HECHOS 15

1 Ga no Pabl grop Bernabé zeeá¹e bdziá¹ bla zha ne ziaad nëz Judé, psilo zho noseed zho grë zha ne rliladzle Jesús ga, rnee zho lo zho ib none tso zho bey zigne rnabey xley Moisés, niicle ne rliladzle zho Jesús; zeeá¹a sca csilaa Dios zho lo xtoḻ zho. 2 Zeeá¹e goá¹ Pabl sca noseed zha co miech, nacne bdiḻdiidznieque Pabl zho grop Pabl Bernabé. Dzigo mazd bnediidz grë zha ne rliladz Jesús ga, bzo zho zla zha ne gacgza Pabl grop Bernabé tsie zho Jerusalén tsienabdiidz zho lo zha poxtl ni lo grë zha ne rnabey lo zha ne no ga, dieá¹ pe guiab zho. 3 Nacne briee zho zie zho. Nëz no zho bded zho xtan zha Fenicia, xtan zha Samar; zaatne notaa zha ne rliladz Jesús, rzodiidz zho lo zho grëse zha nobedz Dios grë zha ne nacdraa zha Israel, rsaan zho grë zhiwseed xmeá¹gol zho laa zho rliladz Jesús. Rley grë miech co ron zhow. Sca bio zho nëz, laa zho bdziá¹ Jerusalén. 4 Zeeá¹e bdziá¹ zho Jerusalén, pcaalsa grë zha poxtl, grë zha ne rliladz Jesús ga, ni grë zha ne rnabey lo zho. Dzigo ga bzodiidz Pabl grop Bernabé grëse zha gocnie Dios zho, zeeá¹e güeyted zho grë dan co güeynee zho Xtiidz me lo miech. 5 Miá¹ co quianee zho zeeá¹e guso bla zha ne glo goc farisé rëb zho, grë zha ne nacd zha Israel zeeá¹e laa zho rliladz Jesús ib none tso zho bey, ni none guá¹ zho grëse miá¹e rnabey Xley Moisés. 6 Dzigo nacne bnabey grë zha poxtl co ni grë zha rnabey co, ycaalsa zho stib dieá¹ zhapaa gaca, pe nonguieḻa tso grë zha zit bey co. 7 Zeeá¹e pcaalsa zho, goc pa lo quianee zho zeeá¹e guso Pedr rëb Pedr lo zho: âGrëse to bets, goḻquiaadiag miá¹e gne naa lo to nu gaá¹le. Led rsoladz to, zeeá¹e griiá¹paa psilo quiagaaz Xtiidz Jesús lo miech, ible Dios bzooblo naa pxeeḻ me naa gaseed naa grë zha ne nacdraa zha Israel gliladz zho me. 8 Ni megaa ne ruá¹bey me zdoo tib tib miech, laa me blu gaá¹le, niicle ne zha zit nac zho laa me pcaania zho; pxeeḻ me Espíritu Sant nacnie zho, zigne pxeeḻaque Espíritu Sant nacnie ne. 9 Gotsaa gwi ne gaá¹le, led yed Dios rbe dieá¹ cho nac zha Israel cho nacgaa zha zit; zigtaa zhaw, zigtagaa new, laa me pcaania ne porne dib zdoo ne bliladz ne me. 10 ¿Zha nac dzigo ne racladz to gnabey to grë zha co guá¹ zho grë miá¹e nac xley ne? ¿Pe niacxe rieá¹raa ne lo Dios dzigo? ¡Niicxe ne name, niicxe xmeá¹gol ne brieelod niuá¹a zigne naca! 11 Goḻguieá¹ gaá¹le, zigtaa zhaw zigtagaa new laa me csilaa ne lo doḻ grë ne, per nacda por ncuaaá¹e rdziuuá¹ ne; sinque laa me csilaa ne porne nquialadz me ne. 12 Zeeá¹e blozh sca bnee Pedr, dzese biac zho grë zho; dzigo laa Pabl grop Bernabé psilo bzodiidz grëtaa milagr ne blu Dios lo grë meá¹zit zaatne güeynee zho Xtiidz me lo grë miech co. 13 Blozhse bnee grop zha co, laa Jacob gusoque rëb me: âGrëse to bets, goḻquiaadiaggaa chop lan xtidz naa nagaá¹le gne naa lo to. 14 Laa Pedr bzodiidzle lo ne gaá¹le zha psilo bredz Dios grë zha zit, bzooblo me zho ye zho gac zha ne sëëb xnëz me. 15 Ga nagoá¹ goca zigne zhobneese lo Xtiidz me, miá¹e pquiaa grë zha ne pxeeḻ me padzeela, rneew: 16 Tedse nu gaá¹le, laa naa cuedz grëse miech ne ygab lo naa; grë zha xtii David zha ne bzozit, laa zho gbig stib. 17 Horco grëse zha zit, laa zho gon gaá¹le cho nac naa, zeeá¹a grieelo sëëb zho xnëz naa. 18 Znu nac xtiidz Dios, ni padzeelale bzeet me ne laa me guá¹ miá¹ co. 19 ‘Miá¹ co nagoá¹ grë zha zit ne rliladzle Jesús, ib nonguieḻda ga gnabey ne zho guá¹ zho miá¹e nac xley ne. 20 Sinque mazd yquia tib diidz cxeeḻ ne lo zho gon zho, grë ma ne rut miech rgogon zho lo grë zhimdio zho, ib gowd zho bëël co; grë ma ne rxieed ren zeeá¹e ret ma, gowd zho ma; ni niicle grëragaa ma ne gut zho, ib gowd zho xchen ma. Grë zha bgui, nodne tsonie zho wnaa ne nacd tsieel zho; niicle wnaagaaw, nodne tsonie zho mgui ne nacd tsieel zho. 21 Niicle mazd padzeelaw, tibaque quiayon miech guá¹d zho miá¹ co; sac desde hor co tib tib guiedz bzose Moisés tib zha ne gneew lo miech leá¹ xyadoo zho, dze ne rdziiladz zho lo dziin. 