HECHOS 16

1 Leá¹ dze co güey Pabl grop Silas güeyted zho Derb ni güeyted zho Listr. Listr ga beeá¹bey zho tib zha nguieg ne rliladzaque Jesús lë Timoté, ti meá¹ Israel ne rliladzle Jesús nac xniaa me, laa pxoz me nac meá¹ Gres. 2 Grëse zha Listr, zha Icon, zha ne rliladz Jesús tibaque rzeet zho Timoté rnee zho ti miech ndzinli nac me, nacne bnee Pabl lo me tsienaḻ me zhits Pabl. 3 Ni ne nod me bey ne rio zha Israel sac led zha Israeld nac pxoz me, dzigo bloo Pabl me bey co, zeeá¹a tsod pe glisqui grë zha Israel ne no nëz co. 4 Laa me zienaḻ zhits Pabl. Guiedz ne rdedtaa zho rnee zho lo grë zha ne rliladz Jesús ga, tsoxco zho guá¹ zho grë miá¹e pso zha poxtl ga diidz, grë zho zha rnabey ne no Jerusalén. 5 Zeeá¹e ron grë zha cow, dib zdooraa zho rnalo zho Dios, zigse zie dze racnzianraa zha ne rliladz Jesús. 6 Blozh ga, tibbded zho xtan zha Frij ni xtan zha Galás, sac bdeete Espíritu Sant diidz nienee zho Xtiidz Dios lo miech grë guiedz ne ndxie nëz Asia ga. 7 Zeeá¹e bdziá¹ zho zaatne rsilo xtan zha Misia gocladz zho nie zho nëz xtan zha Bitin, scaque bdeete Espíritu Sant diidz nie zho nëz co. 8 Dzigo tibbded zho dib xtan Misia bdziá¹ zho ti guiedz ne ndxie ro nisdoo lë Troas. 9 Guieel co blulo ti mgui Macedon lo Pabl, rnab me guá¹ Pabl guieḻnzaac tsie Pabl nëz co, tsieguá¹ Pabl xyudar grë miech co. 10 Nacne hor cogazh bzhixcuaa no, sac bieá¹ no ible Dios racladz guio no nëz co guionee no Xtiidz me lo miech. 11 Dzigo briee no ga bziaab no ti leá¹ barcw bdziá¹ no ti lo guidzliu win ne no lo nisdoo lë Samotras. Biini liu briee no ga bdziá¹ no Neápolis, ga bliaaz no wdze co. 12 Biini sti liu co briee no Neápolis bziani no bdziá¹ no Filip. Lëë guiedz co riaaá¹ zaatne rsilo xtan zha Macedon, niapse meá¹ Roma no ga; nzianlaa ngbidz bliaaz no ga. 13 Laa tib dze ne rdziiladz miech lo dziin, briee no bio no tib lad ro guiedz co, gax ti ro guiubee, zaatne bdzion no rcaalsa zha ne rienab lo Dios. Bdziá¹ no nzianlaa meá¹ wnaa ndxie ga, dzigo psilo no bnee no lo zho cho nac Jesús. 14 Lad co no ti wnaa Tiatir lë Lidia, rto me grë lar nizhnie nlaan miá¹e nac lar niazh; ye me dib zdoo me rliladz me Dios. Laa me noquiaadiag miá¹e nonee Pabl ga, zeeá¹e psiaab Dios guic me bliladz mew. 15 Dzigo hor cogazh brobnis me grë meá¹lidz me; blozh ga, bredz me no guiobiaaz no lidz me, nëchaa me lo no: âTeḻne rzac to nli dib zdoo naa rleynie naa Dios, goḻtë sca cuëz to lidz naa. Rzoobguic me lo no, nacne biobiaazaque no lidz me. 16 Tib dze, lëëtaque zio no zaatne riozodiidznie no Dios, bdzieelo no ti ndzoop nguieg noguitnie meá¹dox. Zëëb diidz grëse teḻ pe rnabdiidz miech lo ndzoop, rnee meá¹dox cow; nroob dimi ne riab nia zha ne rnabey ndzoop. 17 Naḻ ndzoop zhits no, nguiedz roptsie ndzoop rnee ndzoop: â¡Xtsiiá¹ Dios ndzon ne zob gbaa goá¹ noyuá¹ gza mgui rii! ¡Laa zho ziadseed to zeeá¹a gacnaá¹ to zha csilaa Dios to lo xtoḻ to! 18 Nzian dze zaatne rdzieeltaa no ndzoop tibaque sca rnee ndzoop. Zeeá¹e bieedtaa guic Pabl, biireque me bnee me lo meá¹dox ne noguitnie ndzoop ga, rëb me: âJesús nacnie naa, ni laa naa rnabey luu goá¹ niinagazh psaan ndzoop qui. Zigne sca rëb Pabl laa meá¹dox co bzhooá¹. 