1 PEDRO 2
TBL1 Nana sca: guá¹draa to grë guieḻntseeb, yquidiedraa to samiech to, guá¹draa to ne laglaase glu to guieḻwen, gacnëd zdoo to gaá¹ to cho zha stib noded, gzhixcuaadraa to diidzguizh. 2 Sinque Xtiidz Dios goḻtsoxco, zeeá¹a lozh tsotibli guic to dziits so to low. Zig rzac mëdyeeá¹ ne wriiá¹ ral, nidzpaa rdziladz win guie win; scadaa goḻsac Xtiidz me, zeeá¹a ygaade to grë guieḻnëdox ne csiaab me. 3 Laa to goá¹le gaá¹le zha wentaa zdoo me, Xtiidz me sca goḻtsoxco. 4 Goḻbig lo Jesús, goḻgaá¹ gaá¹le lëë me nac zig tib quie ne rio squin yu, per tib quie mban. Ib bleynied miech me, saá¹gue Dios, meá¹ non, meá¹ nziuu nac me lo me. 5 Goḻbig lo me sca, zeeá¹a ye to gac quie mban ne tsaa xyadoo me. To gac grë pxoz ne nlipaa mbe zdoo, guá¹ to dziin leá¹ yadoo co; goḻban zigne rdziladz Dios, zeeá¹a guieḻmban co gac zig tib gon ne gdeed to lo me, ne nac to zha ne ngab lo Jesús. 6 Zigne zhobneeque lo Xtiidz Dios, zaatne znu rnee: Meá¹ ne bzo naa cxeḻ naa Jerusalén, me gac zig tib quie nroob ne gnaaz dziits xyadoo naa, ni lëë yadoo co nac grë zha ne ngab lo naa. Meá¹ non nac me, ni grëse zha ne gnalo me, ible csaand naa zho. 7 Ne nligaa tib meá¹ non nac me lo ne, saá¹gue grë zha ne rliladzd me choḻze miech rzoob zho me; zigne zhobneeque lo Xtiidz Dios, zaatne rnee: Quie ne sca broá¹ zho tib lad zeeá¹e quiazaa zho yu, laaw broá¹ zho sac rzac zho paat rquiinda, ni niina lëëpaaw nac quie ne nlibdziits xcox yu. 8 Ni ziaad stib zaatne znu rnee: Quie co grieḻ ni miech, quie co groá¹ zho. Grëse zha ne nëd gliladz Xtiidz me zaatne rnee cho nac me, scapaa sac zho me, ni ib zhobneele ne miá¹ co ygaa zho. 9 Saá¹gue to, lo Diosle ngab to, me ble to, zigne rnee lo Xtiidz me: tole nac zhipxoz me, tole nac zha non ne quiayuá¹ xtsiiá¹ me; miech ne mbele lo doḻ nac to lo me, mele rnabey to sac me bredz to laa to briee lo guieḻcow bzëëb to lo xbiini ndzon me; zeeá¹a gnee to lo miech gaá¹le zha nactaa grë ncuaaá¹e ruá¹ me. 10 Glo peet nonde to, saá¹gue niina non to sac goá¹ lo me ngab to; glo naá¹de to pa lotaa rquia zdoo me to, saá¹gue niina rley to raá¹ to gaá¹le squitaa rquia zdoo me to. 11 Bets, bzian, rleynie naa to. Ndioá¹ ne gaá¹le, nacse xquieḻmban ne lo guidzliu rii zig zha ne tibrded stib ladz beá¹; gane rso naa diidz lo to, ib gzoobladzde to guá¹ to grë ncuaaá¹e ndzinlid ne racladz xcuerp to; sac miá¹ co rsacsi xalm miech. 12 Goḻguieá¹ zaacse goḻgac lo grëraa zha ne gard guá¹bey Dios; niicle ne gneenë zho to niina, sac zho to zig cho grë zha ntseeb, per zeeá¹e gaá¹ zho ne ndzinli nac grë ncuaaá¹e ruá¹ to, haxta zleynie zho Dios gaḻ dze ne laa Jesús guiaadguá¹ guieḻwxtis. 13 Goḻgon xtiidz grëse meá¹ ne nac wxtis lo guidzliu rii, sac sca rdziladz Dios: zigtaa presidenta, ne nac me zha nonraa, 14 zigtagaa grë zha ne nacnie me dziina, sac zha ruá¹ guieḻwxtis, rdeed zho caxtigw ne rieguiaḻ grë zha ntseeb, ni scagaa ruá¹non zho grë miech ne ruá¹ ncuaaá¹e rquiin. 15 Ible laa Dios racladz zaacse gac to, zeeá¹a grë zha nxen, grë zha yozh ne rieá¹d pe rnee, haxta ni ro zho tsod pe gneenë zho to. 16 Goḻlu ne peet lo ngadoodraa to, per guiabde to ne peet lo ngadoodraa to laa to guá¹ grë ncuaaá¹e ndzinlid ne gacladztaa to. Led scada goá¹, miá¹e racladz Dios miá¹ co goḻguá¹, goḻlu mele rnabey to niina. 17 Zaacse goḻgac lo grë samiech to, goḻguieá¹ cho lo zo to. Goḻleynie grë zha ne nacgrë to, ndooladz goḻgac lo Dios, goḻguieá¹ ne meá¹ ro nac me; ni scagaa goḻgon xtiidz grë zha ne nac wxtis nroob. 18 Bets, bzian, to ne nac to zha ne quia xtsiiá¹ beá¹, goḻgon miá¹e rnabey meá¹ ne rree to; teḻ zhataa nac zho, zigtaa meá¹ wena, zigtagaa meá¹ ne ntseeba. 19 ¡Nley goḻgac, goḻdeed xquizh lo Dios, teḻ porne noyuá¹ to miá¹e rnabey me, laa zho rsacsi to! 20 Sac goá¹, teḻne nosacsi zho to por xquieḻntseeb to, niicle paraa cxecw to paat yquiinda; saá¹gue teḻ rxecw to nosacsi miech to porne noyuá¹ to ncuaaá¹e rdziladz Dios, dzigosi zleynie me to. 21 Goḻgacnaá¹ gaá¹le, ible none ted to miá¹ co ne nac to zha ne ngab lo Dios; sac goá¹, niicxe Jesús, blactaa guieḻnë ne bded me bdiizh me xtoḻ ne. Glo me sca bded, nana negaa ible none sca dieed ne. 22 Teḻ me ni tib doḻ beeá¹d me, ni tib miech pquidied me. 23 Niicle zeeá¹e blooredz zho lo me, ible ptsired me lo diidz co; niicle zeeá¹e quiasacsile zho me, ib gocntseebd me lo zho; sinque grësew psaá¹ me ladznia Dios, meá¹ co guá¹ guieḻwxtis zigne no gaca. 24 Masaque Jesús bgaadz grëse xtoḻ ne, blactaa psacsi zho me pquia me lo cruz bdiizh mew; laa me beeá¹ miá¹ co, zeeá¹a grieelo griee ne ladznia doḻ, gban ne zigne rdziladz Dios. Ne scataa psacsi zho xcuerp me, ga bi me grëse xquieḻnë ne. 25 Glo lega nac to zig nac grë mëcwxiil ne zonziaab, saá¹gue niina mele quianap to. Me nac tib baxtor ne rleyniepaa to.