COLOSENSES 4

1 Togaa ne nac to zha ne quia miech xtsiiá¹, zaacse goḻgac lo zho, csacside to zho. Goḻsoladz gaá¹le, ye to tib nguá¹dziin nac to lo meá¹ rnabey ne zob gbaa, ni me zobwi gaá¹le pe ruá¹ to. 2 Bets, bzian, teḻ petaa rzac to tibaque goḻzodiidznie Dios, nsin goḻso, goḻdeed xquizh lo me. 3 Goḻnab lo me gacnieá¹ me no, grieelo ziaab no zaatne guioseed no miech Xtiidz Ndzon Jesús, gnee no lo zho gaá¹le cho nac Jesús meá¹ ne beeá¹beyd miech padzeela; sac zig nac niina por miá¹ co znu nioogyu naa nu. 4 Goḻnab lo me gneedzraa me guieḻbiini lo naa, zeeá¹e cseed naa miech xtiidz me, guieá¹ zho miá¹e rne naa; guá¹ naa dziin co zigne no guá¹ naaw. 5 Goḻquiin guieḻbiini ne rneedz Dios lo to, zeeá¹a guieá¹ to zha gnee to, zha gac to lo zha ne gard gliladz Xtiidz Jesús; ni zeeá¹e sca rdeeda diidz sodiidznie to zho, goḻnee lo zho gaá¹le zha nac Xtiidz me. 6 Goḻguieá¹ tib godiidz ndzinli, tib godiidz niowse, miá¹ co goḻzodiidznie zho, ni none guieá¹ to zha ctsire to lo xtiidz zho tib tib zho. 7 Laa bets ne Tic guiaad i, me guiaadnie diidz lo to gaá¹le zha no naa nu. Rleynie no me, tibaque laa me noxco quiadziuuá¹gza no me xtsiiá¹ meá¹ ndzon ne rnabey ne. 8 Ga nagoá¹ laa naa rxeḻ me, me gnë lo to gaá¹le zha no no nëz rii, ni gnee me lo to zeeá¹a cchoobladz me zdoo to. 9 Ye meá¹ladz to Onésimo guiaadgrop me. Rleynie no Onésimo, ye me tibaque noxco me xtsiiá¹ meá¹ ndzon ne rnabey ne. Grop zho guiaadnie diidz i gaá¹le zha nac grë ncuaaá¹e quiayac nëz rii. 10 Goḻcaania zhibdiuzh Ristarc, meá¹ ne nioogyunie naa nu, zhibdiuzh Marcw betsyeeá¹ Bernabé (laa naa nile lo to gaá¹le, teḻne laa Marcw guiaadgaá¹ to i, niowse goḻcuëzlo me); 11 ni zhibdiuzh Jesús, tib meá¹ ne rneeque zho Just. Lo grë zha Israel ne rliladz Jesús, lëëse gza zha rii nac zha ne quiayuá¹ xyudar naa quiaseed no miech zha sëëb zho xnëz Dios, ni blactaa zichoobladz zho zdoo naa. 12 Goḻcaania zhibdiuzh meá¹ladz to Epafr, ye me quiayuá¹ xtsiiá¹ Jesús nëz rii; tibaque rzodiidznie me Dios rnab me dziits so to lo Xtiidz Jesús, ni tiblique gac guic to tsoxco to gban to zigne rnabey Dios. 13 Naá¹paa naa gaá¹le pa lotaa nonie to guic me, grë to zha Laodicé ni zha Hierápolis. 14 Goḻcaania zhibdiuzh Demas ne, ni zhibdiuzh Luc meá¹ ne ruá¹ rmed, lëë stib meá¹ ne nziuu lo no nu. 15 Goḻdeed tib zhibdiuzh no lo grë zha ne no guiedz Laodicé, zha ne nacgrë ne. Goḻdeed zhibdiuzh no lo zhuz Ninf, ni lo grëraa zha ne rcaalsa lidz me i, riegooḻnie zho Dios. 16 Zeeá¹e goá¹ lozh glab to lo guits rii, dzigo goḻxeeḻa lo zha Laodicé, zeeá¹a ye zho glaba; ni scagaa to, goḻlab miá¹e cxeḻ naa lo zho. 17 Ni goḻguiab lo Arquip, tsoxco me zaacse guá¹ me dziin ne bdeed Dios lo me i. 18 Naa nac Pabl, goḻgaá¹ gaá¹le naazhal pquia tib bdiuzh rii nu rxeḻ naa lo to. Goḻsoladz gaá¹le ladzguiib no naa. Dios nac meá¹ ne guá¹lay to, me glu lo to gaá¹le pa lotaa noxco me to. Pabl