Hechos 21

1 Ornu bzeeñ de̱ de bicy na, orzeê gu̱ê de̱ nañ barc. Orzeê za̱ de̱ li laa tub lugaar nu la Cos. Orzeê tuubaê dzi za̱ de̱ Rodas. Zeê bru̱u̱ de̱ za̱ de̱ Pátara. 2 Pátara byap de̱ tub barc nu za par Fenicia. Gu̱ê de̱ nañ barc zeê za̱. 3 Za̱ de̱ zeê nu rabee tub nac yu nu ri lo nisyudoo nu la Chipre. Orzeê zeê briic de̱ welt bzeeñ de̱ Chipre par yaa reg na. Orzeê za̱ de̱ par Siria. Orzeê zeê blez barc gyedz Tiro, gun rlagy ñi gyet yuu zeê. Orzeê zeê bet de̱ par lo yu. 4 Orzeê zeê byap de̱ la be mbecy ni Crisht, nunu pcyiiñ du̱ de̱ yu tub sman. Orzeê nu nac Espiriit Yon ni Ãgyoozh mnii nu dey Baly nu cueê chay par Jerusaleeng. 5 Tees ornu blazh tub sman, bru̱u̱ de̱ za̱. Dela dey nu mñaay nu de yu nguzh za nu dey de̱ ya̱ par ruê gyedz zeê. Orzeê zeê bzu tib de̱ mne̱e̱ du̱ de̱ Ãgyoozh. 6 Orzeê mne̱e̱ de̱ ñgyoozh nu dey nu bi gya̱ de̱. Orzeê gu̱ê de̱ nañ barc. Zeê de mbecy zeê bish cya dey yay par yuêy. 7 Orzeê bru̱u̱ de̱ Tiro za̱ de̱. Orzeê byaê lo byaj miê zeê Tolemaida. Orzeê zeê mne̱e̱ de̱ ñgyoozh nu de bicy na. Zeê pcyiiñ du̱ de̱ yu tub dzi. 8 Na tuubaê dzi bru̱u̱ de̱ zeê za̱ de̱ par Cesarea. Orzeê zeê za̱ de̱ yuê tub mbecy nu rshaal riidz ni Ãgyoozh, yu nu la Lip, nunu pcyiiñ du̱ de̱ yu. Yu zeê tub yu nu bruu lat gagy mbecy nu pcui dey Jerusaleeng par nu locyuub dey de aposht. 9 Yu zeê zu tap iêñ yu, fiñ mñaa nu nigul gad ñgyee. Rnii deñ de riidz nu rbic Ãgyoozh niñ. 10 Zeê pcyiiñ de̱ la be dzi. Orzeê bruêña Agabo, tub mbecy nu rnii por cuen ni Ãgyoozh. Yu zeê bruuy gashtal Judea. 11 Biid güiiy de̱ ya̱. Orzeê gush yu sinch ni Baly, nunu pcyiig yu yaa ub yu, nunu pcyiigaêy gyiêy nu sinch zeê. Orzeê nay rab yu de̱: âEspiriit Yon ni Ãgyoozh nam: “Ii mod gyicy mbecy Israeel nu yuê Jerusaleeng nu shuaan sinch ii. Orzeê guê dey yu yaa de mbecy nu walab mbecy Israeel”, nam âna Agabo. 12 Na ornu güeñ de̱ de riidz zeê, orzeê de̱ ya̱ nu de mbecy Cesarea mnishba̱a̱ de̱ lo Baly nu cueê gyay Jerusaleeng. 13 Tees orzeê Baly nay: â¿Lagu dzi ruun der? Tonaê la ricy der nu ricy shni̱. Ya̱ bi zu̱ la̱ ca na nu zu̱ walab tub lo ziêl nu cyiig dey ya̱, sinu niê ziêl bi zu̱ la̱ par nu gata̱ Jerusaleeng nu nac Shuaan den Jesuuz ânay. 14 Wangac cuugy de̱ lardooy. Orzeê guca̱ de̱ nu rne̱e̱ nu cueê gyay. Orzeê mne̱e̱ de̱: âGal nu rlagy Shuaan den Jesuuz, ni gac âmne̱e̱ de̱. 15 Na ornu blazh la be dzi, orzeê bicy nap de̱ su̱u̱. Orzeê bru̱u̱ de̱ zeê ya̱a̱ par Jerusaleeng. 16 Niê la be de mbecy Cesarea nu ricy cup consuel lo Crisht ya nuy de̱ ya̱. Zu tub mbecy Chipre nu la Mnasón. Yu zeê tonaê la gulas bicy cup yu consuel lo Crisht. Orzeê lo yu zeê bri̱ de̱. 