GALATAS 4

1 Goḻgona gaá¹le, nligaa tib mëëdwin lëë, niicle guiaaá¹nie win ncuaaá¹e rap pxoz win, per lega nacse win zig tib nguá¹dziin win ne ruá¹ xtsiiá¹ pxoz win. Niicle cheá¹ win grë ncuaaá¹ co, per grieelod win gnabey wina. 2 Laa win riaaá¹ ladznia zha ne raá¹ win, zha ne rseed win dieá¹ pe nac ncuaaá¹e guá¹ win, laga gdziá¹ dze ne laa win zacle ycaania ncuaaá¹e psaá¹ pxoz win. 3 Scadaa nagoá¹ bzhiaac ne glo zeeá¹e gard guiaad Jesús, rrieequia masaque ngadoo ne lo grë ley co, ni lo grëraa ncuaaá¹e rac lo guidzliu rii. 4 Laa zeeá¹e bdziá¹ dze ne laa Dios pxeeḻ Xpëëd me Jesús lo guidzliu (tib wnaa bded por xniaa me, bzoob me diidz beeá¹ me grëse zigne rnabey xley zha Israel), 5 laa me biaadsilaa ne, biadbee me ne ladznia ley co, bdiizh me grë xtoḻ ne, zeeá¹a ycaania Dios ne gac ne mëëd lo Dios. 6 Ni parne glu gaá¹le ne nli xpëëdle Dios nac ne, pxeeḻ Dios zhiEspíritu Xpëëd me blëz zdoo ne; gacxe waa niina laa ne rieá¹ rnee ne lo me: “¡Papá yeeá¹!” Espíritu co rnee ne Pxoz ne nac me. 7 Ga nagoá¹, led yedraa niina nac ne zig choḻze cho nguá¹dziin, sinque xpëëdle Dios nac ne, ible ye ne ygaa grë guieḻnzaac ne rap Dios. 8 Bets, bzian, goḻsoladz gaá¹le, zeeá¹e bii gard guá¹bey to meá¹ ne nacpaa Dios, masaque rrieequia ngadoo to lo ncuaaá¹e nac zhimdio to hor co, rdib rdzag to ruá¹ to grë miá¹e rzac to rdziladz grë mdio co. 9 Nana, laa to ruá¹beyle Dios, mazd gni naa gaá¹le ledaa Dios ruá¹beyle to, ¿pe nac dzigo racladz to gbiire tsiegaá¹ to, tsiequiitsgzhib to lo grë mdio co, gbiire guiab to ladznia grë ncuaaá¹e paat rquiind co, gnabeya to? 10 Rquia to goá¹ ruá¹ to grë lni, dieá¹ pa mëë ndzonraa, dieá¹ pa dze nac dze ndaraa, pa iz nac iz ne ndaraa, dieá¹ pa dze zac pe gow to, pa dzeegaa gacda. 11 ¡Rdziebnie naa to goá¹! ¡Pe nlipaa zhlëse biaḻseed naa to, ne squi laa to racladz csaan miá¹e biaḻne naa lo to! 12 Bets, bzian, laa naa rnab lo to goḻban zigne mban naa, teḻ naa niicle ne zha Israel nac naa per zanaḻdraa naa miá¹e nac xley zha Israel. Ngadoodraa naa lo ley, gane rne naa: Goḻban zigne mban naa. Ni guiabde to togo bod nend no pe falt ne beeá¹ to lo naa. 13 Led rsoladz to gaá¹le, rzacnë naa leá¹ dze ne psilo pseed naa to zha laa to lo doḻ; miá¹ co nacne nzianlaa dze blëz naa lo to i. 14 Niicle ne sca rzacnë naa, goá¹dze to naa; laa ne mbix zdoo to niaá¹ to xquieḻguidz naa, znu pquia zdoo to naa, rley to blëzlo to naa pale cho xanjl Dios o Jesúsgaa, teḻ niaca miá¹e mezhal niaadseed to. 15 ¡Ne nlipagaa rleydox to leá¹ dze co! Teḻ niaca miá¹e niac mbee to bziaalo to, zootle zig mbee tow ngad tow lo naa. ¿Yo grë guieḻbley co na? ¿Yo ne scataa rleynie to naa leá¹ dze co? 16 Nana, pe rëb to rlëë naa lo to ne znu rne naa miá¹e nacpaa diidzli. ¡Lëda goá¹! 17 Goḻquiaadiaga gaá¹le, grë zha ne goá¹ squi ziadseed to i niina, nli laa zho noxco to per zhaa ncuaaá¹e no guic