Romanos 3

1 Nu, ¿xi sibiê nú neca bene bene Israel? ¿Nu xi sibiê nú rquie señacuaê bene? 2 Chiquiê neca equie nú neca bene bene Israel ye modo, xne rluti udeteê Diose stichiaênu lubee bene Israel. 3 Neequie la riêihua elliebacuê nú lunú nuê bee enu la chenala Stichiaê Diose, chequie la tsaluaê Diose stichiaênu tucu nú unilanu. 4 Xne Diose leca xunga xeêenu stichiaênu, mase nú ye bee bene iliulabe nequichiaê pero Diose leca xunga nequichiaê, tucu nú rni tucu luhuare lu stichiaênu: Yebee bene lañiê nú liêilu saêalulu stichiaêlu, nu lecati niquiya xi niquiya lu cuendaêlu. 5 Pero nuê bee bene iliulabe enu rriêi elliebacuê, nú equie cuendaê dula nú rriêilla, scua rlubeêlla nú ñia neca Diose, nu ¿xiquie nú necha neca Diose nu rdeteênu castiya bee bene? 6 ¡Lacane scua! Xne tunu necha neca Diose, ¿xneca modo nú hualunue lu cuendaê bee bene iliulabe che? 7 Xne te zucuaêahua nú tunu beenú la neli rnia sibiêi para nú luêculá bee bene ulaêna lu Stichiaê Diose, che lecaê modo nú ni Diose nú rluêcua dula. 8 Nu leêca teriêilaêahua beenú necha neca para nú cha nzeêcae lu cuendaêahua, tucu nú rtaê quiya bee bene liêá, nú setea bee bene, la chenu arquiaêahua nucuaê, xne Diose deteê castiya bee bene enu rni scua, nu scua riala zeca beei. 9 Bueno che, ¿xieê lianú necaêahua bee bene Israel nú necaêahua bene nzeêca luquela bee bene enu laca bene Israel la? ¡Pero la acane esquie! Xne sia bee bene Israel nu sia bee bene enu laca bee bene Israel rluêcu dula. 10 Tucu nú rni lu ichiê Stichiaê Diose elu rni: Leca niê tucu bene nzeêca, pero niê tuculla leca. 11 Niê tucu bene la yeneê, nu niêtucu lecati laêna Diose. 12 Yebee bene utsanaê arquiê Diose, nu yella rriêilla nú necha neca, lecalí ti rriêi nú neca nzeêca, leca niê tuculla. 13 Xi neca tucu eluhua nú naêla ruêu neca bene, nú puro nú laca neli rni bee bene, nu bee bedichiaê nú rni bee bene neca xi neca benenuê beêla. 14 Puro bedichiaê nú necha see xiuêu ruêubeei, nu puro bee bedichiaê chiêquiê rnibeei. 15 Nu nzucutsia lubeei nú útibeei bene. 16 Nu catse elu nzuebeei puro nú necha neca rriêibeei, nu nehuana seca bee bene rriêibeei. 17 La chulubeei nú huañi nzeêca beei tucu nú rialane para nú nzuxe arquiêbeei. 18 Nu niê la zaê arquiêbeei nú lliquibeei Diose. 19 Nediyaêahua nú ye nú rni ley necane para bee bene enu sucuêe, para nú lecati ni nú la chulu dula, sino que yebee bene riêibeyaê nú rluêculla dula ante Diose. 20 Xne la neca nú sucuêtsia bee bene ye nú rni ley nú secalla nú la luêculla dula lu Diose sino que ley cuaê sibiê para nú riêi bee bene beyaê nú rluêculla dula. 21 Pero nee ulubeêla Diose inziuênu luaêahua para nú xneca yaêna nzeêcaêahua lu Diose la necane equie nú riaêahua lunú xa rnibiyaê ley sino que equie cuendaê ley cuaê, nu equie cuendaê nú uquieêe bee profetaê Diose, 22 rriaêahua beyaê nú Diose rluêcu cuenda liaêahua, nú la luêcua’ahua dula equie nú nzeli arquiaêahua Jesucristo, scua rriêinu luyebee bene enu nzeli arquiê liêinu. 23 Xne yebee bene rluêcu dula, nu lecati enu la luêcu dula ante Diose. 24 Pero lunú chiquiê nzeêca Diose, enzeêe uriêilanu perdona ye stulaêahua, sin nú dixiuêahua lunu, sino que Jesucristo udixiula equie cuendaê stulaêahua chenu ungutinu lu cruse. 25 Diose uxeêla Jesucristo lu iliulabe para nú equie cuendaê reneênu nú utiêchianu riêinu perdona bee bene iliulabe, nu neca nucuaê para bee bene enu chili arquiê Jesucristo, scua rlubeê nú ye nú rriêi Diose neli necane. Nu tunu hasta huaêtu lá riêinu elu usticia equie bee dula nú rluêcu bee bene, necane lunú rluêcu arquiênu bee bene. 26 Para nú nee nuê modo lubeênu lubee bene nú ñia necanu nu para nú riêi bee bene beyaê nú liêinu rriêinu tucu nú necane enzeêe rriêinu perdona stula bee bene enu nzeli arquiê Jesucristo. 27 Nee ¿xi equie zucuê ayaêahua liaêahua? Leca xine, xne la necane equie cuendaê nú sucuaêahua nú rni ley nú riêi Diose perdona liaêahua sino que necane nú nzeli arquiaêahua Jesucristo. 28 Enzeêe nediyaê nzeêcaêahua nú rriêi Diose perdona stula bee bene equie nú nzeli arquiê bee bene Jesucristo nu lanecane equie cuendaê nú zucuê bee bene nú rni ley. 29 ¿Xieê Diose necanu Diose lubee bene Israel tsia? ¿Nu lacanu Diose lubee bene enu laca bee bene Israel chela? Pero liêá nia luhua nú liêinu necanu Diose luye bee bene iliulabe. 30 Xne nuê tucutsia Diose, nu liêinu rriêinu perdona bee bene enu nzeli arquiê Jesucristo, sianu rluêculla seña nú rnibiyaê ley nú rquie bee bene Israel, urre la luêculla seña cuaê. 31 La riêihua elliebacuê nú rluachuêahua ley equie nú nzeli arquiaêahua Jesucristo sino que equie nú nzeli arquiaêahua liêinu sucuaêahua nú rni ley.