San Juan 14

1 ‘Chequie uni Jesuse lubeella: âLa chenu arquiêhua, uchili arquiêhua Diose, nu uchili arquiêhua liêá. 2 Elu nzucu Pa Diose chiquiê nuê luguare elu cuaêa bee bene nuê, xne tunu leca luhuare liêá lá ania luhua nú nze tsucheêa elu cuaêahua. 3 Nu chenu uyatsucheêla elu cuaêahua, che nzela stucu bese para nú nzela tucuaêahua para nú cuaêahua elu zucuaêa. 4 Liêihua nediyaêhua cá nzaêa nu nuêluhua inziu para nú riñahua zeêe. 5 Chequie uni Tomás lunu: âDetá, la biyaêru cá nzalu, ¿xa chuluru inziu nú rnilu? 6 Che ucuaqui Jesuse, nú uninu: âLiêá neca inziu zeêe, nu nú neli neca, nu elu nehuañi. Equie cuendaê liêitsia nuê modo riña bee bene lu Pa Diose liñibe. 7 Tunu liêihua nuêluhua liêá leêca nuêluhua Pa Diose nu nee nuêlulahuanu, xne ulañiêlaêhuanu. 8 Che uni Felipe lunu: âDetá, uzela lañiêru Pa Diose para nú yaêna conformero. 9 Chequie uni Jesuse lulla: âFelipe, xeela nzua cuna liêihua, ¿Nu lascaê chululu liêá la? Enu ulañiêlaê liêá, leêca ulañiêlaê nzeêe Pa Diose, ¿xiquie nú rnilu lua nú zelaa lañiêhua Pa Diose? 10 ¿Xieê la chili arquiêlu nú tucutsia neca cuna Pa Diose nu liêinu tucutsia necanu cuna liêá la? Bee bedichiaê nú rnia la necane elliebacutsia sino que Pa Diose, enu nzunu liêá, liêinu necanu enu rriêi lunú rriêá. 11 Uchili arquiêhua nú liêá nzunua Pa Diose, nu liêinu nzununu liêá, tunu la chili arquiêhua, uchili arquiêhua liêá equie beenú rriêá. 12 Liêá nia luhua nú enu nzeli arquiê liêá, leêca riêi nzeêe beenú rriêá, nu riêi nzeêe beenú llenescaêlá neca, lunú nziaêla elu nzucu Pa Diose. 13 Nu ye nú nacuêhua lu Diose equie cuendaa liêá liquine. Para nú equie cuendaê lliêñinu acachee poder nú rluêcu Pa Diose. 14 Xitse nú nacuêhua lu Diose equie cuendaa, liêá liquine. 15 ‘Tunu liêihua secahua liêá, zuêcuhua stichiaêa. 16 Nu liêá nacua lu Pa Diose para nú xeêlanu stucu enu duê ana arquiêhua nu yaênalínu cuna liêihua. 17 Liêinu necanu Espíritu Santo enu rni nú neli neca, bee bene enu laca bee benea leca modo yucu arquiêbeei liêinu. Xne la lañiê beei liêinu nu la chulu beei liêinu. Pero liêihua nuêluhuanu xne nzunu cuna liêihua nu yaênalínu arquiêhua. 18 La tsaêna zaquia liêihua, nzela zeca luhua. 19 Lacaxeaê la lañiaê bee bene enu laca bee benea liêá, pero liêihua lañiêhua liêá. Nu tucunú rluêcua elunehuañi, leêca scua luêcuhua elunehuañi. 20 Bichia nú yucuhua Espíritu Santo riêihua beyaê nú tucutsia necaa cuna Pa Diose, nu tucutsia necahua cuna liêá, nu tucutsia necaa cuna liêihua. 21 Enu rduê equie stichiaêa nu sucuêe, nzeêe rlubeê nú neli seca liêá. Nu enu seca liêá zeca Pa Diose nzeêe, nu leêca zecaa nzeêe, nu lubea lu nzeêe nú ti necaa. 22 Chequie Judas (enu laca Judas Iscariote) uni lunu: âDetá, ¿xiquie nú lutsiaru lubeêlu nú ti necalu? Nu la lubeêlu nú ti necalu lu beelá bee bene iliulabe. 23 Che ucuaqui Jesuse nú uninu: âEnu seca liêá sucuê stichiaêa, nu Paa Diose seca nzeêe, nu Paa nu liêá nzelaru para nú huañiru cuna nzeêe. 24 Enu la zeca liêá, la zucuê nzeêe stichiaêa nu bee bedichiaê nú rieneêhua rnia lacane stichiaêa, stichiaê Paa Diose enu uxeêla liêá necane. 25 ‘Rnia ye bee nucuaê luhua diquila nú nzuscaêa cuna liêihua; 26 pero Espíritu Santo enu xeêla Paa Diose equie cuendaa, liêinu duênu ana arquiêhua nu zeteênu liêihua yeene, nu elluêcu arquiênu liêihua ye beenú unila luhua. 27 Chenu nziaêla liquia nú nzuxe arquiêhua, nu liêá la nitsiane tucu nú rni bee bene iliulabe xne liêá neli liquine luhua. La chenu arquiêhua nu la lliquihua. 28 ‘Ubeneêlaêhua nú unia nú nziaêa pero benchilaê zecaa luhua. Tunu neli nú secahua liêá, ñia atsu arquiêhua chenu unia nú nziaêa lu Pa Diose, xne liêinu rnibiyaênu lua. 29 Rixiuleêexula nucuaê luhua nee para nú chenu acane chili arquiêhua liêá. 30 ‘La niaêa huaxilá bee bedichiaê luhua, xne nzeêtala enu rnibiyaê lu iliulabe quieê. Añinzuca nú la nibiyaê nzeêe lua, 31 pero rquiêña nú acane scua tucu nú rquiêña nú acane, para nú riêi bee bene iliulabe beyaê nú liêá seêca Pa Diose, nu rriêá lunú unibiyaênu riêá. Utsulihua ne chaêahua.