1 San Pedro 4

1 Orzeê como Crisht bzac zim nu cuerp nim, orzeê niê ziêl de ru bzu der tub shcab nu gzac zi der benu galagy ñi, gun cyu ziêl mbecy nu rzac zi, yu zeê bi bruu chuy lo cyi. 2 Zeê par lo na, rlagy ñi nu cyiiñ der mod nu rlagy Ãgyoozh. Cueê gal mod nu rlagy de ub ru. 3 Gun bi guzañ tiem nu de ru niê ziêl bicy der laab de coz nu ricy de mbecy nu a̱ê yuê lo Ãgyoozh. Lat nu gusa der gulas, orzeê bicy der de lo la coz nu druu nañ lardoor. Nunu bgyiiñ lagy der lo de coz a̱ê nap. Nunu bzugy shaad der gal zeê wagacaê la. Nunu bicy der saê a̱ê nap. Nunu goê der gashtal wancuicaê la der raso̱o̱. Nunu briib zily der nab a̱ê nap. 4 Na ornu de mbecy nu a̱ê yuê lo Ãgyoozh rzac dey nu wachesa nu der dey ornu ricy dey de coz a̱ê nap zeê, orzeê rza nu ic dey nunu rnii ziy ni der. 5 Tees niê de yu zeê rlagy ñi nu zeed cuen dey de coz nu ricy yu lo Ãgyoozh, biñ nu bi zu lily nu gri bee ni de mbecy nu bi gut, gal nu de mbecy nu gabee mbañ. 6 Tees Crisht gua shaal mi de riidz nu sac nim lat de mbecy nu bi gut, gun orzeê Espiriit Yon nim gyicy mi nu cui mbañ dey gal nu Ãgyoozh mbañ mi. Nomaas lat nu pcyiiñ dey gyishlombecy nu cuerp niy, orzeê Ãgyoozh briic mi cashtig ni dey gal nu ricy num deê zir de mbecy. 7 Bi yad gaab tiem nu gyaê lo dela de coz. Ndeê nu dela de ru bzu der altant, nunu bicy der mandaar ub ru, gun orzeê gac nii nu der Ãgyoozh. 8 Coz nu ricy zir ñi presis, ndeê nu tonaê la ca der losaêr, gun benu rca der losaêr, orzeê gyicy sulagy der dela cyi zañ nu ricy yu. 9 Dela der, ornu ryiid mbecy yuêr, orzeê bguê dey nañ yuê, nunu nap bicy nu der yu. Nunu cueê nid ruê der ornu ni gyicy ru. 10 Orzeê tub ga la der bicy paa nu riiñ nu briic Ãgyoozh nu cyiiñ der nu gyicy ru. Tub ga la der bicy riiñ nu guud lo Ãgyoozh par nu locyuub der deê zir de losaêr. 11 Ornu tub mbecy rniiy lat de mbecy zigy, orzeê rlagy ñi shaal yu riidz ni Ãgyoozh. Benu tub mbecy rlagy yu nu locyuub yu losaêy, orzeê rlagy ñi nu gyicy yuñ nu dela fers niy nu rbic Ãgyoozh. Dela coz nu gyicy der bicy der ñii par nu gyed gyel mbecy ni Ãgyoozh nu nac Jesucrisht. Mi zeê tonaê la lily nam, nunu nac mi biñ nu gac gyicy dela coz tub la. ¡Laab ni gac ñii! 12 De ru bicy na nu dzi rca̱, cueê cha nu ic der ornu gzac ru lo de preb nu dzi gatow. Nunu cueê nii too der nu ndeê tub gyel zi nu a̱ê zac mbecy. 13 Lugaar nu cha nu ic der, orzeê bet lagy der, gun gal nu bzac zi Crisht, niê ziêl zac zi gaê de ru, gun orzeê tonaê la gyet lagy der ornu gruu zac Crisht tuubaê tir nu gyel lily nim. 14 Dzi ni der benu tub mbecy gab ziy der par nu nac Crisht. Gun orzeê Espiriit Yon ni Ãgyoozh, biñ nu dzi lily na, zaab rded nu laam de ru. 15 Orzeê cueê nu gzac zi ni tub la der nu nac der mbecy nu rut losaê, o nu nac der mbecy nu ricy gubaan, o nu nac der mbecy nu ricy cyi, o nu nac der mbecy nu rneê ruê lat asunt ni losaê. 16 Zeê benu rzac zi der gyiê nu nac der mbecy ni Crisht, orzeê cueê gat lo der, sinu byabic der gyel mbecy ni Ãgyoozh par nu rnii dey nu nac der mbecy ni Crisht. 17 Bi yad shuub tiem nu Ãgyoozh gri beem. Orzeê nu loga la gri beem ni de mbecy nim. Orzeê dzi zir fert gri beem ni de mbecy nu wansuub gyidag de riidz nim. 18 Orzeê benu dzi fers gruu mbañ de mbecy nap, orzeê dzi gaê zir fert gyicy num de mbecy a̱ê nap gal nu de mbecy cyi. 19 Orzeê niê ziêl mod par de mbecy nu rzac zi, gun ndeê coz nu rlagy Ãgyoozh. Orzeê de yu zeê rlagy ñi nu zaab gyicy la dey de coz nap. Nunu guê dey ub yu yaa Ãgyoozh, biñ nu psaê lagy dey. Nunu nac mi biñ nu ricy paa.