1 Corintios 10

1 Der bicy na, rlagya̱ nu gyezaê lagy der de coz nu bzac de gyitoo bel ne̱ de̱. Ãgyoozh gusa num dey lat tub nac za, nunu dela dey bded nap yu lo nisyudoo ña. 2 Orzeê nu nac nu gusa dey lat za zeê, nunu bded dey lo nisyudoo zeê, orzeê byac dey mbecy nu bzuub gyidag ni Moisees, gal nu byacaê de ub na mbecy nu zuub gyidag ni Jesuuz ornu bzu nis den. 3 Dela dey bdow yu coz nu bruu lo Ãgyoozh. 4 Nunu goê dey nis nu briic Ãgyoozh ornu Moisees pshet yu yangay ich gyitaê. Tees walab Moisees bicy yu nu bruu nis zeê lo gyitaê, sinu Crisht bicy mi nu bruuñ, gun mi zeê gusa num dey. 5 Mas ni, tees zigy dey wangyet lagy Ãgyoozh mod nu bicy dey. Orzeê ndeê nu gut dey lugaar ub zi zeê nu gusa dey zeê. 6 De coz nu guc zeê, ndeê cyiiñ ñi par nu lyuuñ ni de ub na nu cueê galagy na gyicy na coz cyi gal nu bicy de gyitoo bel ne̱ de̱. 7 Nunu cueê griib zily den nab gal nu bicy la be de mbecy lat de yu zeê. Gun lat riidz nu bzeeñ Ãgyoozh rniiñ: “De mbecy gucua dey row yu gyit. Gazeê nu wes su dey nu rulgyiêy lo nab”, rniiñ. 8 Nunu cueê gyicy den cyi nu losaên nu wanchelaan gal nu bicy la be mbecy lat de yu zeê. Orzeê nañ tub dzi ziêl gut gal zu chon miily de yu nu bicy de cyi zeê. 9 Nunu cueê gyicy den preb Ãgyoozh, Shuaan na, gal nu bicy la be de gyitoo bel ne̱ de̱. Orzeê gut dey nu nac nu bducuaê bily yu. 10 Ni cueê nii zi den ni Ãgyoozh gal nu bicy la be de gyitoo bel ne̱ de̱. Orzeê tub anc nu la Anc nu Rbic Cashtig ni Ãgyoozh biit yu dey. 11 Dela coz nu bzac de gyitoo bel ne̱ de̱ gulas, ndeê par nu gad lagy mbecy nu gyicy cuidad dey ub yu. Nunu dela ndeê pcañ lat de riidz nu bzeeñ Ãgyoozh par nu gad lagy den lac mod chuên tiem na. Nunu na sñuu ga shuub dzi nu gyaê lo dela coz. 12 Orzeê ndeê nu de mbecy nu rzii nu dzi fert ricy cup consuel lo Crisht, rlagy ñi nu gyicy cuidad dey ub yu nis gyicy cyi gan dey. 13 Dela de coz deet nu rzac den, ndeê coz nu rzac deê zir de mbecy. Tees Ãgyoozh ricy paam nu de ub na. Orzeê mi zeê wazaan mi nu gzac zi den ni de coz gashtal wagagyee gaê la den de coz ily nu yad, sinu tiem nu gzac deet den, orzeê Ãgyoozh locyuub mi de ub na nu gad tub mod nu gyicy den gan. 14 Orzeê der bicya̱ nu dzi rca̱, rila cueê griib zily der nab. 15 Ya̱ rne̱e̱ lo der gal nu rne̱e̱ lo de mbecy nu yet lag cuen. Orzeê gush der shcab ni de coz nu rne̱e̱ ben a rishli. 