Apocalipsis 21

1 Chenu ulaxu nú ulañia bee nucuaê, che ulañia tucu liñibe cuqui nu tucu iliulabe cuqui, xne liñibe cuna luyuu iliulabe nú ungacheê chenu uquixie iliulabe quieê ulaxuli bee nucuaê cuna inzatuê. 2 Nu ulañia Jerusalén nú necuqui eyeche llene nú neca stene Diose nzeêta laca enza liñibe elu nzucu Diose. Nzucheêe xi nzucheê tucu unaêa enu nzula nú chiaa cuna bene enu chialla. 3 Nu fuerte ubenea tucu chi enza nzu xletaê Diose, nú uni: âNehuañila Diose leta bee bene. Liêinu huañinu cuna liêibeella, nu liêibeella aca beella bee beneênu, nu liêinu nzunu cuna liêibeella nu liêinu acanu Dioseê beella. 4 Nu liêinu ñieêenu ye inza nú ungunaê beella lubeella, nu la atiaêbeella nu la unaêbeella, nu la nehuanaê tsu arquiêbeella nu la nehuanaê zeca beella, xne ye beenú nehuana ulleêca beella udetela bee nucuaê. 5 Nu enu nzucu lu xleta zeêe uni: âYe beenú rriaêa necuqui neca bee. Leêca uninu lua: âUquieêe bee bedichiaê quieê, xne bee bedichiaê quieê neli necane nu riala nú chili arquiê bee benene. 6 Nu leêca uninu lua: âUngala beenú riala nú aca. Liêá neca xi neca letra A nu Z xne tucutsia liêá rnibiyaêa hasta chenu uquixie iliulabe nu diqui tiembu. Nu bene enu rrebichiê liêá detea inza nú rliñi elu rliñi inza nú rliquiê elunehuañiê bene hueêlla nu lia hueêllae. 7 Bene enu riêi ana lu dula, liêilla atiêlla ye bee nucuaê. Nu liêá aca Dioseêlla nu liêilla acalla endua. 8 Pero bee bene enu xiqui tsutaê arquiê lunú nzeli arquiê liêá, nu bee enu la chili arquiê liêá, nu bee bene enu riuê arquiê riêi puro beenú necha neca, nu bee bene enu ruuti bee bene, nu bee bene enu rriêi eluhuexe, nu bee bene enu rriêi elu uliñi, nu bee bene enu rluêcu ulaêna lubee nú seca beei nú neca diose, nu ye bee bene enu rni eluquichiaê liêibeei riala chuêubeei lu quii elu riqui azufre nu quii zeêe neca eluti rrucu. 9 Chequie tucu lu achi bee ángele zeêe bee enu nzene achi bee copa nú achechicu nuêcheê achi bee último castiya nú zeca bee bene, tucu bee ángele zeêe ubeêta elu nzua, nu uninu lua: âUtee ne lubea lulu novia enu chiaa Corderoê Diose. 10 Nu equie cuendaê Espíritu Santo unguyaê ángele cuaê liêá equie tucu dañi llene, nú ayaa. Zeêe ulubeênu lua Jerusalén eyeche llene nú neca steneê Diose nzeêta lacae liñibe elu nzucu Diose. 11 Nu rulu eyeche zeêe cuna ellieê Diose. Nu ellieêe zeêe rulu xi rulu ellieê tucu quiee nú chiquiê huaxi seca nú lee jaspe, nu achee xi achee huana. 12 Nu abenchilaê eyeche zeêe nuê tucu muralla nú llene nu aya nu nuyaêe chiêchiucu puerta, nu cada tucu ruêu puerta cuaê nzucu tucu ángele, nu cada ruêu bee puerta cuaê nequie nombre nú xneca lee chiêchiucu grupo bee bene Israel. 13 Nu rluêcune chuna puerta enza rliñi bichia, nu xuna bee nchiucuê enza ratseê bichia, nu leêca chuna bee puerta cuaê nchiucuê enza norte, nu xunane nchiucuê enza sur. 14 Nu simiendoê muralla zeêe necacheê chiêchiucu quiee. Nu lubee quiee zeêe nequie nombreê zaê chiêchiucu bee apóstolê Corderoê Diose. 15 Nu ángele enu uni lua nzene tucu vara nú neca oro para nú texenu eyeche zeêe, cuna puertaêe nu cuna murallaêe. 16 Nu cuadrado eyeche zeêe, nu tucu nú stuñii leêca esquie xexee. Nu ángele zeêe utexene cuna baraênu nú necacheê oro, nu medidaê eyeche zeêe neca chiucu mili chiucu ayuêu kilometro nú stuñii, nu xexee, nu cuna nú ayane. 17 Che chu utexenu muralla zeêe, nu neruêcue sesenta y cuatro metros tucu nú neca medida nú rtexe bene iliulabe, scua utexe ángele zeêe. 18 Nu muralla zeêe necacheê quiee nú lee jaspe, nu eyeche zeêe necacheê puro oro, xi neca tucu huana nú leca xinaa. 19 Nu bee quiee nú necacheê simienduê muralla zeêe nzucheêe cuna huaxi clasiaê bee quiee fiñio nú huaxi seca. Nu quiee rluti nzucheê cuna quiee nú lee jaspe, nu quiee rrucu nzucheê cuna quiee nú lee zafiro, nu quiee rriuna nzucheê cuna quiee nú lee ágata, nu quiee tacu nzucheê cuna quiee nú lee esmeralda. 20 Nu quiee ayuê nzucheê cuna quiee nú lee ónice, nu quiee xuêcu nzucheê cuna quiee nú lee cornalina, nu quiee achi nzucheê cuna quiee nú lee crisólito, nu quiee xunu nzucheê cuna quiee nú lee berilo, nu quiee quieê nzucheê cuna quiee nú lee topacio, nu quiee chiêi nzucheê cuna quiee nú lee crisoprasa, nu quiee chetuêcu nzucheê cuna quiee nú lee jacinto, nu quiee chiêchiucu nzucheê cuna quiee nú lee amatista. 21 Nu ye lu chiêchiucu bee puertaê eyeche zeêe necacheê bee cuna chiêchiucu perla, cada perla necacheê tucu puerta. Nu calle nú rdete labe eyeche zeêe necacheêe puro oro, xi achee tucu vidrio nú rlañiê bene tucu lue nu hasta stucu lue. 22 Niê tucu indu né lañia eyeche zeêe, xne Paêahua Diose enu rluêcu ye poder cuna Corderoênu liêibeenu neca beenu indu eyeche zeêe. 23 Nu eyeche zeêe la quiêñia nú duêllieêe bichia niê guu, xne ellieê Diose nu ellieê Corderoênu neca nú rduêllieêe eyeche zeêe. 24 Ye bee bene lu iliulabe bee enu utsilaêala huañi lu ellieêe cuaê, nu bee arre lu iliulabe quieê riñayuu beella bee elu nzeêca nú ñia neca eyeche cuaê. 25 Bee puerta eyeche cuaê leca xunga yacueêe, nu zeêe leca xunga chuêu rulaê. 26 Ye bee elu nzeêca nú ñia neca uriêi bee bene iliulabe riña eyeche cuaê. 27 Pero leca xunga riña bichia nú chuêu nú necha neca eyeche cuaê, leêca la chuêu bee bene enu rriêi nú necha neca cuna bee bene enu sequienu, sino que chuêutsia bee bene enu nzucu ichi nombreê lu libro nú nzene Corderoê Diose elu nzucu ichi nombreê bee bene enu luêcu elunehuañi, bee bene cuaêtsia chuêu eyeche cuaê.