zho. Laa zho racladz tebaa zha guiaaá¹ladz to naa, csaan to grë miá¹e biaḻseed naa to, zeeá¹a gbig to lo zho. 18 Rtsidiḻd naa pe nacne cho gacnie to, totsaque zha ne nli nquialadz tow. Zig nac naa tibaque noxco naa to, led loxaque zeeá¹e zodse naa lo to i. 19 ¡Xin, ne nlipagaa goá¹ rdednë naa raá¹ naa squi rac to! Masaque nac guieḻnë rii lo naa niina, zig tib yoob ne rquia grë meá¹ wnaa ne gap mëëd. Ni lëë nole naa guieḻnë rii nu nagoá¹, haxta gdziá¹ dze ne gaá¹ naa laa to wbiire wbig lo Jesús stib. 20 Tebaa niaca miá¹e grieelo guiaḻzhaal naa lo to i niina, zeeá¹a gaá¹ naa zha no to, dzigo dieá¹ zha gnegaa naa lo to; per na ne znu zit zo naa, naá¹d naa dieá¹ pe nacraa ncuaaá¹e noyuá¹ to. 21 Zha ne racladz gnabey xley zha Israel zho, racladz naa gnë zho dieá¹, ¿pe ib rieá¹d zho zha zhobnee lo guits ne ziaad Xtiidz Dios 22 zaatne raquiet xingan Abraham? Rneew: Chop xingan Abraham, tib mëëd co gop wnaa ne nac nguá¹dziin lidz me, laa stib mëëd gop wnaa ne nacpaa tsieel me. 23 Xpëëd wnaa ne nac nguá¹dziin ga, laa win goc mëëd zig grëraa xpëëd miech; saá¹gue mëëd ne gop tsieel me ga, laa win gol porne ib Dios rëb ne laa me yquianie win. 24 Lo grop wnaa co, tibga me rlu gaá¹le zha nac grop trat ne beeá¹ Dios: Miá¹e bzhaac Agar, ga rlu gaá¹le zha nac trat ne beeá¹ Dios guic gui Sinaí. Grëse zha ne zienaḻ trat co, nac zho zig goc xpëëd Agar, ladznia trat co no zho. 25 Gzoob ne Agar nac Gui Sinaí, gui ne riaaá¹ nëz Arab; me nac guiedz Jerusalén ne ndxie leá¹ dze rii, sac teḻ grë meá¹guiedz Jerusalén, masaque nguá¹dziin nac zho lo ley. 26 Saá¹gue wnaa ne gocpaa tsieel Abraham ga, rrieequia me nac Jerusalén ne no gbaa, zaatne ngab grë zha ne no xnëz Jesús, sac led yedraa grë zha co ngadoo lo ley; ye ne ngab ga, ni gzoob ne lëë xniaa ne ga nac wnaa co. 27 Lëë Jerusalén co ga raquiet lo Xtiidz Dios, zaatne znu rnee: Luu, ne nac luu wnaa ne brieelod niap mëëd, bley niina; nguieeḻ goc, nguiedz broptsie lo guieḻbley qui, luu ne bdziá¹d dze niacnaá¹ luu zha nac yoob mëëd. Sac goá¹ ndalraa xpëëd wnaa ne brieelod niap mëëd, lëdle grë xpëëd wnaa ne gop mëëd. 28 Bets, bzian, goḻgacnaá¹ sca gaá¹le, laa ne nacle niina zig Isaac, xpëëd tsieelpaa Abraham, wnaa ne gacd yquianie mëëd ga; sac teḻ Isaac, ib Dios psaá¹ diidz ne laa Isaac gac mëëd lo Abraham. 29 Ni zigne sca blëënie xpëëd wnaa nguá¹dziin co Isaac, mëëd ne Dioszhal psaá¹ diidz gal ga; scasaque niina, no zha ne rlëë raá¹ zho zionaḻd ne miá¹e rnabey ley, sinque laa ne zionaḻ dib zdoo ne rliladz ne Jesús. 30 Ni nana, led lo Xtiidzaque Dios zhobnee gaá¹le zha rëb Dios lo Abraham, rëb me: “Wnaa ne nac nguá¹dziin lo luu i, bzonëz me grop xpëëd me, nonguieḻd ne ye mëëd qui guiaaá¹nie ncuaaá¹e csaá¹ luu lo xpëëd tsieel luu." 31 Gacxe nagoá¹ waa, teḻ ne nacd ne zig xpëëd wnaa nguá¹dziin co, sinque laa ne nac zig xpëëd tsieelpaa Abraham.