16 Despuees ornu dric den gras ni Ãgyoozh, orzeê rdoên ñup ni urbyay mod nu bzeeñ Jesucrisht. Orzeê ral den gyel nap ni nu pshu reñ mi lo cruuz. Nunu ornu rdow den gyishtily mod nu bzeeñ mi, orzeê ral den gyel nap ni cuerp nim. 17 Mas zigy den nac naa, tees dela den rdow na laab tub ziêl gyishtily zeê. Orzeê lo dela den tub zin nac naa. 18 Güii der la ricy de mbecy Israeel. Row dey de gun nu rbic mbecy lo Ãgyoozh. Nunu ornu ni ricy dey, orzeê ral dey gyel nap nu druu lo gun zeê. 19 Walab nu rne̱e̱ nu nab, ndeê coz nu cyiiñ. Nunu walab nu rne̱e̱ nu beel nu gua lo nab, ndeê cyiiñ ñi. 20 Sinu rlagya̱ ne̱e̱ nu de gun nu rbic mbecy lo nab, ndeê walab lo Ãgyoozh rbic dey ñi sinu lo nuras. Nunu ya̱ walagya̱ gal der coz nu druu lo nuras. 21 Wac gal der gyel nap nu druu lo Shuaan den ornu row der gyishtily mod nu bzeeñ mi, benu laab tiem zeê galaê der coz nu druu lo nuras. Nunu wac gal der gyel nap ornu roê der ñup ni urbyay mod nu bzeeñ mi, benu laab tiem zeê galaê der coz nu druu lo nuras. 22 ¿Uti rlagy der gyicy den nu gasaap lagy Shuaan den? ¿Uti rzii der nu fert zir de ub na gazeê ub mi? 23 Yuê mbecy rniiy: “Gac gyicya̱ la ziêl coz nu yad ica̱”, rniiy. Rishli rniiy tees walab dela coz cyiiñ ñi ni den. Gac gyicy den la ziêl coz tees walab dela coz locyuub ñi nu gyanap den. 24 Rlagy ñi yub den mod nu nap zir par deê zir mbecy. Cueê mod nu nap par ub ziêl den. 25 Gac gow der la ziêl coz nu rut mbecy zeê nu rsaêy de beel. Nunu walagy ñi nu cugyiê der lo de mbecy nu rut beel zeê par nu rdzib der nu gad beel nu gua lo nab. 26 Gun gyishlombecy, gal nu dela coz nu yuê lo yu ii, dela ndeê coz ni Ãgyoozh. 27 Benu tub mbecy nu walab mbecy ni Crisht cuedz yu der nu gow nu der yu gyit, zeê benu shet ic der gow nur yu, orzeê gow laa der la ziêl coz nu gzuy lo der. Walagy ñi nu cugyiê der loy nu nac nu rdzib der nu gow ru coz nu gua lo nab. 28 Tees benu tub mbecy niiy lo der: “Nii beel nu gua lo nab”, niiy, orzeê cueê gow der ñii, gun cueê nu gyicy ras nu der yu, nunu cueê nu gyicy der nu gnu shcab niy. 29 Walab de ru gnu shcab nir, gun de ru rad lagy ru nu beel nu gua lo nab se la la gyicy ñi. Sinu gnu shcab ni mbecy zeê, gun yu zeê wagad lagy yu. Tees yuê mbecy rniiy: “¿Lagu nu nac nu dzi ta ricy reñaê mbecy wac gyicya̱ la ziêl coz nu yad ica̱? 30 ¿Lagu rnii zi mbecy ne̱ ornu rda̱w la coz, zeê benu drica̱ gras ni Ãgyoozh nu nac ñii?” rnii dey. 31 La ziêl coz nu gyicy der, nu gow der o nu goê der o la ziêl coz nu gyicy der, bicy der mod nu gyabic mbecy gyel mbecy ni Ãgyoozh. 32 Cueê cuic der mod nu chuê gyel deet lat ni tub la mbecy: ni lat de mbecy Israeel, ni lat de mbecy nu walab mbecy Israeel, ni lat de mbecy ni Crisht. 33 Niê ziêl ya̱ ricya̱ tub mod nu gyedzuê lagy dela mbecy. A̱ê yuba̱ mod nu gyedzuê lagy ub ziêla̱, sinu ryuba̱ mod nu nap par nu gyedzuê lagy deê zir mbecy, ben a wayicy cup dey consuel lo Crisht. Orzeê gruu mbañ dey.