibe nu yebeenú nuê lue. 11 Yebee nucuaê nitilu. Pero liêilu, leca xunga laxu nú nehuañilu. Ye bee nucuaê laxu, xi rlaxu laquie. 12 Nu quichilu bee xi rquichi bene laquie, nu cheêelu bee xi xeêe bene xucu bene. Pero liêilu leca xunga riña bichia nú cheêe nú xa necalu, nu leca xunga laxu nú nehuañilu. 13 Diose leca xunga uni lu niêtucu bee ángele: Uzucu cueêtsea chube, hasta nú riêá nú nibiyaêlu lu ye bee enu rle lulu. 14 Xne ye bee ángele necatsia beenu espíritu enu sibiê lu Diose, nu uxeêla Diose beenu para nú riêi beenu elietsa lubee bene enu luêcu elunehuañi nú leca xunga laxu.