17 Na ornu bri̱ de̱ Jerusaleeng, orzeê tonaê la bet lagy de bicy na ornu bdzeel dey de̱ ya̱. 18 Orzeê na tuubaê dzi Baly gua nuy de̱. Gua güi̱i̱ de̱ Santiag, nunu niê ziêl nguaa dela de mbecy nu zu riiñ ni de yu bel lat de mbecy ni Crisht zeê. 19 Orzeê Baly mniiy ñgyoozh nuy dey, nunu pshaal yu lo dey dela coz nu ricy Ãgyoozh num de mbecy nu walab mbecy Israeel par nu nac riiñ nu ricy yu. 20 Na ornu güeñ dey ndeê orzeê byabic dey gyel mbecy ni Ãgyoozh. Orzeê na dey rab yu Baly: âOrzeê na bicy na, ru gac cuê cuen ru nu yuê bee miily mbecy Israeel nu ricy cup consuel lo Crisht. Tonaê la ricy zily dey leey nu bzeeñ Moisees. 21 Na güeñ dey nu ru shiñ na riidz nu rlyuur ni de mbecy Israeel nu ricy cup consuel lo Crisht, de yu nu yuê ledz de mbecy nu walab mbecy Israeel. Güeñ dey nu rlyuur nu rlagy ñi zaan dey leey nu bzeeñ Moisees. Nunu mbecy rnii dey nu rlyuur nu cueê caa dey beey sircunsision cuerp ni iêñ yu. Nunu güeñ dey nu rlyuur nu cueê gyicy paa dey nu de cushtom ni de mbecy Israeel. 22 Segur la gyeñ dey nu ru brir Jerusaleeng. Orzeê ¿la coz rlagy ñi nu gyicy den? 23 I mod gyicy ru ricy pe̱e̱ de̱. Zu tap mbecy nu rlagy ñi gyicy yac dey nu riidz nu mnii dey lo Ãgyoozh nu segur la gyicy yu. 24 Cha nur dey, nunu tublaazh la gyicy der coz nu rnii leey par nu gyicy caacy mbecy ub yu par lo Ãgyoozh. Orzeê rlagy ñi cyish ru gasht ni dey. Orzeê despuees shiêñ dey gyich tooy. Ni mod gad lagy de mbecy nu riidz nu zaab zeê ndeê gyel rguu, gun niê ru gyicy paar nu leey nu bzeeñ Moisees. 25 Zeê de mbecy nu walab mbecy Israeel nu ricy cup consuel lo Crisht, bi bzeed de̱ gyicy lo dey. Mne̱e̱ de̱ lo dey nu cueê sug ic dey nu nac de coz zeê. Nomaas walagy ñi nu gow dey beel nu rcuaa mbecy lo nab, nunu walagy ñi nu gow dey reñ, nunu ni walagy ñi nu gow dey bañcyug nu bduzi̱i̱ yeñ, nunu cueê gal dey mbecy nu wanchelaay âna dey rab dey Baly. 26 Orzeê tuubaê dzi Baly gua nuy de mbecy zeê, nunu bicy nuy dey mod nu rnii leey nu bzeeñ Moisees par nu gyacaacy mbecy lo Ãgyoozh. Gazeê nu guêy loliê ni yuê nu driib zily mbecy Israeel Ãgyoozh, nunu bicy yu nu gud lagy de mbecy nu yuê zeê gul gyaê lo tiem nu gyacaacy dey. Tiem zeê, orzeê tub ga la dey cuic yu gun lo Ãgyoozh. 