COLOSENSES 3

1 Goḻguieá¹ gaá¹le, stible guieḻmban rap to niina, lëë guieḻmban co bgaa to zeeá¹e brieeban Jesús; gacxe waa, goḻtsoxco ygaa to grë guieḻnzaac ne no gbaa, zaatne zob Jesús cue Dios nëz derech. 2 Grë guieḻnzaac ne no gbaa miá¹ co goḻconie guic to, led grëd ncuaaá¹e no lo guidzliu rii; 3 sac goá¹, rrieequia gutle to lo grë ncuaaá¹e no lo guidzliu rii, laa to mbanniele Jesús, zigne racladz Dios. 4 Laa ne rdziaap tib guieḻmban cub niina, sacne nacnie ne Jesús; gaḻ dze ne laa me guiaad stib, laa ne no gdziá¹ lo me gban ne zaatne nac lo xquieḻndzon me. 5 Gacxe nana sca, goḻsaan grëtaa guieḻntseeb ne ruá¹ miech lo guidzliu rii: tsoniede to zha ne led tsieelde to, guá¹de to grë ncuaaá¹e mbeeguieḻto, gdeete to diidz gnabey xcuerp to to, guá¹de to ncuaaá¹e ndzinlid ne racladz to, ni gacblëde to lo dimi (sac teḻ scaw, dzigo dimi rsaá¹ to xlugar Dios). 6 Grë doḻ rii ruá¹ grë zha ne nëd gon xtiidz Dios, lozh ga lëë miá¹e tsieguiaḻ zho laa zho ygaa lo guieḻzi ne csiaab Dios. 7 Zig nac to, grë miá¹ co beeá¹ to glo; 8 saá¹gue niina, none csaan tow, ni lalnu: glëëniedraa to samiech to, sobzhiandraa to, guá¹draa to guieḻntseeb, gneenëdraa to samiech to, gneedraa to diidzguidz, 9 yquidiedraa to samiech to. Sac goá¹, nacdraa to zigne nac to glo, laa to brieele lo grëtaa miá¹e beeá¹ to. 10 Stible nac lo xquieḻmban to niina: tib miech cuble nac to, ni laa to bii nodzëë haxta que ne gac to zigne racladz Dios meá¹ ne psaá¹ miech, zeeá¹a scagaa lozh guá¹bey to zha nac me. 11 Zha ne bgaale guieḻmban cub rii, led yedraa zho cue dieá¹ cho zha nac zha Israel, dieá¹ cho zhagaa nac zha zit; dieá¹ cho no bey, dieá¹ cho nodgaaw; dieá¹ cho ziaad guiedz nroob, dieá¹ cho ziaadgaa guiedz win; dieá¹ cho rac, cho gacdgaa; dieá¹ cho ruá¹ xtsiiá¹ beá¹, dieá¹ chogaa nac zha rnabey. Miá¹e rquiinraa niina, nacne grëse zho guieá¹ gaá¹le Jesús nac meá¹ ne mazdraa non, me none gnalo zho. 12 Goḻgaá¹ gaá¹le, zha nquialadztaa Dios to, ib laa me ble to gac to miech ne ygab xnëz me. Zaacse sca goḻban, ne nlipaa dib zdoo to: goḻquia zdoo samiech to, niowse goḻgac lo samiech to, ndooladz goḻgac lo samiech to, nguudzladz goḻgac lo samiech to, guieedniede to samiech to. 13 Guieedniede to samiech to, ni zeeá¹e cho zha ruá¹ pe tib falt lo to, goḻguá¹ zho perdon. Goḻguieá¹ gaá¹le zha beeá¹ Dios to perdon; scaque to, none guá¹ to samiech to perdon. 14 Ni miá¹e mazdraa none tsoxco to, goḻleynie zha ne nacgrë to zigne racladz Dios, zeeá¹a tipse gac to; ni scagaa gleynie to grëraa samiech to. 15 Jesús nac meá¹ ne ctiche grëtaa ncuaaá¹e ndzinlid ne no zdoo to, zeeá¹a niowse gbannie to samiech to. Lëë tib guieḻnzaac co no ygaa to ne laa Dios bredz to, ni scagaa none gban to, zeeá¹a tipse gac to grë to. Goḻsoladz goḻdeed xquizh lo me. 16 Niapse miá¹e nac Xtiidz Jesús goḻconie guic to, goḻco zdoo to. Goḻquiin grë guieḻbiini ne rneedz me lo to, goḻseed grë zha ne nacgrë to, ni zha ne rxiá¹, goḻnee lo zho zaacse gac zho. Dib zdoo to goḻdeed xquizh lo Dios por grëtaa miá¹e ruá¹ me, iá¹e goḻgooḻnie me grë salm, goḻgooḻnie me grë cant ne rdziooḻnie ne me. 17 Ncuaaá¹e guá¹taa to, niicle zeeá¹e gnee tow, zeeá¹e guá¹gaa to tib dziina, goḻguá¹a zigne rdziladz Jesús, meá¹ ne rnabey ne; ni tibaque goḻdeed xquizh lo Dios meá¹ ne nac Pxoz to, niina ne laa to ngable lo Jesús. 18 To ne nac to meá¹ wnaa ne ptsieelniale, goḻgon xtiidz tsieel to, sac ible sca nonguieḻ gban miech ne no xnëz Jesús. 19 To ne nac to meá¹ bgui ne ptsieelniale, goḻleynie tsieel to; gacnchogde to lo me. 20 To ne nac to mëëd, goḻgon miá¹e rnee pxoz to, miá¹e rnee xniaa to, sac sca rdziladz Dios. 21 Togaa ne nac to meá¹ nguzan, guá¹de to ncuaaá¹e guá¹glëë to xpëëd to, zeeá¹a csaá¹de to zdoo zho. 22 To ne nac to zha ne lega ruá¹ xtsiiá¹ beá¹ lo guidzliu rii, goḻguá¹ grëse miá¹e rnabey zho to; guá¹de to zeeá¹e zose zho lo to dzigose yquiaalo to guá¹ to dziin, zeeá¹a guiaá¹nziuu to lo zho; sinque dib zdoo to goḻguá¹ xtsiiá¹ zho, goḻguieá¹ gaá¹le Dios zobwi raá¹ me pe ruá¹ to. 23 Grëse dziin ne guá¹ to, iá¹e nguieeḻ goḻgac goḻguá¹a, zig nac zeeá¹e xtsiiá¹zhal Dios noyuá¹ to. 24 Beá¹que naá¹le to, zgaa to miá¹e gdeed Dios lo grë zha ne ngab lo me, teḻne gon to diidz; sac goá¹ Jesús nac meá¹ ne nlipaa rnabey to, ni lo me quia to dziin. 25 Goḻgon diidz sca, sac zha ne gonda, ib tedsod zdeed Jesús miá¹e tsieguiaḻ zho; sac goá¹, teḻ me led yed lo me ncuee miech.