2 PEDRO 2

1 Grë zha ne biadteed Xtiidz Dios padzeela, miá¹e bnabey me zho miá¹ co bnee zho; per brieequiaque zha ne pquidie rëb zho Dios pxeeḻ zho, ni nlida. Ni scaquegaa niina, grë zha ne rseed to, zrieequia zha ne yquidie lad co. Dzega dzega csilo zho glu zho grë zhiwseed yozh zho, ib guá¹beydraa zho meá¹ ndzon ne rnabey ne, meá¹ ne psilaa zho lo xtoḻ zho; per naá¹d zho zha nactaa guieḻnëdox ne ygaa zho, tibaque zeeá¹e guieá¹ zho laa zho nole lo caxtigw co. 2 Ndal miech ne grieequia tsienaḻ grë ncuaaá¹ yozh ne guá¹ zho, niapse por zha laa grëraa miech csilo gneenë Xtiidz Dios. 3 Zha yozha, laa zho tsienaḻ loxaque dieá¹ zha guá¹lo zho dimi, zguib zho yquidie zho to gdeed to dimi lo zho. Per ib tedsod zguizh zho miá¹ co, sac bzeetle Dios gaá¹le zha nactaa lo guieḻnëdox ne ygaa zho; 4 sac Diossi goá¹, miá¹e ruá¹ grë zha ntseeb, csaá¹d mew scase. Goḻgaá¹ gaá¹le, niicxe grë anjl ne sca beeá¹ falt lo me, goá¹dzed me zho, bleegazh me zho gbaa, bnabey me bioogyu zho tib lo ncowdoo, ga nioogyu zho nieeda gaḻ dze ne laa me guá¹quizh zho miá¹e beeá¹ zho. 5 Padzeela zeeá¹e wban Noé, grë miech ntseeb ne bnëd nion xtiidz me niicle ne bneepaa Noé lo zho, scaque goá¹dzed me zho, psiaab me tib guiedox bnitlo zho grëse zho; loxaque Noé ni zgadz meá¹lidz Noé psilaa me lo nis co; sac wban Noé zigne racladz me. 6 Scaque leá¹ dze ne wban Lot, bdziguiend me grë miech yozh ne bio guiedz Sodom ni guiedz Gomorr, blaaḻ me gui grop guiedz co, bnitlo me zho grëse zho, xquidiese biaaá¹. Laa me beeá¹ miá¹ co, zeeá¹a ga gaá¹ grëraa zha ntseeb gaá¹le pe nac miá¹e tsieguiaḻ zho teḻne csaand zho xquieḻntseeb zho. 7 Lotse psilaa me, sac bioxco Lot miá¹e rnabey me. Gapaa no Lot, raá¹paa me zha ruá¹ grë miech co; haxta mban rac zdoo me, raá¹ me gzataa dze loxaque grë guieḻyozh noyuá¹ zho. 9 Gase na gaá¹le rlu ib rsaand Dios zha ne rnalopaa me, rsaand me guiab zho lo doḻ; ni scagaa grë zha ne rsaand guieḻntseeb, ib tedsod zho lo guieḻnëdox ne cteed me zho gaḻ dze ne laa me guá¹ guieḻwxtis. 10 ¡Zig nac zha ne guiaadquidie to ga, miá¹copaa ygaa zho! Ni lalnu gaá¹dzed Dios zho; sac goá¹, laa zho zienaḻ loxaque grë guieḻyozh ne gdeed guxt xcuerp zho. Miech nad, miech niats nac zho, rzhidznie zho miá¹e rnabey Dios, ni lalnu dzeb guieá¹d lo zho rdzibdee zho grë meá¹ non ne no gbaa. 11 Per ni grë anjl, niicle ne zha nroob nac anjl, niicle ne rap anjl poder, per rdziá¹d anjl lo Dios gdzibdee anjl zho. 12 Per zha, lo xquieḻyozh zho