Hebreos 2

1 Enzeêe, rquiêña nú riêi casoêahua nu zucuaêahua Stichiaê Diose nú ubeneêlaêahua para nú la tsanaê arquiaêahua stichiaênu nú nzenalaêlaêahua. 2 Xne scua tucu nú uyalu ye Stichiaê Diose nú uni bee ángele tiembu huaêtu enzeêe bee bene enu la zucuê stichiaênu bee enu rluêcu dula, yala bee nzeêe castiya nú riala zeca bee nzeêe. 3 Nu, ¿xneca tsilaêahua lu castiya cuaê, tunu leêca nuaêahua la zucuêahua Stichiaê Diose, nú rixiuleêe nú xneca tsilaêahua? Nu leêca liêi Jesucristo udixiuleêe equie nú xneca tsilaêahua hasta huaêtu nu bee bene enu ubeneê bee bedichiaê cuaê, liêibeella udixiuleêe beellae luaêahua. 4 Nu scua tucu nú ungutiêlaê cada tucu bene Espíritu Santo tucu nú niarquiê Diose nu equie cuendaê seña, nu bee milagro nu cuna ye beenú nzenu arquiê bee bene scua ulubeê Diose nú neli bee bedichiaê cuaê. 5 Diose la deteê elurnibiyaê lubee ángele para nú nibiyaê beenu elu luêcuaêahua stucu elu nehuañi nú necuqui neca nú rniru luhua. 6 Xne tucu luhuare Stichiaê Diose nuê tucu enu uni: Diose, ¿ti neca bene iliulabe para nú elluêcuê arquiêlu liêilla? ¿Nu ti neca lliêñi bene iliulabe nú nzenu arquiêlu? ¿equie cuendaêlla? 7 Tucu tiembu nú uriêilu nú menula unga neca equienu luquela bee ángele, pero cheelá uriêilu nú neca equienu, nu udeteêlu elurnibiyaê lunu para nú nibiyaênu lu ye beenú urecheêlu; 8 nu uzelalu nú nibiyaênu lu yeene. Chenu udeteêlu elurnibiyaê lunu para nú nibiyaênu lu yeene, lecaxi nú la nibiyaênu lu, añinzuca nú lá lañiaêahua nú ye nú rnibiyaênu lu. 9 Pero nediyaêahua nú uyuêu tucu tiembu nú Jesucristo unganu menola luquela bee ángele. Pero nee liêinu rluêculanu elurnibiyaê, nu rluêcu bee bene ulaêna lunu equie nú nehuana ulleêcanu chenu ungutinu equie stula yebee bene, nu ungae scua xne seca Diose liaêahua. 10 Diose urecheê ye beenú nuê nu liêinu rnibiyaênu lu yeene nu liêinu niarquiênu nú huaxi bee bene chuêu liñibe. Enzeêe equie nú nehuana ulleêca Jesucristo utsaêalunu Stichiaê Diose, nu equie cuendaê liêitsianu nuê modo tsilaêahua. 11 Bee bene enu la luêcu dula ante Diose, equie cuendaê Jesucristo lecaê xi ná beella. Nu sia Jesucristo nu bee bene enu la luêcuaê dula equie cuendaênu, nu tucutsia Diose neca paê beella. Enzeêe la tuê Jesucristo nú rninu nú necaêahua bichinu. 12 Tucu nú nequie tucu luguare lu ichiê Stichiaê Diose elu rni: Liêá ixiuleêa lubee bichiaa equie cuendaêlu, nu chenu yieteêsaê beella che ula beella canto lulu nú rni nú neca equielu. 13 Leêca uninu: Nzutaê arquia nú Diose riêi elietsa lua. Caêa nzunua bee bene enu uliquiê Diose lua. 14 Lunú necacheê bee bene rene nu beêla, leêca scua unga Jesucristo chenu ubeêtanu lu iliulabe ungutinu, nu equie cuendaê nú ungutinu uriêinu ana lu elurnibiyaê nú rluêcu bezeêlu lu eluti. 15 Scua uriêinu para nú tsilaêanu bee bene lunú xiqui bee bene eluti, bee bene enu diqui tiembu nehuañi nu xiqui eluti tucu nú xiqui bene patronêlla. 16 Xne lá yeêta Jesucristo lu iliulabe para nú riêinu elietsa lubee ángele sino que ubeêtanu lu iliulabe para nú riêinu elietsa lubee bene enu nzeli arquiê tucu nú uyalí arquiê Abraham Diose. 17 Enzeêe unganu tucu nú neca bene lu iliulabe para nú unganu uleêya enu máse neca equie lu Diose, uleêya enu neli ruaêa arquiê bee bene nu sucuênu Stichiaê Diose nu scua udixiunu stula bee bene. 18 Nu lunú leêca nehuana ulleêcanu, nu ulaêna bezeêlu nú xa modo la zucuênu Stichiaê Diose, pero lá riêi ana lunu, enzeêe recanu rriêinu elietsa lubee bene enu rlaêna bezeêlu nú xa modo riêi dula.