MARCOS 2

1 Goc bla dzew, laa Jesús biire bdziá¹ lad guiedz Capernaum stib. Zeeá¹e bin zho laa me bdziá¹ ro yu, 2 miech guizhiu ne pcaalsa zaatne no me ga, haxta ro yu ndxie grë miech co; dzigo psilo me noseed me zho Xtiidz Dios. 3 Laa grë miech co ndxie ga, zeeá¹e bdziá¹ tap zha bgui ney zho stib meá¹ bgui, zhoobse me lo yag, ib gacd së me sac dipse me gutoo. 4 Ni ne scataa miech guizhiu ne ndxie, gacd ted zho nëz ro yu gdziá¹nie zho me lo Jesús, nacne biepaque zho guic yu. Pxal zho ngali zaatne zob Jesús, dzigo ga pteed zho meá¹ co dib yag ne zhoob me ga. 5 Zeeá¹e goá¹ Jesús ne nli dib zdoo zho rliladz zho me guá¹guiac meá¹ rzacnë co, dzigo rëbchaa me lo meá¹ co: âXin, niinagazh laa naa guá¹ perdon grëse xtoḻ luu. 6 Blalaa zha ne nac maistr ley zob ga, zeeá¹e bin zho sca rëb me lo meá¹ rzacnë co, bzachaa zdoo zho: 7 “¡Lëda i goá¹ squi rnee meá¹ qui! Quiaguitnie me Dios i squi rzë xtiidz me. ¡Tibaque meá¹ ne ruá¹ perdon xtoḻ miech, ni lëë meá¹ co nac Dios!" 8 Bieá¹ga Jesús sca rza zdoo zho, dzigo rëbchaa me: â¿Pe nacne rlëë to ron to miá¹e rne naa? 9 Parga nli, choḻze zha ne zac guiab: “Laa naa guá¹ perdon grëse xtoḻ luu." 10 Per laa naa glu lo to gaá¹le, naa ne nac naa Meá¹ ne pxeeḻ Dios ziaḻ naa lo guidzliu, ible naa no guá¹ miech perdon. Dzigo bnee me lo meá¹ rzacnë co, rëb me: 11 â¡Guche i, bi yag ne bzhoob luu i, zeeá¹ bzë! 12 Zigne sca bnee me laa mgui co bzoli, blis me yag co, grop lo grë miech co goá¹ zho laa me briee ga, laa me zey. Grëse zho rzee zdoo zho, rleynie zho Dios rnee zho: â¡Nasi laa ne nodziaá¹ ncuaaá¹e gard dziaá¹ ne! 13 Blozh ga, laa Jesús briee ga laa me zie nëz ro nisdoo stib; nzian miech ne pcaalsa lo me ga, dzigo pseed me zho. 14 Ro nis co ziezë me goá¹ me Leví, xingan Alfé, zob Leví zaatne rietizh zho contribucion, dzigo bredz me Leví tsienaḻ Leví zhits me. Guso Leví ga, laa Leví zienaḻ. 15 Bded ga, bredz Leví me güey me tib wagw lidz Leví. Grë zha ne nac recaudador, grë zha ne zëëb diidz nac zha yozh, tipse lo mezh bzobnie me zho grë xpëëdscuel me; sac ndal grë zha co zienaḻ zhits me. 16 Blalaa maistr ley ne nacgrë zha farisé, goá¹ zho sca tipse noyownie Jesús grë zha co; bded ga, rëbchaa zho lo xpëëdscuel me: â¡Mod sca na rownie xmaistr to grë zha ngoopdoḻ, grë zha beed ne nac recaudador! 17 Dzigo rëbchaa Jesús lo zho: âNaá¹le to gaá¹le, meá¹ ne ruá¹ rmed, zaatne no zha ne rzacnë, ga rquiin zho, ¿niacxe squiin zho zaatne no zha ne ndip ndaan? Ni miá¹ co rac niina, teḻ naa ziaḻguibd naa miech wen, sinque laa naa ziaḻguib miech ngoopdoḻ. 18 Lëëtaaque dze co nocuan xpëëdscuel Juan Bautist, grë zho zha farisé. Dzigo bdziá¹ bla zha ne bnabdiidz lo Jesús, rëb zho: â¿Pe nac waa ib rcuand xpëëdscuel luu? Zha grë xpëëdscuel Juan Bautist ni grë zha farisé, rcuan zho. 19 Pquiab Jesús, rëb me: âZaatne nadieá¹ noyac tib guieḻtsieel, ¿pe niacxe lega csilo grë zha ne ndxie lo lni tso zho guieḻnë, ycuan zho ni raá¹ zho laa mgui ne notsieelnia mban? 20 Per zdziá¹ dze zeeá¹e laa mgui co gbiche; ni zeeá¹e laa dze co gdziá¹, dzigosi nagoá¹ rieguiaḻ tso zho guieḻnë, rieguiaḻ ycuan zho. 21 ‘Raá¹le to gaá¹le, zha ne rquiaabdie tib lë lar, rquiaad zho lar cub lad lar gox, sac zha ne sca guá¹ paat yquiind wquiaabdie co. Zeeá¹e laa lar cub gbe, lëëque lëëw guá¹nat zaatne nriez lar gox. 22 Scaque tsod zha ne cotsow vin cub tib leá¹ guid ne padzeelale noquiin, sac stsiez vin cuba; dzigo niicle guid cow, niicle vingaaw laaw nitlo ga. Gacxe, teḻ vin cuba none leá¹ guid cubaque tsotsowa. 23 Tib dze ne rdziiladz zho lo dziin nëz Israel, bdednie Jesús xpëëdscuel me zaatne zëëb zhobxtil, dzigo zigse zieded zho pchoo zho palal mzion zhobxtil co. 24 Goá¹ zha farisew, dzigo rëbchaa zho: â¡Lëda i goá¹ noyuá¹ to! ¡Goḻguieá¹ gaá¹le dze nda nac dze rii! 25 Dzigo pquiab Jesús, rëb me: â¿Pe gard glab to zaatne ziaad gaá¹le zha beeá¹ rey David tib dze zeeá¹e pcaabedz me grë me zha ne ziegza me, ni zienied zho pe gow zho? 26 Rneew, bzëëb me leá¹ yadoo güeynab me guietxtil ne nac gon, downie me grë zha ne ziegza me ga, ni loxaque zha ne nacse pxoz row guietxtil co. Leá¹ iz co nac meá¹ ne lë Abiatar pxoz nroob. 27 Goḻgacnaá¹ sca gaá¹le, biaaá¹d dze rii par csacsi miech xcuerp zho, sinque ne rleynie Dios miech gane psaá¹ mew. 28 Naa ne nac naa Meá¹ ne pxeeḻ Dios ziaḻ naa lo guidzliu, naa rnabey dze rii, naá¹paa naa pe nac miá¹e nonguieḻ gac.