2 San Pedro 2

1 Tees niê ziêl guê mbecy nu mnii fals de coz ni Ãgyoozh lat de mbecy Israeel, nunu niê ziêl chuê mbecy nu glyuu coz fals lat de ru. De yu zeê ngach lyuu dey de coz fals nu gruu nañ shcab ni ub ziêl dey. Orzeê ndeê gyicy ñi nu gnu de mbecy. Orzeê ni mod gyicy dey par nu gabe nu a̱ê nac dey mbecy ni Shuaan den Jesuuz, biñ nu briish cyi dey. Orzeê nu nac nu ndeê dzi dzach cha dey lo cashtig. 2 Orzeê zigy mbecy gyicy dey de coz nu ricy de yu zeê. Ricy cup dey de lo la bis. Nunu nu nac de yu zeê shiñ rnii mbecy ni de coz rishli nu ricy de mbecy ni Crisht. 3 Nu nac nu dzi zaab dey ich tiñ, ndeê nu ricy dey gan de ru nu nac de coz fals nu rlyuu dey ni der. Orzeê bi gulas tonaê la Ãgyoozh bi mniim nu cha dey lo cashtig, nunu tonaê la bi rac tiem bi ca lo cuen nu nit lo dey. 4 Gun Ãgyoozh wangyicy sulagy mi ni de anc ornu bicy dey cyi, sinu pshet lag mi dey gabily. Orzeê bzeeñ mi dey tub zeê nu cow. Nañ gal nu na nu cacuñ dey par nu bi yuê choow dey gashtal ornu shuub dzi nu gri beem ni dey. 5 Niê ziêl Ãgyoozh wangyicy sulagy mi ni de mbecy nu guê gulas, sinu pshet mi gyey too de mbecy a̱ê nap zeê. Nomaas Noé ziêl bloo nap mi yu, gal nu se gagy mbecy, gun yu zeê mniiy lo de mbecy nu chuê dey tub mod nu nap. 6 Orzeê niê ziêl Ãgyoozh mniim nu cuic mi cashtig ni de mbecy Sodoma gal nu de mbecy Gomorra nu nit lo dey. Orzeê pca gyi de gyedz zeê gal byadiêñ lañ, gun ndeê cuic ñi nu gad lagy de mbecy a̱ê nap nu chuê par lo nu gyicy cuidad dey ub yu. 7 Tees Lot guc yu tub mbecy nap. Orzeê tonaê la deet guc nañ lardooy nu nac de bis bag nu bicy cup de mbecy a̱ê nap zeê. Ndeê nu Ãgyoozh bicy mi nu bruu nap yu ni cashtig ily zeê. 8 Orzeê yu zeê mbecy nap nu pcyiiñ lat de mbecy a̱ê nap zeê. Orzeê bzac ziy nañ lardooy ornu bzaac yu nunu güeñ yu de coz a̱ê nap nu bicy de yu zeê de dzi la. Bzac ziy nañ lardooy par nu nac de mbecy a̱ê nap. 9 Orzeê Ãgyoozh Shuaan den rad lagy mi lac mod co nap mi de mbecy nu ricy mod nu rlagy ub mi lat nu rzac deet dey. Nunu rad lagy mi lac mod gyicy mi par nu cueê gruu de mbecy a̱ê nap lo cashtig gashtal shuub la dzi nu gri beem ni dey. 10 Nunu cuic mi cashtig ni dela mbecy nu shet ic nu gyicy la ziêl coz a̱ê nap nu rgyiiñ lagy yu lo, gal nu dela mbecy nu walagy zuub gyidag nim. Nac dey mbecy nu ricy cyigy ic. Nac dey mbecy nu wacha lagy. Ni wacchib dey nu nii ziy ni de anc nu yuê gyibaa. 