2 PEDRO 3

1 Bets, bzian, goḻgaá¹ gaá¹le lëële guits rii raca chop zixeḻ naa. Gropse low, rso naa diidz lo to tsoxco to zaacse gban to, iá¹e niini gac guic to. 2 Goḻsoladz gaá¹le, zha nac grëse miá¹e bnee grë zha ne biadteed xtiidz Dios padzeela; goḻsoladz zha nac grë miá¹e rnabey Jesús, miá¹e biadseed no to. (Jesús, meá¹ ndzon ne rnabey ne, meá¹ ne psilaa ne lo grëtaa xtoḻ ne.) 3 Racladz naa gacnaá¹ to gaá¹le, leá¹ dze ne ziaadyob guiaad Jesús, zrieequia zha ne gzhidznie xtiidz me, csilo zho guá¹ zho grëtaa guieḻyozh ne gzoobladz zho; 4 guiab zho: “¡Pe gliladz ne nazho guiaad Jesús! Teḻne nli rëb me laa me guiaad, ¿yo me na? Grë xmeá¹gol ne, zha ne scataa pquiambëz me, laa zho gutle, ¿cho na zho guiaad? Znutaque nac lo guidzliu wlal ne brew." 5 Squiaalo zho rsoladzd zho zha bnitlole guidzliu tib vuelt, ni zhagaa nitlo miá¹e no niina. Wen wen naá¹ zho gaá¹le zha bnabey Dios biaa guidzliu, me bnabey brieew lo nis, ni masaque lo nis now; miá¹cocxe waa nis bnitlow glo. 7 Scaque, nacle xtiidz Dios, zigtaa gbaaw, zigtaa guidzliu ne no niinaw, laaw nitlo, per lo guile nitlow; ni lo gui co nagoá¹ ygaa grëse zha ne ruá¹ guieḻntseeb ted zho caxtigw. 8 Zha ne rzac quiayaaá¹ladz Jesús diidz ne psaá¹ me ga, per led quiayaaá¹ladzd mew; sinque laa me quiambëz tebaa grëse miech gac-wen lo me. Laa me racladz, grëse zho csaan xquieḻntseeb zho, zeeá¹a ni tib zho nitlod. Bets, bzian, naá¹le to gaá¹le led yed me ngab xtse. Sac teḻ me, ncuaaá¹e guá¹ ne tib milraa iz, tib dzeque guá¹ mew; nroob rzac ne tib mil iz, per par me rzacse mew, lal ne rzac ne tib dze. 10 Ib laa me no guiaad, per choot naá¹d dieá¹ pa horpaa guiaad me; laa me guiaad zig rzëëbse tib ngbaan yu, tibaque zeeá¹e gaá¹ miech laa me ziaadle. Grëse ncuaaá¹e no, hor co laaw lozh; bidox ne gdzieb ne tso zeeá¹e laa gbaa nitlo; grë mel ne ndziib gbaa, masaque gazbel ma; haxta guidzliu, dib nacsew laaw tsec. 11 Scataa nagoá¹ nitlo guidzliu rii, ni grëraa ncuaaá¹e rdziaá¹ ne niina, ¡goḻguieá¹ sca goḻban zigne racladz meá¹ ndzon ne rnabey ne, guá¹ctaldraa to xtoḻ to! 12 Tibaque goḻconie guic to ne ib laa me no guiaad; tibaque ndzinli goḻban, goḻlu ne quiambëz to gdziá¹niob dze ne sca gazbel grë ncuaaá¹e raá¹ ne gbaa, dze ne sca tib guiaaḻse grë ncuaaá¹e niaaw. 13 Horco nagoá¹ laa ne dziaá¹ tib gbaa cub, laa ne dziaá¹ tib guidzliu cub ne psaá¹le me diidz ygaa ne; zaatne tsodraa guieḻntseeb. 14 Bets, bzian, nligaa goḻtsoxco ndzinli goḻban, guá¹ctalde to xtoḻ to; niowse goḻbannie samiech to, zeeá¹a gaḻ dze ne laa Jesús guiaad, iá¹e gleynie me to gaá¹ me mban to zigne racladz me. 15 Goḻsoladz gaá¹le, porne quiambëz me gbig grëraa miech lo me csilaa me zho lo doḻ, miá¹ co gane gard guiaad me. Ye bets ne Pabl, meá¹ ne nziuu lo ne, lo grë guieḻbiini ne rdeed Dios lo me rquiaa me grë guits ne zixeeḻ me, zineele me lo to grë miá¹e none naa nu. 16 Parga nli no miá¹e rnee me ga, ngaá¹ guieá¹ ne zha naca; grë zha ne rdziinpaa racladz ctsëë Xtiidz Dios, zeeá¹e laa zho rneew, laa zho rneelew zigne racladz zho; zigne ruá¹aque zho grëraa miá¹e zhobnee lo Xtiidz Dios. Zha ne sca ruá¹, lëëque zha noguib nitlo zho ga. 17 Laa naa rzet grë miá¹ rii lo to nu, zeeá¹a nsin so to, ib gdeete to diidz cho grë zha ntseeb ne sca nac guiaadquidie to, yquiil zho to csaan to miá¹e nac diidzli, csaan to nëz ne ziele to i. 18 Goḻtsoxco zig zie dze guieá¹raa to pa lotaa rleynie Dios to, ni guieá¹raa to cho nac Jesús, meá¹ ndzon ne rnabey ne, meá¹ ne psilaa ne lo doḻ. Me nac meá¹ non, me nac meá¹ nziuu, ible me rieguiaḻ guá¹non miech, zigtaa niinaw, zigtagaa grë izdoo ne ziaadraaw. Sca rieguiaḻa. Pedr