ga, haxta ncuaaá¹e rieá¹d zho zha nac, rdzibdee zho. Lëëdaa grë ma nac zho, teḻ ma laa ma ralse par ygaa ma nitlo ma; guieá¹draa xquieḻrien zho, ncuaaá¹e racladztaa zho ruá¹ zho. Per zdziá¹ dze ne nitlo zho, zigne rnitlodaque grë ma, 13 por grëtaa guieḻntseeb, grëtaa guieḻyozh ne squitaa rley zho ruá¹ zho haxta zobna ngbidz. Miech mbixladza, miech ngubeeguieḻtow, rquiaalose zho miech wen nac zho zeeá¹e riaadsobnie zho to lo zhilni to. 14 Wnaa ne gaá¹taa zho, pe na gzoobladzd zho tsonie zho wnaa co, tibaque quiayuá¹ctal zho xtoḻ zho. Rio zho rquiil zho grë zha ne gard sodziits lo Xtiidz Dios; rieá¹le zho zha gla zho ncuaaá¹e rquiin lo zho. Miech ndziibdeele nac zho, 15 sac laa zho psaanle xnëz Dios, nëz ne nitlole zho no zho; lëë zho ruá¹ xcuent Balam, xpëëd meá¹ ne lë Beor. Teḻ Balam, haxta miá¹e nonguieḻdraa beeá¹ me par guá¹ me gan dimi; 16 per bdziá¹ tib dze zeeá¹e laa Dios blisqui lo me grëtaa ncuaaá¹e quiayuá¹ me ga. (Bnabey Dios lëëque xpurr Balam bnee, dzigoraa bieá¹ Balam psaan me xquieḻyozh me ga.) 17 Masaque nac zho zig nac grë bzie ne bidzle nis, zig nacgaa xcow bidz ne nëzrii nëzrec zienie me; ni lalnu paat rquiind zho. ¡Laa zho nole guey zho lo guieḻcowdoo ne rieguiaḻ zho, zaatne gdziá¹draa dze griee zho! 18 Niats rzë xtiidz zho, per ncuaaá¹e paat rquiind rnee zho. Miá¹e mazdraa mban ruá¹ zho, rio zho lëëque lo grë guieḻyozh ne rdeed guxt xcuerp zho rquiil zho grë zha ne pense briee lo doḻ, rlozh ga rbiire riab zha co lo grë doḻ co stib. 19 Rnee zho zac teḻ zhataa gban ne, nodne gnabey xley Dios ne. Rzac zho na choot rnabeyd zho, ni rieá¹d zho doḻ quianabey lo zho; sac grëse zha ne gacdraa csaan teḻ pe grë guieḻyozh ne ruá¹ zho, lëële grë ncuaaá¹ co rnabey lo zho. 20 Tib zha ne sca brieele lo grëtaa ncuaaá¹e ndzinlid ne no lo guidzliu rii (porne bliladz zho Jesús, meá¹ ndzon ne rnabey, meá¹ ne rsilaa miech lo doḻ), ni gbiireque zho gdeed zho diidz guiab zho low gnabeya zho, mban goá¹ tsie zho; sac dzigole mazdraa mban guiaaá¹ zho. 21 Lëda ga goá¹, teḻne gocnaá¹le zho zha racladz Dios gban zho, ni lozh ga csaá¹ zho xtiidz me tib lad, gbiire zho tso zho lo grë ncuaaá¹ yozh ne beeá¹ zho glo. Nroobdox caxtigw ne gaá¹ zha co, mazd zhi miá¹e ygaa zha ne gocnaá¹d zha nac xtiidz me. 22 Zha copaa nagoá¹ ruá¹ miá¹e rnee diidz ne znu rëb: “Naá¹draaque mëcw, ncuaaá¹e bdzible ma rbiire ma row maw”; ni stib miá¹e znu rnee: “Ngutszhe, rlozhle raz ma nis mbe, ni rlozh ga riegaaque ma lo nis beá¹."