11 Tees de anc ni Ãgyoozh, mas fert zir dey nunu ruub zir dey par de mbecy a̱ê nap zeê, tees par lo Shuaan den Jesuuz, rila wagnii dey nu yuê falt ni de mbecy a̱ê nap zeê. 12 De mbecy a̱ê nap zeê na dey gal nu na bañ gyish. Sac la shcab ni ma, sinu ricy ma coz nu druu nañ lardoo ziêl ma. Bruu zac ma gyishlombecy tub lo ziêl par nu cub mbecy ma, nunu cut dey ma. Orzeê de mbecy a̱ê nap zeê rnii zi dey ni coz nu wagyet lag dey cuen. Orzeê de yu zeê nit loy laabaê gal mod nu nit lo de bañ gyish zeê. 13 Rzac zi dey nu nac nu ricy dey nu rzac zi reñaê mbecy. De yu zeê rzu bich dey nu nac de gusht nu ricy dey tiem na ziêl. ¡Tonaê la toê lo ornu yatublaazh dey nu de ru lat saê ni der, gun lat zeê ricy dey gusht niy nu rguuy de ru! 14 Wac la zac dey tub biñ mñaa, orzeê lueg la shiñ rnii too dey lom. Nunu wacheca la dey nu ricy yu cyi. Ricy dey gan mbecy nu a̱ê fert ricy cup consuel lo Crisht. Bi gubee nañ lardoo dey nu ye rzac yu lo la coz. Nac dey mbecy byanduu. 15 Gudza dey. Wangyicy dey coz nu rlagy Ãgyoozh, gun bruu chu dey nez rishli nim. Ricy dey gal nu bicy Balaam, iêñ Beor. Yu zeê bicy yu coz a̱ê nap par nu gyicy yu gan tiñ. 16 Tees tub bur, mas wagac nii ma, tees mnii ma riidz nu rnii mbecy. Orzeê mnii ma nu yuê falt niy. Orzeê wansaan ma nu gyicy yu coz ton nu mnii tooy nu gyicy yu. 17 De mbecy nu rlyuu coz a̱ê nap zeê na dey gal nu na tub zo wach nu sac nis nañ. Na dey gal nu na za nu taê baa, lugaar nu cuic ñi gyey, canu za nu biñ. Ãgyoozh bi mniim nu chuê dey zeê nu blaazhaê zir cow par tub la. 18 Gya ga la rnii dey riidz leê, riidz nu wacyiiñ. Orzeê de yu zeê ricy dey gan de mbecy nu sa druu chu lat de mbecy nu gudza. Ricy dey gan de mbecy zeê nu nac nu rsaap dey lagy yu. 19 Rnii dey nu sac patro̱o̱ ni de mbecy zeê. Orzeê gac gyicy de mbecy zeê la ziêl coz nu rlagy yu. Zeê ub la dey zu patro̱o̱ niy, gun de cyi nu ricy nu rnu dey, ndeê nac ñii patro̱o̱ ni dey. Gun dela coz nu zetib ic nañ lardoo mbecy, ndeê yac ñii patro̱o̱ ni dey. 20 Benu mbecy bi bicy yu gan gucay nu ricy yu de coz cyi nu riib ic de mbecy nu yuê gyishlombecy ii nu nac nu guê loy Shuaan den Jesucrisht, biñ nu co mbañ de ub na, zeê benu cush cyay nu gyicy yu cyi zeê tuubaê tir, nunu benu cyi zeê chetib ic ñi nañ lardooy, orzeê shiñ zir na nañ lardoo dey gyac gazeê gal nu na dey nu loga. 21 Na ornu bi gud lagy dey lac mod gyanap dey lo Ãgyoozh, zeê benu laa yaa dey de riidz nim nu mnii mbecy lo dey, orzeê nap zir benu cueê la ñgyad lagy dey. 22 Tees nu nac de yu zeê, orzeê byuê niñ gal nu rnii tub nac riidz nu rishli nu nil rnii mbecy. Orzeê rnii dey: “Che̱ê rab ma coz nu row ma. Gazeê nu cush cya gaê ma gow ma ñii tuubaê tir. Zeê cuch gus nu sa blaagy lo nis cacy, orzeê cush cya gaê ma nu dudub ma lo biñ tuubaê tir”, rnii dey.