2 Corintios 3

1 Ornu ni rne̱e̱ de̱, ¿a rlyu nu tuubaê tir brugyiê nu ryabic de̱ gyel mbecy ni uba̱? ¿Walab gaal rlagy ñi nu rlyu̱u̱ de̱ tub gyicy lo der nu rniiñ cyu nac de̱, gal nu ricy la be mbecy? ¿O walab gaal rlagy ñi nu cuic der gyicy nu rnii cyu nac de̱ nu lyu̱u̱ lo reñaê mbecy? 2 Walagy ñi nu ni, gun de ru na der gal nu na tub gyicy nu rniiñ cyu nac de̱ ya̱. De ru na der gal nu na tub gyicy nu bi ca nañ lardo̱o̱ de̱. Orzeê dela mbecy gac gad lagy dey coz nu rnii gyicy zeê, nunu gac syaê dey ñi. 3 Nunu rabee nu laab Crisht pcaam lo gyicy zeê, nunu bzeed mi ñii nu nac de̱ ya̱. Nunu wancaam lo gyicy zeê nu tint, sinu pcaam looñ nu nac Espiriit Yon ni Ãgyoozh, tub biñ nu mbañ. Nunu wancañ lo tub gyitaê she, sinu gyicy zeê cañ nañ lardoo mbecy. 4 Orzeê segur la rad lagy de̱ de nu ndeê, gun ricy cup de̱ consuel lo Ãgyoozh nu nac Crisht. 5 Gun walab nu nil cyiiñ de̱ nu gyicya̱ la coz, sinu benu gac gyicy de̱ ñii, orzeê Ãgyoozh bicy mi nu gac gyicy de̱ ñii. 6 Mi zeê bicy mi nu cyiiñ de̱ gyicya̱ de riiñ ni tub trat cub. Ndeê walab trat nu ca lo gyicy. Sinu ndeê trat nu bruu lo Espiriit Yon ni Ãgyoozh. Gun trat ni leey nu ca lo gyicy, ndeê rniiñ nu rlagy ñi nu gat den. Tees Espiriit Yon ni Ãgyoozh rbic mi gyel mbañ ni den. 7 Leey ni Moisees pcañ nu letr lo gyitaê. Nunu bruu zac gyel lily ni Ãgyoozh, ornu briic mi ñii. Orzeê de mbecy Israeel wangagyee dey nu ngüiiy lo Moisees par nu tonaê la byaryal loy, mas nu ryal zeê byagash yaa niñ. Tees benu rabee gyel lily ni Ãgyoozh ornu bruu zac leey nu rniiñ nu rlagy ñi nu gat na, 8 ¡dzi zir rabee gyel lily nim nu nac nu gusu tub trat cub nu riib ic Espiriit Yon nim! 9 Gun benu rabee gyel lily nim ornu bruu zac leey nu rñii nu rlagy ñi nu gat na, ¡orzeê dzi zir nap rabee gyel lily nim nu nac tub trat nu rniiñ lac mod gyanap mbecy lom! 10 Gun gyel lily ni Ãgyoozh nu bruu zac gulas wasaap ñi gyel lily nim nu rabee tiem na. 11 Benu bruu zac gyel lily ni Ãgyoozh ornu biid leey ni Moisees, tub leey nu bi bded ni, orzeê dzi zir nap rabee gyel lily nim na nu nac nu zu tub trat cub, tub trat nu zu par tub la. 12 Par nu nac nu drish lo̱ de̱ lo trat cub zeê, wacchib la de̱ rne̱e̱. 13 Wagyicy de̱ gal nu bicy Moisees. Gun yu zeê psoow yu loy par nu cueê zac de mbecy Israeel nu gyu nu ryal nu ca loy. 14 Tees gal nu byoow lo Moisees, niê ziêl byoow nañ shcab ni de mbecy Israeel. Nunu mas gashtal dzi na noow nañ shcab ni dey lat nu rsyaê dey de gyicy ni trat gush. Gun tub zi la nu “O” nii mbecy ni Crisht, orzeê gyal nañ shcab niy. 15 Mas gashtal dzi na noow nañ shcab ni dey ornu rsyaê dey de riidz ni Moisees. 16 Tees ornu tub mbecy “O” niiy ni Crisht, orzeê gyal nañ shcab niy. 17 Gun Shuaan den, Jesucrisht, mi zeê nac mi Espiriit ni Ãgyoozh. Nunu zeê nu rcyiiñ Espiriit ni Shuaan den Jesucrisht, zeê sac reñaê shuaan den. 18 Ndeê nu dela den sacaê negy nu rsoow lon. Na den gal nu na tub guan nu rlyuu gyel lily ni Shuaan na Jesucrisht. Nunu gac den gal nu na ub mi. Orzeê tub dzi ga rabee zir gyel lily nim loon. De ndeê coz nu ricy Shuaan den Jesucrisht, biñ nu nac Espiriit ni Ãgyoozh.