2 San Pedro 1

1 Ya̱ Simo̱o̱ Bed naca̱ tub aposht ni Jesucrisht nunu ricya̱ de coz nu rlagy mi. Orzeê ya̱ ca̱a̱ gyicy ii nu zeeda̱ ñii lo der. Bi byac der mbecy nu ricy cup consuel nu na gal nu na consuel nu ricy cup ya̱. Nunu consuel zeê tonaê la sac ñi. Niê ziêl na consuel nu ricy cup de ru nu nac nu Jesucrisht ricy mi mod nu seêñ. Mi zeê nac mi Ãgyoozh ni den, nunu nac mi biñ nu co mbañ de ub na. 2 Orzeê Ãgyoozh gyicy mi faboor num der, nunu bded ruê gaê la nap gyicy num der. Nunu gyicy mi nu cheti ri añ ni der. Ni gyicy num der nu nac nu yuê lor mi, nunu nu nac nu yuê lo der Shuaan den Jesuuz. 3 Orzeê Ãgyoozh, nu nac nu dzi rcyiiñ mi, briic mi dela coz nu galagy ñi ni den par nu cyiiñ na gal mod nu rlagy ñi, nunu par nu gyicy na de coz nu bi ca lo cuen nu gyicy na lom. Ni bicy mi nu nac nu yuê lon mi. Nunu laab mi blosum de ub na nu gyac den mbecy lily na gal nu lily naê ub mi, nunu blosum de ub na nu gyac den mbecy nap gal nu napaê ub mi. 4 Nu nac ndeê, orzeê Ãgyoozh rbic mi dela coz nu bi mniim nu segur la cuic mi ni den. Nunu de coz zeê, ndeê tonaê la coz ily, nunu tonaê la coz nu dzi sac. Gun par nu nac de nu ndeê, orzeê de ru gyac der gal nu na Ãgyoozh. Orzeê de ru wanur gal nu rnu de mbecy nu yuê gyishlombecy ii nu nac de shcab shiñ na nu ricy cup dey. 5 Ndeê nu rlagy ñi nu gyicy der tub fers nu cueê nu tub lo ziêl nu gyicy cup der consuel lo Jesuuz, sinu niê ziêl rlagy ñi nu gyicy der coz nap. Nunu cueê nu tub lo ziêl nu gyicy der coz nap, sinu niê ziêl bicy der nu gad lagy ru ca na coz nu rlagy Ãgyoozh. 6 Nunu cueê nu tub lo ziêl nu gad lagy der ca na coz nu rlagy Ãgyoozh, sinu niê ziêl rlagy ñi nu nap gyub ic der ub ru. Nunu cueê nu tub lo ziêl nu nap gyub ic der ub ru, sinu niê ziêl rlagy ñi nu pase̱z gagye der ca na la coz nu yad. Nunu cueê nu tub lo ziêl nu pase̱z gagye der, sinu niê ziêl rlagy ñi nu gyicy der dela coz nu ca lo cuen nu gyicy der par lo Ãgyoozh. 7 Nunu cueê nu tub lo ziêl nu gyicy der de coz nu ca lo cuen nu gyicy der par lo Ãgyoozh, sinu niê ziêl rlagy ñi nu gazañ lagy der losaêr. Nunu cueê nu tub lo ziêl nu gazañ lagy der losaêr, sinu niê ziêl rlagy ñi nu ca der dey. 8 Benu de ru zaab ricy lar de coz zeê, orzeê cyiiñ der nim lat nu rded ru gyishlombecy ii, nunu walab nu leew la bduê lo der Shuaan den Jesucrisht. 9 Tees de mbecy nu wayicy de coz zeê, de yu zeê na dey gal nu na lo caê, o na dey gal nu na mbecy nu wacsac nap. Mnit lagy dey nu bi byecy de cyi nu bicy yu gulas. 10 Ndeê nu de ru, bicy na, bloo lo der nu gyicy ru nu gabe nu rishli gaal Ãgyoozh blosum der nunu pcuim der nu gac ru nim. Benu ni gyicy der, orzeê rila walaa yaar de coz nim. 11 Nunu benu ni gyicy der, orzeê ndeê nañ gal nu na nu gyal roê ni nez nu chuê der zeê nu riib ic Shuaan den Jesucrisht, biñ nu co mbañ de ub na, tub la. 12 Ndeê nu ya̱ zaab rne̱e̱ la̱ nu gyezaê lagy der dela ndeê, mas bi rad lagy der, bzu fert der nu nac de riidz rishli nu bdulyuu ni der. 13 Orzeê lat nu ya̱ mbaña̱, orzeê ya̱ rnii to̱o̱ nu rlagy ñi nu do̱o̱ rishlo der nu nac de consef nu mne̱e̱ zeê. 14 Orzeê Shuaan den Jesucrisht bi briic mi nu gad lagya̱ nu sñuu ga ru̱u̱ gyishlombecy ii. 15 Ndeê nu ya̱ gyicya̱ ca na la coz nu gac gyicya̱ par nu gyezaê lagy der de coz zeê despuees ornu bi guta̱. 16 Ornu blyu̱u̱ de̱ ni der nu Shuaan den Jesucrisht dzi coz ily ricy mi, gal nu de riidz nu rzat nu cyid mi tuubaê tir, walab nu blyu̱u̱ ni der nu rishtoo nu bloo ic ziêl de̱. Gun bzaac urlo̱ la̱ de̱ Shuaan den Jesucrisht nu gyel lily nim. 17 Bzaac de̱ ornu Ãgyoozh Uz den byabic mi gyel mbecy nim, nunu ornu bicy Ãgyoozh nu rabee nu dzi lily na laab mi zeê. Ni bicy Ãgyoozh ornu bzab tiêm nu mniim tub mod nu tonaê la cyit na. Orzeê nam: “Mi ii Iêña̱ nu tonaê la rca̱. Nunu tonaê la yet lagya̱”, nam. 18 Ub la de̱ güeña̱ de riidz nu mniim zeê. Nunu gashtal gyibaa la bruuñ. Lat zeê yu̱ê de̱ nu Shuaan den Jesuuz too bicy zeê nu bruu zac gyel lily ni Ãgyoozh. 19 Orzeê nu nac de coz nu bzaac de̱, ricy ñi nu rabee nu rishli de riidz nu bzeeñ de yu nu mnii por cuen ni Ãgyoozh. Nunu nap ricy der benu ricy cuen der ñii. Gun de riidz zeê nañ gal nu na tub yaa gyi gyegy nu rbic yaa zeê nu cow. Orzeê bicy cuen der de riidz zeê gashtal zaê yu la ornu cyid Jesuuz tuubaê tir, biñ nu na gal nu na bel rzaê yu. Orzeê mi zeê cuic mi nu gad lagy der dela coz. 20 Tees coz nu ricy zir ñi presis, ndeê nu caa ic der de riidz ii: Ni tub la mbecy a̱ê ricy cup yu rishbeey nu niiy lac yaruu de riidz nu bzeeñ de yu nu mnii por cuen ni Ãgyoozh nu shcab ni ub ziêl yu. 21 Gun ni tub la yu nu bzeeñ riidz ni Ãgyoozh wanseeñ dey ni tub la riidz nu bruu nañ lardoo ub ziêl dey, sinu de yu zeê guc dey mbecy nu mnii por cuen ni Ãgyoozh. Orzeê Espiriit Yon nim byub ic mi nañ lardoo dey.