1 PEDRO 3

1 Bzian, to ne nac to meá¹ wnaa ne ptsieelniale, goḻgon xtiidz tsieel to. Niicle teḻ nëd zho gliladz zho Xtiidz Dios, per zeeá¹e gaá¹ zho ne nligaa ndooladz nac to, iá¹e ndzinli rac to, haxta zhal zho laa zho yquiabladz gliladz zhow. Yquiindraa ne gooá¹ chopaa yquia gneew lo zho. 3 Goḻguieá¹ sca, tsode to ne gooá¹ dieá¹ pa xixcuaaraa to par gluniow to lo miech; dieeá¹ pa xixcuaaraa guitsguic to, dieeá¹ pe bguiaa or ne yquia diag to, dieeá¹ pe grë guiib or tso yaá¹ to, tso nia to, dieeá¹ pe lar niazh ne gacwraa to. Tsienaḻde to grë guieḻniow co, sac goá¹ ncuaaá¹ laglaase ga; 4 sinque none xixcuaa zdoo to, gac to tib zha tibliladz, tib zha ne ndooladz. Lëë guieḻniow co nac miá¹e niowraa nëz lo Dios, ni miá¹ co gdziá¹d dze nitlo. 5 Lëë guieḻniow co bioxco grë meá¹ wnaa ne biaadban padzeela, zha ne briee lo doḻ wban zho zigne racladz Dios; teḻ zha, dib zdoo zho bnalo zho Dios, ni bin zho xtiidz tsieel zho. 6 Zig nac Sar, sca goc me, bin me xtiidz tsieel me Abraham, haxta rëb me masaque Abraham nac meá¹ ne rnabey me. Ni scagaa to, teḻne tsoxco to xixcuaa to, zac to zig goc Sar, dzigosi laa to gac zig xpëëd me; haxta ni tsoxtseebde to pe glisqui tsieel to lo to. 7 Scaquegaa to bets, ne nac to zha ne ptsieelniale, goḻtsoxco tsoguic to zha nac tsieel to. Goḻgaá¹ me zigne nonguieḻa gaá¹ to me, goḻguieá¹ gaá¹le nda meá¹ wnaa; ni lala, non me lo Dios, sac goá¹ ye me ygaa guieḻmban ne psaá¹ Dios diidz gneedz me lo to. Sca goḻban, zeeá¹a scagaa zeeá¹e gnab to lo Dios, squiaadiag me xtiidz to. 8 Nana sca, tipse goḻgac grë to. Iá¹e niowse goḻleynie zha ne nacgrë to, miech wen, miech ndooladz goḻgac. 9 Zha ne gacntseeb lo to, guá¹de to ne yeque to gacntseeb lo zho; zha ne coredzgaa lo to, guá¹de to ne yeque to coredz lo zho; sinque mazd goḻnab lo Dios guá¹lay me zho, zeeá¹a scagaa to, zuá¹lay me to; sac goá¹, ible miá¹ co bredz me to. 10 Zigne zhobneeque lo Xtiidz me, zaatne rnee: Zha ne racladz iá¹e gley zho ne laa zho mban, wen ted zho leá¹ ngbidz ne gban zho, none tsoxco zho ycuëëz zho ro zho, gneenëdraa zho, yquidiedraa zho; 11 none csaan zho grëtaa guieḻntseeb, niapse ncuaaá¹ wen tsoxco zho guá¹ zho, yguib zho cuewen miech, niicle zhagaa wen gac zho lo grëse miech. 12 Sac grë zha ne sca wen rac nëz lo Dios, tibaque quianap me zho, ni rquiaadiag me xtiidz zho teḻ pe rnab zho lo me; saá¹gue grë zha ntseeb, ni lalnu rdziguiend me ncuaaá¹e ruá¹ zho. 13 Goḻguieá¹ sca, ncuaaá¹e yquiin goḻguá¹; scagaa tsod pe nacne ctsidiḻ miech to. 14 Laa teḻne ncuaaá¹e yquiinaquegaa noyuá¹ to, ni laa miech rtsidiḻ to, ¡dichos to ga! Ib gdziebde to grë miech guidzliu, niicle peraa gnë zho guá¹ zho to. 15 Tibliladz goḻgac, tibaque goḻguá¹non Jesús meá¹ nroob ne rnabey ne, tibaque goḻconie Xtiidz Dios guic to, zeeá¹a naá¹le to pe guiab to lo zha ne gnabdiidz dieá¹ zha nacne rnalo to Jesús; iá¹e niowse goḻgac, diidz ndooladz goḻnee lo zho. 16 Zaacse sca goḻban, zeeá¹a grë zha ne rneenë to porne nac to zha ne no xnëz Jesús, zdziá¹ tib dze ne ctoladz zho, zeeá¹e guieá¹ zho lega bnexuu zho to. 17 Wen zie zha ne raá¹ guieḻnë, teḻne Dios rnabey gaá¹ zhow zeeá¹e noyuá¹ zho ncuaaá¹ wen; lëdle gaá¹ zhow por xquieḻntseeb zho. 18 Goḻgaá¹ gaá¹le niicxe Jesús, zha nactaa grë guieḻnë ne goá¹ me. Niicle ne ni tib doḻ beeá¹d me, per haxta beet miech me bdiizh me grëse xtoḻ ne nac ne miech ntseeb, psaá¹wen me ne lo Dios. Nli gut xcuerp me, per zhiespíritu me gutew; 19 gane güeyted me zaatne nioogyu zhiespíritu grë zha ne wban padzeela, güeynee me lo zho. 20 Lëë grë zha co ib bzhiguieḻd nliladz Xtiidz Dios, niicle ne dipse leá¹ dze ne nozaa Noé barcw nroob co pquiambëz Dios niac-wen zho. Naá¹laxe to gaá¹le, xonaque nac zha ne bdedlaa lo nis co. 21 (Lega rrieequia goc nis co zig nis ne rrobnis ne. Zeeá¹e rrobnis ne, ga rlu ne laa ne brieele ladznia doḻ, ygaadraa ne guieḻnëdox ne tsieguiaḻ zha ngoopdoḻ, sac goá¹ por miá¹copaa gut Jesús ni brieeban me; ni guiabd ne togo nis co rsaá¹mbe ne lo xtoḻ ne, sinque ga rxobneá¹ ne ne laa ne rnab lo Dios ctsëë me lo xquieḻmban ne.) 22 Saá¹gue niina gbaa ga no Jesús, ga zob me cue Dios nëz derech, grëse anjl non, grëse zha non ne no gbaa, rquiitsgzhib zho lo me ni ruá¹ zho miá¹e rnabey me zho.