San Juan 21

1 Lu zeêe lá, ulubeêlu zecaêla Jesuse lubee beneênu ruêu inzatuê Tiberias, nu singuie ulubeêlunu lubeella: 2 Chenu neyeteêsaê beella, nzu Simón Pedro, cuna Tomás enu rriêchia bee bene cuachi, nu Natanael enu neca bene Caná tucu eyeche lu iliu Galilea cuna bee llianaê Zebedeo nu cuna xiucu bee beneênu. 3 Che uni Simón Pedro lubeella: âNzaêa nze ucuaêa bee bela. Che unibeella: âLeêca nuuru tseru cuna liêilu. Che nzuebeella nu uquie beella equie tucu barco, pero rulaê zeêe né uculí beella bee bela. 4 Chenu enta yeêela lu yuu, uriña Jesuse ruêu inzatuê zeêe, pero né chulu bee beneênu liêinu. 5 Nu uni Jesuse lubeella: âBee enduê, ¿lá ucuhua niê tucu bela la? Nu ucuaqui beella nú uni beella: âNiê tucuí. 6 Che uninu lubeella: âUtsiêquihua ixiu nú rucuhua bee bela enza cueêtse barco chubee para nú ucuhua bee bela. Nu scua uriêi beella, nu la riquiêa beella lua beella ixiu lu inza, xne huaxi bela nuê liñii. 7 Chequie beneênu enu chiquiê secanu uni lu Pedro: â¡Detá Jesusenu! Chenu ubeneê Simón Pedro nú necanu Detá Jesuse che chu ungutulla xuculla nú ulualla, nu chu utetsalla lu inza. 8 Che beelá bee beneênu uriñayuu beella barco zeêe nú nzexaê ixiu nú achee nú bela hasta ruêu inzatuê, xne rriêi casi tucu ayuêu metro para nú riña beella ruêu inzatuê. 9 Chenu ulaca beella equie barco zeêe ulañiê beella nú nucuaêa quii nu nchiucuê tucu bela lue, nu cuna pá. 10 Che uni Jesuse lubeella: âUteyuhua chiucu chuna bee bela enu ulaxu inza uducuhua. 11 Che uquie zeca Simón Pedro equie barco zeêe nu uxaêlla ixiu nú achee nuê bee bela llene hasta ruêu inzatuê, nu neca tucu ayuêu arulaê nuê chuna beeí, añinzuca nú huaxi beeí né tsa ixiu zeêe. 12 Che uni Jesuse lubeella: âUtehua ne acusilaêhua. Nu niêtucu bee beneênu lá laca arquiê beella anedichiaê beella nú tinu, xne nediyaêlaê beella nú Jesusenu. 13 Che chu uyabica Jesuse, nu unaêtsenu pá nu udeteênue udacu beellae, nu leêca scua uriêinu cuna bela. 14 Ninguieê neca bese rriuna nú ulubeêlu Jesuse lubee beneênu chenu uhuañi zecanu lu eluti. 15 Chenu ulaxu nú udacusilaê beella, uni Jesuse lu Simón Pedro: âSimón, llianaê Jonás, ¿másela secalu liêá luquela beelá beella la? Nu ucuaqui Pedro lunu: âAhuaê, Detá, liêilu nediyaêlu nú seêcalu. Che uni Jesuse lulla: âUbiêya bee benea che. 16 Che unedichiaêlanu bese rrucu lulla: âSimón, llianaê Jonás, ¿secacálu liêá la? Nu ucuaqui Pedro lunu: âAhua, Detá, liêilu nediyaêlu nú seêcalu. Che uni Jesuse lulla: âUbiêya bee benea che. 17 Nu bese rriuna unedichiaêlanu lulla: âSimón llianaê Jonás, ¿secalu liêá la? Che nehuana utsu arquiê Pedro xne unedichiaênu chuna bese lulla tunu secacalla liêinu, nu ucuaquilla nú unilla: âDetá, liêilu nediyaêlu yeene. Liêilu nediyaêlu nú seêcalu. Che uni Jesuse lulla: âUbiêya bee benea che. 18 Liêá rnia lulu nú chenu nereêneêlálu, rutulu xuculu nu nzalu elu niarquiêlu, pero chenu uxulu lílu yalu nu stucu bene utu xuculu liêilu nu uyaê nzeêe liêilu elu la niarquiêlu chálu. 19 Chenu uni Jesuse scua, rixiuleêenu equie cuendaê nú xa ati Pedro, nu equie nú atilla zucuê ayalla Diose. Chequie uninu lulla: âUtenala liêá. 20 Chenu ubelleta Pedro ulañiêlla nú nzeêtanala beneê Jesuse enu chiquiê secanu liêibeella, enu uzucu cueêtsenu chenu udacuxee beella enu unedichiaê lunu: “Nu ti deteê cuenda liêinu." 21 Chenu ulañiê Pedro liêilla unedichiaêlla lu Jesuse nú unilla: âDetá, liêiquiella ¿xa zecalla? 22 Ucuaqui Jesuse lulla nú uninu: âTunu niarquia nú nehuañilla hasta chenu riña zecaa lu iliulabe, cuenda nucuaê. Liêilu utenalatsia liêá. 23 Che urichialetse bee bedichiaê cuaê leta beelá bee beneênu, nú beneênu nucuaê la atilla. Pero lá ni Jesuse nú la atilla. Lunú uninu neca: “Tunu niarquia nú nehuañilla hasta chenu riña zecaa lu iliulabe, cuenda nucuaê." 24 Nu leêca beneênu ninguieê rni bee nucuaê nu uquieêellae. Nu nediyaêahua nú neli rnilla. 25 Nu huaxilá beenú uriêi Jesuse nu tunu quiee tucua tucua bee seêca nú la yala lu iliulabe chuêu bee libro quieê. Amén.