19 Gza zha ne rnabey ndzoop ga, zeeá¹e goá¹ zho ruá¹draa ndzoop guieḻnsin co gdziniaa ndzoop dimi, bnaazaque zho Pabl grop Silas güeyzo zho zho lo wxtis, rëb zho: 20 â¡Goḻwi gaá¹le pe nac ncuaaá¹e noyuá¹ grop zha Israel rii lad guiedz nu! ¡Nogodiḻ zho miech, laa zho quiaseed miech ncuaaá¹e nonguieḻdraa dziuuá¹ ne nac ne zha Roma! 22 Pcaalsa grëse miech co, grëse zho ntseeb rac zho lo Pabl grop Silas. Dzigo bnabey wxtis co briee xab zho grop zho bdeed bar zho zho, nroob bdiá¹ zho zho. 23 Blozhse bdiá¹ zho zho laa zho psëëb zho ladzguiib, bnabey zho meá¹ ne quianap ladzguiib ga tibaque yquianap me zho, sac teḻ laa zho xooá¹ me tsietizha. 24 Zeeá¹e bin meá¹ co sca rëb zho, güeyaque me güeysëëb me zho stib leá¹a miá¹e riaaá¹ caaá¹raa, ga psëëb me ni zho lad chop lë yag nroob. 25 Wdze co, zig groḻ guieela laa Pabl grop Silas bii noyooḻnie Dios, ni rnab zho lo me gacnieá¹ me zho. Grëse zha ne no ladzguiib ga, ron zho sca no Pabl grop Silas. 26 Tibaque zeeá¹e bni ti zhodox, psiniw dib nacse ladzguiib co, grëse ro ladzguiib co bzhial, guiib ne no nia grë zha ne no ga, wbiḻa. 27 Lëëlëd briee mcaaḻlo meá¹ ne quianap ga, zeeá¹e goá¹ me grëse ro ladzguiib co zonial, masaque güeynie guic me bzhooá¹le grë zha ne no ga, bdobaque me spad ne ney me laa me zie gut me me. 28 Horco broptsie Pabl lo me, rëb Pabl: â¡Gute luu luu! ¡Grë no ndxie no, choot bzhiooá¹d! 29 Lëëlëd bnab me biini, bzëëb nguzhooá¹ me leá¹ ladzguiib, masaque rzhidz me dzeb pquiitsgzhib me lo Pabl grop Silas. 30 Blee me zho ga, rëb me lo zho: âGoḻnë lo naa, ¿pe nac miá¹e guá¹ naa zeeá¹a csilaa Dios naa lo grëtaa xtoḻ naa? 31 âDib zdoo luu bliladz Jesús, meá¹ rnabey ne pxeeḻ Dios lo guidzliu ârëb zhoâ, dzigo silaa me luu lo doḻ, silaa me meá¹lidz luu ne. 32 Dzigo güeynie me zho lidz me, bnee zho Xtiidz Dios lo me grë meá¹lidz me. 33 Guieel co no me bdiib me zhits zho, zaatne brëë bar ne bloobar zho zho; blozhse ga, laa me brobnis grë meá¹lidz me. 34 Bnabey me goclo ti guieḻwagw downie me zho, rley me, niicle grëgaa meá¹lidz mew rley zho ne laa zho bliladz Jesús. 35 Biini liu, pxeeḻ wxtis zha ne güeynie diidz lo me cuee me Pabl ladzguiib grop Pabl Silas. 36 Dzigo güey me güeynee me lo Pabl rëb me: âLaa wxtis pxeeḻ diidz cuee naa to ladzguiib; zacle nasca griee to, peet tsieniedraa guic to. 37 Dzigo rëbchaa Pabl lo zha ne bdziá¹nie diidz ga: â¡Zha ndzielguictaa zhiwxtis to goá¹! Squi ndxie meá¹guiedz bdiá¹ zho no, ni gardle gacnaá¹ zho dieá¹ pe nli no pe falt ne rdziaap no. Bnabey zho bio no ladzguiib, ni zha Roma nac no; nana racladz zho zhliaanse griee no. ¡Lëda ga goá¹! ¡Goḻtsie goḻguiab lo zho, lëëzhal zho guiaad guiadbee zho no nu! 38 Dzigo güey zha co güeynie zho diidz lo wxtis. Zeeá¹e bin wxtis zha Roma nac Pabl, bdzieb zho; 39 lëëlëd güey zho ro ladzguiib güeynab zho dispensar lo Pabl grop Silas. Blee zho zho ladzguiib, ni bnab zho lo zho siguieḻ zho mazd gbi zho guiedz co. 40 Ga briee zho güey zho lidz wnaa ne lë Lidia ga, bnee zho lo grë zha ne pcaalsa ga, zha ne rliladz Jesús, pso zho diidz lo zho tiblique gac zho tsienaḻ zho xtiidz me. Blozhse ga, dzigo laa zho briee guiedz co.