27 Na ornu bi rgaab lazh gagy dzi zeê, orzeê la be mbecy Israeel nu bruu lo de yu ni Asia bzaac dey Baly loliê ni yuê nu driib zily de mbecy Israeel Ãgyoozh. Orzeê bicy dey nu pchaê ic de mbecy zigy. Orzeê bduê yaa dey Baly. 28 Orzeê rbish ti dey. Gazeê nu na dey: â¡Der mbecy Israeel, blocyuub de̱ ya̱! Yu ii mbecy nu rded dela lugaar nu rlyuuy ni de mbecy coz nu za contr ni mbecy Israeel, nunu coz nu za contr ni leey nu bzeeñ Moisees. Nunu coz zeê zañ contr ni coz ni yuê nu driib zily den Ãgyoozh ii. Orzeê yeed nuy la be mbecy griego nañ yuê nu driib zily den Ãgyoozh. Na rnuy yuê yon ni den ii âna dey. 29 Ni mnii dey, gun bzaac dey nu rded nu Baly tub mbecy Ãfeso, yu nu la Trófimo. Orzeê psaê lagy dey nu Baly gya nuy yu zeê par loliê ni yuê nu driib zily dey Ãgyoozh. 30 Orzeê dutuub la lat gyedz deet guc. Orzeê byatublaazh dey carer. Bduê yaa dey Baly. Por fers la za nu dey yu. Bruu nu dey yu loliê zeê. Za nu dey yu lat cay. Rgayu tuñ la dey yu. Nunu lueg la psoow dey roê nu rzuê dey loliê zeê. 31 Orzeê dela mbecy zigy bicy pee dey nu ñgyut yu Baly. Orzeê bzeed mbecy raso̱o̱ lo yu nu riib ic de soldad nu dutuub la lat gyedz Jerusaleeng yuê deet dey. 32 Orzeê yu nu riib ic zeê lueg la gua nuy de jef ni soldad, nunu gua nuy la be soldad. Orzeê tub miiñ ziêl bi bruêñay zeê nu yuê de mbecy zigy zeê. Na ornu de mbecy bzaac dey yu nu riib ic zeê nu de soldad, orzeê guca dey nu rshet yu ni Baly. 33 Orzeê mbecy nu riib ic zeê guay lo Baly. Orzeê mniiy lo mbecy nu cyiig dey yu nu cyup caden nu cha nu dey yu pres. Orzeê nay rab yu mbecy: â¿Cyu mbecy yu ii? ¿La coz bicy yu? ânay. 34 Yuê mbecy rbish tiy tub coz. Zeê yuê gaêy rniiy reña coz. Yu nu riib ic zeê wangad lagy lay la coz guc, gun tantaê ricy mbecy zu redz. Orzeê pcaay mbecy nu cha nu dey Baly zeê nu yuê de soldad. 35 Na ornu bruêña nu dey yu gyiê scaler nañ zeê nu rcyiiñ de soldad zeê, orzeê rlagy ñi shup dey yu, gun tantaê guloc de mbecy zigy. 36 De mbecy zigy zaab dey ich yu. Rbish ti dey. Orzeê na dey: â¡Biit yu! âna dey. 37 Orzeê ornu bicy pee dey ñgya nuy Baly zeê nu yuê de soldad, orzeê na Baly rab yu yu nu riib ic zeê: â¿A gac ne̱e̱ tub coz lor? ânay. Orzeê na yu nu riib ic zeê: â¿A gac niir riidz griego? 38 Orzeê ¿a walab ru mbecy Egipto, yu nu bi rac tiem ricy gyel yuu nu gubier, nunu gua nur tap miily yu nu rut mbecy par tub lugaar ub zi? ânay rab yu Baly. 39 Orzeê na gaê Baly: âYa̱ naca̱ mbecy Israeel. Gula̱ Tarso, tub gyedz lily nu ri lo yu ni Cilicia. Nunu ya̱ ricy cupa̱ dela rishbeey nu ca lo cuen ni de mbecy gyedz zeê. Orzeê bicy faboor bzaan ne̱e̱ du̱ de mbecy zigy ânay. 40 Orzeê yu nu riib ic zeê briic yu rishbeey ni Baly nu niiy. Orzeê Baly wes suy lo escaler zeê. Bicy yaay lo de mbecy zigy nu cueê gyicy dey zu redz. Na ornu guca nu zu redz, orzeê Baly mniiy lo dey nu riidz hebreo.