GALATAS 5

1 Peet lo ngadoodraa ne niina, sac goá¹ laa Jesús biaadsilaale ne, sinque to none dziits so zeeá¹a ygadoode to lo xley zha Israel. 2 Naa nac Pabl, ni naazhal rne lo to nu. Goḻgona sca gaá¹le, teḻne laa to gdeed diidz tso to xbey zha Israel, nacniedraa to Jesús ga dzigo. 3 Ni laaw gneque naa lo to nu stib, grëse zha bgui ne rio bey co, ib none guá¹ zho grëse zigne rnabey ley co. 4 Zha ne rzac por guá¹ zho grë miá¹e rnabey xley zha Israel, miá¹ co laa Dios csilaa zho lo doḻ, gacnaá¹ zho gaá¹le, leḻ nozozit zho lo Jesús ga; ygaad zho guieḻnzaac ne ygaa zha ne gnalo Jesús. 5 Saá¹gue teḻ no, ndioá¹paa no silaa Dios no lo doḻ, sacne dib zdoo no rliladz no Jesús ni nacnie Espíritu Sant no. 6 Sac zha ne nli nole xnëz Jesús, peet liaadz nodraa zho bey ne rio zha Israel. Miá¹e noxcoraa zho nac ne dib zdoo zho gliladz zho Jesús, ni scagaa grieelo gleynie zho samiech zho. 7 ¡Ese tow nli! ¿Pex goc to waa? Zaacse name rac to zeeá¹e psilo to bliladz to miá¹e nac diidzli. ¿Cho pquiil to ne nëdraa to tsienaḻ tow? 8 Miá¹e squi nonie guic to i niina, led zhiwseete Dios i, meá¹ ne bredz to griee to ladznia ley. 9 Goḻguieá¹ sca, adeḻ ye to sac zig rëb diidz ne rnee: “Niipaxe ncobi waa ruá¹csibe ncob guietxtil." 10 Per naá¹paa naa, ible meá¹ ndzon ne rnabey ne meá¹ co gacnie to, zeeá¹a csaande to miá¹e nac diidzli; ni zha ne squi racladz guá¹güet to, teḻ chotaa nac zho ib tedsod siaabzi Dios zho. 11 Bets, saá¹gue naa teḻ niaca miá¹e nli ye naa quianabey tso grë zha ne rliladz Jesús xbey zha Israel zig quianee zha qui, bod gooá¹zhe ni ctsidiḻdraa zha Israel naa dzigo, glëëdraa zho zig rlëëtaa zho niina zeeá¹e ron zho rne naa zha nacne biaadguet Jesús lo cruz. 12 Zha ne squi ziaadnabey tsopaa to bey ne rio zha bgui nëz Israel, ¡tebaa mazd ladaque zho yga zho, niicxe gdib nacse zho waa cueniaaḻ zho, led tsod zho noyuá¹need zho to! 13 Bets, goḻguieá¹ gaá¹le ne ygadoodraaxe to lo ley waa, miá¹ co nacne biaadsilaa Jesús to. Per guiabde to togo ne laa me psilaale to, laa to guá¹ ncuaaá¹e guiaabtaa guic to. Guá¹scade to, sinque tib tib to goḻleynie samiech to, iá¹e goḻguá¹ ncuaaá¹e rquiin grë zha ne nacgrë to; 14 sac niina totsaque gban to zigne rnabey Dios nu: “Bleynie samiech luu zigne rleynieque luu luu”; lëële grë miá¹e nac ley ga guá¹ to. 15 Per teḻ laa ne gleynie to zha ne nacgrë to, leḻ diḻ no to, zig ruá¹ grë ma ne lëëque ma noquiaalaylsa, lëëque ma noyowlsa; dzigo lëëque to gnitlo to ga. ¡Guá¹scade to! 16 Gacxe, laa naa rnab lo to: Goḻtsoxco goḻban zigne racladz Espíritu Sant, ni me gacnieá¹ to; led tsode to dieá¹ zha guá¹ to grë ncuaaá¹e ndzinlid ne racladz xcuerp to. 17 Sac goá¹ grëse ncuaaá¹ co, rleynied Espíritu Santa. Laa xcuerp ne ruá¹ ncuaaá¹e racladzd Espíritu Sant, ni ncuaaá¹e racladzgaa Espíritu Sant nëd xcuerp ne gac miá¹ co. Guá¹de to miá¹e racladz xcuerp to sca. 18 Teḻne gban to zigne rnabey Espíritu Sant, dzigosi nodraa pe nacne ygadoo to lo xley zha Israel. 19 Ni miech ne sca ruá¹ grë ncuaaá¹e ndzinlid, ib paat ngueetsd zho: rionie zho zha ne led tsieeld zho, ruá¹ zho grë ncuaaá¹e ndzinlid ne racladztaa xcuerp zho, 20 riegaá¹ zho grë mdio, rnab zho pe sac samiech zho, rlëënie zho samiech zho, rdiḻnie zho samiech zho, rzac zho adeḻ cho glale tsieel zho, rnadse pew laa zho rlëële, ruá¹ctiḻ zho miech, rguib zho rtso miech, rbeextso zho dieá¹ cho zha ne gacnie zho, 21 në rac zdoo zho raá¹ zho ncuaaá¹e quianie stib miech, rzudz zho, rcaalsa zho zaatne loxaque rowcho zho, ni ruá¹ zho grë guieḻyozh. Grë ncuaaá¹ co ruá¹ zho ni grëragaa ncuaaá¹e ndzinlid ne sca nac. Laa naa rbire rso diidz lo to, guá¹de to grë ncuaaá¹ co; sac goá¹ grëse miech ngoopdoḻ ne sca rban, grieelod gdziá¹ zho zaatne rnabey Dios. 22 Saá¹gue zha ne zienaḻ miá¹e racladz Espíritu Sant, znu nac zha co: rleynie zho samiech zho, tibaque nguieeḻ rac zho, peet dzeb nonied guic zho, rxecw zho, rieedniobd zho, niowse rnee zho lo samiech zho, niapse ncuaaá¹ wen ruá¹ zho lo samiech zho, ruá¹ zho miá¹e rnee zho guá¹ zho, 23 miech ndooladz nac zho, zha rnabey xcuerp zho. Ni teḻne gban ne zigne nac grëse miá¹ rii, ni tib ley noguiitsd ne ga. 24 Grëse miech ne nli xnëzle Jesús no, zieniedraa guic zho guá¹ zho grë ncuaaá¹e ndzinlid ne bzoobladz zho padzeela, grë ncuaaá¹e ndzinlid ne racladznë xcuerp zho, sac rieá¹ zho paat rquiind ncuaaá¹ co lo zho. 25 Gacxe nagoá¹ waa, teḻne nli mbannie ne guieḻmban ne rneedz Espíritu Sant, goḻgotsaa dzion ne miá¹e rnabey me. 26 Dzigosi gacniatsdraa ne lo samiech ne, tsienaḻdraa ne dieá¹ cho glaaraa guiaaá¹, tso ne në gac zdoo ne gaá¹ ne grë ncuaaá¹e rap zho, ncuaaá¹e racgaa zho.