2 Tesalonicenses 2

1 Na ne̱e̱ lo der bicy na ni de riidz nu cyid Shuaan den Jesuuz tuubaê tir, gal nu de riidz ni nu gyatublaazh den dun mi. Rnishba̱a̱ de̱ lo der nu 2 cueê gzaan der nu can mbecy shcab ni der. Ni cueê zaan der nu chiib dey de ru nu nac nu rnii dey nu bi biid Shuaan den Jesucrisht. Dzi ga ni nii tub mbecy nu rnii por cuen ni Ãgyoozh. O dzi ga ni mod za riidz ni tub mbecy nu rshaal riidz nim. O dzi ga nii mbecy lo der nu gyicy nu bzeed de̱ nu ni rniiñ. 3 Tees cueê zaan der nu guu mbecy ru ni tub la mod. Gun anzir nu shuub dzi zeê, orzeê nid ruê mbecy lo Ãgyoozh, nunu gruu zac tub mbecy nu cha contr nim. Mbecy zeê bi ca lo cuen nu nit loy. 4 Yu zeê chay contr ni dela coz nu gyicy mbecy par ñgyoozh. Dela coz nu driib zily mbecy chay contr niñ. Nunu gashtal nañ yuê nu driib zily mbecy Ãgyoozh zeê chesub yu. Gyicy yu nu nac yu ñgyoozh. 5 ¿A wagyezaê lagy der nu ya̱ bi bzata̱ mbecy zeê lo der lat nu pcyiiña̱ lat der? 6 Na de ru bi rad lagy der nu cyu ricy nu gabee nigul cyuu zac yu zeê. Tees ornu shuub tiem niy, gazeê nu gruu zac yu. 7 Orzeê mas bi yuê zañ mbecy nu bi ricy coz a̱ê nap, tees biñ nu ricy nu gabee nigul gruu zac mbecy a̱ê nap zeê, mi zeê zaab ricy lam riiñ nu cueê gruu zac yu gashtal co la Ãgyoozh mi gyishlombecy. 8 Orzeê dzi zeê gruu zac yu. Na ornu cyid Shuaan den Jesuuz tuubaê tir, orzeê cut mi yu nu nac bi nu griib ruêm. Nit lom yu ornu cyid mi tuubaê tir nu gyel lily nim. 9 Tees lat nu chesay gyishlombecy ii, orzeê nuras locyuub yu mbecy zeê nu chay contr ni Ãgyoozh. Gyicy nuras nu cyiiñ mbecy zeê nu gyicy yu coz ily. Gyicy yu de lo la nusuriidz fals, gal nu de coz nu cha nu ic mbecy. 10 Nunu de lo la mod guuy de mbecy nu bi ca lo cuen nu nit lo, gun de yu zeê wangalagy dey niiy “O” ni de coz rishli. Ni wangalagy dey nu ca dey ñi. Gun benu ñgyicy dey ndeê, orzeê gruu mbañ dey. 11 Ndeê nu Ãgyoozh zaan mi nu gadza dey, gun orzeê cheña lagy dey ni de coz rguu. 12 Ndeê nu Ãgyoozh niim nu yuê falt ni de mbecy nu wancheña lagy ni de coz rishli, de yu nu bet zir lagy coz a̱ê nap. 13 Der bicy na, dub laa tiem rlagy ñi nu gric de̱ gras ni Ãgyoozh nu nac de ru mbecy nu razañ lagy Shuaan den Jesuuz. Gun Ãgyoozh pcuim de ru nese nu loga la nu gruu mbañ der. Orzeê Espiriit Yon nim bicy mi ñii, ornu bicy mi nu byac der mbecy nu bi zu chu par Ãgyoozh. Ni mod na der byac ru nu nac nu ricy cup der consuel lo de riidz rishli nim. 14 Gun Ãgyoozh blo sum de ru nu ni gzac der, nunu ni bzac der nu nac de riidz nu sac nim nu pshaal de̱ lat der. Nunu blosum der par nu zac lor de gyel lily ni Shuaan den Jesucrisht. 15 Ndeê nu na, der bicy na, bzu fert der nu nac de riidz rishli nu blyu̱u̱ ni der, nunu cueê laa yaa der ñii. De ndeê mne̱e̱ de̱ lat nu rcyiiña̱ lat der, nunu gal nu mne̱e̱ lo gyicy nu bzeeda̱ lo der. 16 Orzeê ub la Shuaan den Jesucrisht gal nu Ãgyoozh Uz den cuic mi consuel ni der. Gun mi zeê nac mi biñ nu rca de ub na. Nunu nu nac faboor nim, orzeê cuic mi tub consuel nu rila walazh ni den. Nunu mi zeê gyicy mi nu grish lon nu gruu nap na. 17 Orzeê de mi zeê cuic zaê lam consuel ni der. Nunu gyicy dem nu gyafert der, gun orzeê dela coz nu gyicy der gal nu de coz nu gniir, nap gruuñ ni der.