22 Blozhse ga, dzigo biaaá¹ zho diidz so chop zha ne tsie Antioquí tsienaḻ zhits Pabl grop Bernabé, tsiesaá¹ zho ti diidz ne guey lo zha co. Nacne bzo zho Judas xingan Barsabás, ni bzo zho Silas; grop zha co, zha rieá¹ nac zho lo grëraa zha ne rliladz Jesús ga. 23 Pquia ti guits güey zho, rnee lo guits co: “Zigne nose no Jerusalén nu, zigtaa zha ne nac poxtla, zha ne rnabeya ni grëraa zha ne rliladz Jesús nuw, grë no laa no rquiaabdiuzh to grëse to bets ne nac to zha ne no guiedz Antioquí, ni grëraa guiedz ne ndxie nëz Siria i, ni nëz Cilis. 24 ‘Niina ne gocndioá¹ no laa bla zha ne nacgrë no nu biaad lo to i, biaadcots zho guic to dieá¹ peraa no guá¹ to. Gacnaá¹ to gaá¹le led nod pxeeḻ zho, 25 gane niina bzodiidz no grë no bzo no Judas ni Silas ziaadnaḻ zhits Pabl grop Bernabé, laa zho ziaad i ziaadgaá¹ zho to. Zha nziuu nac Pabl grop Bernabé lo no, sac goá¹ rbeeladz zho xquieḻmban zho quiayuá¹ zho xtsiiá¹ Jesús. 28 ‘Lo godiidz ne bdziuuá¹ no, laa no bdziaá¹le nonguieḻda ne dieá¹ peraa gnabey no to guá¹ to, ni niiclegaa Espíritu Sant scaque rnee me. Rquiind ne peraa guá¹ to, lëëlew ga totsaque tsoxco to 29 gowde to xpëël grë ma ne rgogon miech lo grë zhimdio zho; grë ma ne rxieed ren zeeá¹e ret ma, gowde to ma; ni niicle gowdgaa to xchen grë ma ne gut to. Grë zha bgui, nodne tsonie zho wnaa ne nacd tsieel zho; niiclegaa wnaaw, nodne tsonie zho mgui ne nacd tsieel zho. Miá¹ rii nagoá¹ nac miá¹e no tsoxco to. ‘Guiaaá¹nie Dios to sca." 30 Gza tap zha co laa zho briee Jerusalén, laa zho zie nëz Antioquí. Zeeá¹e bdziá¹ zho ga, bnabey zho pcaalsa grëse zha ne rliladz Jesús, dzigo bdeed zho guits co lo zho. 31 Zeeá¹e gocnaá¹ grë zha co zha rnee low, rley zho sacne pchoobladza zdoo zho. 32 Blozhse ga, psilo Judas grop Silas pseed zho grë miech co Xtiidz Dios, zeeá¹a dib zdooraa zho gnalo zho Dios; sac bdeed me guieḻbiini lo Judas grop Silas rteed zho xtiidz me lo miech. 33 Xtselaa blëz Silas ga grop Judas, laa zeeá¹e goḻ dze ne laa zho griee gbiire zho nëz Jerusalén stib, iá¹e güeyzonëz grë zha co zho, rdeed zho xquizh lo zho. 34 [Laa zho nole nëz, tibaque zeeá¹e rëb Silas laa Silas guiaaá¹aque ga spalal dze.] 35 Laa Pabl grop Bernabé ible laa zho biaaá¹ ga beeá¹ zho xyudar grë zha ne noseedle miech ga. 36 Goc palal dze no Pabl guiedz Antioquí ga grop me Bernabé, zeeá¹e rëb me lo Bernabé laa zho gbiire tsie grë guiedz ne güeynee zho Xtiidz Dios lo miech ga, par gacnaá¹ zho dieá¹ yo grë zha co. 37 Dzigo gocladz Bernabé ye Juan Marcw nienie zho; 38 per bzhiguieḻd Pabl, sac zeeá¹e güeynie zho Juan glo, psaá¹aque Juan zho guiedz Panfil, laa Juan biire zey Jerusalén, güeynaḻd Juan nlozh nsiaaḻ zho lo dziin co. 39 Miá¹ co pquiaqui bneelsa Bernabé grop Pabl, nrooblaa güey lo xtiidz zho; nacne gataa laa zho ptso. Pcaa Bernabé nëz grop Bernabé Juan bzëëb zho barcw zie zho nëz lo guidzliu win ne no lo nisdoo lë Chipr; 40 laa Pabl goc grop Silas. Blozhse bnab grë zha co lo Dios gacnieá¹ me Pabl grop Silas, laa zho briee ga 41 güeyted zho grë guiedz ne ndxie nëz xtan zha Siria, grë guiedz ne ndxie nëz Cilis, güeynee zho lo grë miech ne rliladz Jesús nëz co, güeychoobladz zho zdoo zho.