Romanos 4

1 Liêihua nediyaêhua nú xneca unga lu cuendaê Abraham beneêahua enu udetela, liêilla enu rlutila uquie seña nú rquie bee bene Israel. 2 Tunu aca nebacuê Abraham nú la luêculla dula equie beenú uriêilla, che nuê modo nú azucuê ayalla liêilla lubee bene, pero lu Diose leca modo ariêilla scua. 3 Pero Stichiaê Diose rni: “Xne uyali arquiê Abraham Diose, enzeêe ubacuê Diose liêilla xi neca tucu enu la luêcu dula." 4 Chenu rriêi tucu bene riñaê, dimi nú riaxulla la necane nú lia ratiêllae sino que rriêilla anae equie riñaê nú uriêilla. 5 Pero para nú riêi Diose perdona stula bee bene, leca modo nu ni bene nu aca perdonalla equie beenú uriêilla, sino que equie nú uchili arquiê bene Jesucristo enzeêe ubacuê Diose liêilla nú la luêcuaêlla dula. 6 Leêca uni David lu cuendaê bee bene enu uriêi Diose nú la luêcuêa dula, nu la necane equie beenú xi uriêilla, 7 nu unilla: Ãia neca lu cuendaê bee bene enu uriêila Diose perdona stula, nu uchilalanu stula. 8 Ãia neca lu cuendaê bee bene enu nebacuêla Diose, nú la luêcuaê dula. 9 Lá ni David nucuaê para bee bene Israel enu nequie seña, sino que unilla bee bedichiaê quieê lu yebee bene. Tucu nú uniêlaêahua nú Diose ubacuêla Abraham nú la luêculla dula xne uchili arquiêlla liêinu. 10 Nu chenu ubacuê Diose liêilla la luêculla seña nú rquie bee bene Israel, ante nú quie señacuaê Abraham nebacuêla Diose liêilla nú la luêculla dula. 11 Nu chenu ubacuê Diose Abraham nú la luêculla dula, che luzeêelá uquie señacuaê liêilla, xne señacuaê neca nú nebacuêla Diose liêilla nú la luêculla dula equie nú uchili arquiêlla liêinu. Scua neca Abraham paê ye bee bene enu nzeli arquiê Diose, mase nú la nequie seña nú rquie bee bene Israel liêilla, pero lunú nzeli arquiêbeella Diose nebacuêlanu liêibeella, nú la luêcu beella dula. 12 Nu leêca neca Abraham paê bee bene enu nequie seña nú rquie bee bene Israel, nu nzeli arquiêbeella Diose tucu nú uyali arquiê Abraham, ante nú quie seña liêilla. 13 Chenu ucuaqui uêna Diose lu Abraham cuna lubee bene enu nzeli arquiê Diose, tucu nú uyali arquiê Abraham nú deteênu nú yucu beella iliulabe xi neca tucu erencia. Lá cuaqui uêna Diose nucuaê lu Abraham, equie nú uzucuêlla nú rni ley, sino que necane lunú uchili arquiêlla Diose. 14 Xne tunu bee enu sucuêtsia ley atiê erencia cuaê, lecaxi sibiê nú nzeli arquiê bee bene Diose, leêca la zibiê nú ucuaqui uêna Diose lu Abraham che. 15 Pero lacane scua, xne ley neca para nú deteê castiya bee bene pero elu leca ley leca modo nú ni bee bene nú la zucuê bene nú rni ley. 16 Enzeêe chenu ucuaqui uêna Diose lu Abraham nú deteênu nú ucuaqui uênanu lu ye bee bene enu nzeli arquiê liêinu, tucu nú udeteênue lu Abraham scua ucuaqui uênanu lu Abraham xne uchili arquiêlla liêinu, nu la necane nú ucuaqui uêna Diose nucuaê para bee bene enu sucuêtsia ley sino que necane para bee bene enu nzeli arquiê Diose, tucu nú uyali arquiê Abraham Diose, mase nu la chulu beella ley, nu scua Abraham neca paê yeêahua. 17 Tucu nú rni lu ichiê Stichiaê Diose lu cuendaê Abraham, elu rni: “Liêilu acalu paê huaxi bee bene iliulabe.” Nucuaê neca nú ucuaqui uêna Diose lu Abraham, nu uchili arquiêlla nú uni Diose lulla, liêinu enu rriêi nú rehuañi bee benenguti nu rninu equie cuendaê beenú lecascaê lu iliulabe quieê xi neca nú nuêlane. 18 Añinzuca nú nediyaê Abraham nú leca modo nú luêculla enduê, pero chenu uni Diose lulla nú luêculla enduê che ita uyali arquiêlla nú uni Diose lulla scua, neca Abraham “paê ye bee bene”, enu nzeli arquiê Diose, tucu nú uni Diose lu Abraham: “Scua aca huaxi bee lliêñilu." 19 Nu uyali arquiê Abraham nú uni Diose lulla nú luêculla enduê, nu nzalalla casi tucu ayuêu lana, nu unguxulalla nu leêca esquie unaêlla Sara, pero lá tsuchiucu arquiêlla lunú uni Diose lulla. 20 Nu lá zaê arquiêlla núla yalu tucu nú ucuaqui uêna Diose lulla sino que diquinuê arquiêlla uyali arquiêlla nú uni Diose lulla, nu udeteêlla cheêtsa lunu. 21 Chiquiê nzutaê arquiê Abraham nú chiquiê reca Diose riêi tucu nú ucuaqui uênanu lulla. 22 Enzeêe nebacuêla Diose Abraham nú necalla tucu bene enu la luêcu dula xne uchili arquiêlla liêinu. 23 Nu elu rni nú Diose nebacuêla Abraham nú necalla tucu bene enu la luêcu dula, lunú uyali arquiêlla liêinu, láninu lu cuendaêtsia Abraham, 24 sino que leêca uninu nucuaê lu cuendaêahua, xne nzelila arquiaêahua Diose, che nebacuêlanu liaêahua nú la luêcuaêahua dula, liêinu enu uriêi nú uhuañi zeca Jesucristo lu eluti. 25 Jesucristo enu unguti equie stulaêahua nu uhuañi zecanu lu eluti nu equie cuendaê liêinu la luêcuaêahua dula lu Diose.