HECHOS 14

1 Zeeá¹e bdziá¹ Pabl Icon grop me Bernabé, güey zho tib xyadoo zha Israel zob lad guiedz co, bnee zho Xtiidz Dios lo grë zha ne pcaalsa ga. Zigtaa zha Israela, zigtagaa zha lad guiedz cow, nzian zho bliladza. 2 Laa grë zha Israel ne bliladzda, psilo zho bloo zho diidz lo grëraa miech guiedz co glëënie zho Pabl grop Bernabé. 3 Niicle sca beeá¹ grë zha co per wbid zho, bii blëz zho ga, peet dzeb nod lo zho rie zho rienee zho Xtiidz Dios lo miech; scagaa Dios, nzian grë milagr ne bdeed me diidz ruá¹ zho par glu ne nli Xtiidz me nonee zho. 4 Dzigo grë miech ne no lad guiedz co goc zho chop dii, groḻ zho racnie grë zha Israel ne rlëë ga, zgroḻ zho racnie grop zha poxtl co. 5 Zha ne rlëë ga, zigtaa zha Israela zigtagaa zha guiedz cow, bnediidz zho grë zho wxtis laa zho tsie tsiedeedquie zho Pabl grop Bernabé. 6 Zeeá¹e bin Pabla grop Bernabé, mazd laa zho briee ga, laa zho zie nëz xtan zha Licaon. (Güey zho Listr, güey zho Derb ni grëraa guiedz ne ndxie gax ga; güeynee zho lo grë miech co zha nac Xtiidz Dios.) 8 Guiedz Listr ga goá¹ zho ti mgui në ni, wlaltaa lo xquieḻmban me ib gard së me; sac scale në ni me zeeá¹e gol me. 9 Zeeá¹e goá¹ Pabl dze zob me rquiaadiag me miá¹e nonee Pabl lo grë miech co, dzigo dzeque bui Pabl lo me, goá¹ Pabl dib zdoo me rliladz me nli zrieelo guá¹guiac Dios me; 10 dzigo nguiedz bnee Pabl lo me, rëb Pabl: â¡Beeá¹nli ni luu, zeeá¹a bzoli! Zigne sca bnee Pabl, znuse guso nguzhooá¹ me, bzoli me laa me psilo bzë. 11 Zeeá¹e goá¹ grë miech co sca biac me, psilo zho con xtiidz zho nguiedz rnee zho: â¡Diosle i goá¹, nasi zig rlu miech rlu me laa me biet gbaa ziaadgaá¹ me ne! 12 ¡Masaque rzac zho lë xdios zho ga! Rnee zho Bernabé nac dios Júpiter, laa Pabl nac dios Mercur, sac Pabl nac zha ne ndziibraa rnee. 13 Ro guiedz co ga zob xyadoo zhimdio zho Júpiter, dzigo briee pxoz ne no yadoo co grë me miech lad guiedz, zienie zho ngon, zienie zho guiee, naá¹ zho gut zho ngon co cogon zho ma lo Pabl grop Bernabé. 14 Zeeá¹e bieá¹ Pabla grop Bernabé wbiá¹ladz guic zho. Ptsiez zho xab zho, bzëëb zho lad grë miech co, nguiedz rnee zho lo zho: 15 â¡Ndzinli goḻgac! ¿Pe nacne squi rac to? ¡Goḻgaá¹ gaá¹le miech guidzliuque nac no, tibaque nac ne grë ne! Laa no ziaad lo to ziadseed no to wseed cub ne nac Xtiidz Dios, zeeá¹a guieá¹ to csaan to grë ncuaaá¹e paat rquiind ne ruá¹ to i, gbiire gbig to lo Dios meá¹ ne nlipaa mban. Me bzaa gbaa, me psaá¹ guidzliu, me psaá¹ nisdoo, grëse ncuaaá¹e no gbaaw, ncuaaá¹e no lo guidzliuw, ncuaaá¹e no lo nisdoow, me bzaaw grësew. 16 Niicle ne glo bdeed me diidz beeá¹ miech grë ncuaaá¹e gocladztaa zho, 17 per psaanladzd me zho. Gocnie me zho zigne racnieque me ne niina, rsiaab me nisguie rac xcuaa ne, rneedz me ncuaaá¹e rdioow ne gzataa dze, rneedz me guieḻbley lo ne. 18 Niicle sca rnee grop zha poxtl co, nen bin grë miech co diidz beete zho ngon co ngogon zho ma lo zho. 19 Leá¹ dze co, blalaa zha Israel ne ziaad nëz Antioquí ni nëz Icon bdziá¹ Listr ga. Psilo zho bloo zho diidz lo grë miech co gocntseeb zho lo Pabl; güey grë miech co bdeedquie zho Pabl. Masaque bzhaac zho gutle Pabl, bdobniu zho me güeyroá¹ zho me tiblad ro guiedz. 20 Grë zha guiedz co zha ne rliladzle Jesús, zeeá¹e bin zhow, güey zho zaatne nix me ga. Lëëtaaque ndxie zho lo me, zeeá¹e laa me guche; ga guche me laa zho zeynie me nëz leá¹ guiedz. Biini liu, pcaa me nëz grop me Bernabé laa zho zie nëz Derb. 21 Bdziá¹ zho Derb, psilo zho bnee zho Xtiidz Dios lo grë miech co; ndal grë zha ne bliladza. Blozh ga, laa zho wbi ga biire güeyted zho nëz Listr, güeyted zho Icon, ni güeyted zho Antioquí, 22 güeynee zho lo grë zha ne rliladz Jesús ga, pchoobladz zho zdoo zho, pso zho diidz lo zho, niicle nroob guieḻnë ne noded zho per none tibaque gac guic zho tsienaḻ zho Xtiidz Dios; sac ible sca nzian ncuaaá¹e ted zho laga gdziá¹ dze ne gdziá¹ zho zaatne rnabey Dios. 23 Tib tib guiedz co, bzose zho grë zha ne so gnabey lo grë zha ne rliladz Jesús ga; rlozhse rcuan zho grë zho zho ni rzodiidznie zho Dios, dzigo laa zho rsaá¹ zha co ladznia me yquianap me zho. 24 Nëz no Pabl grop Bernabé bded zho dib xtan zha Pisid, bzëëb zho xtan zha Panfil, bdziá¹ zho guiedz Perg. 25 Blozhse bnee zho Xtiidz Dios lo grë miech co, dzigo laa zho briee ga, bdziá¹ zho guiedz Atalia. 26 Atalia ga bzëëb zho barcw bdziá¹ zho sti guiedz ne lë Antioquí, gataa laa zho psiaaḻ viaj co. Guiedz coque ga briee zho grop zho güey zho grë guiedz co güeynee zho Xtiidz Dios lo miech; zeeá¹e sca bnab grë zha ne rliladzle Jesús ga lo Dios gacnieá¹ me zho tsieguá¹ zho xtsiiá¹ me. 27 Zigne bdziá¹ zho Antioquí ga, bnabey zho pcaalsa grëse zha ne rliladz Jesús, bzodiidz zho lo grë miech co grëse zha gocnieá¹ Dios zho güeyguá¹ zho xtsiiá¹ me, ni zha rquia zdoo Dios zha ne nacd zha Israel rbedz me zho ye zho rzëëb xnëz me. 28 Xtselaa bio Pabl ga grop me Bernabé, blëz zho lo grë zha ne rliladz Jesús ga.