San Juan 10

1 Orzeê na Jesuuz: âTees ya̱ rishli rne̱e̱ nu de yu nu wayuê par gyeroê ni chicyer ni shily, zeê chuêy par reñaê lugaar ni chicyer, yu zeê nac yu tub gubaan, nunu nac yu mbecy a̱ê nap. 2 Tees yu nu rzuê par gyeroê ni chicyer ni shily, yu zeê nac yu yu nu rña ma. 3 Gun yu nu ca gyeroê ni chicyer zeê rshaal yu roê zeê ornu ruêña yu nu rña de shily zeê. Orzeê shily zeê reñ ma nu zaab tiêy rniiy. Orzeê rbedz yu ma tub ga la ma niy nu nu la ma. Orzeê rbooy ma nañ chicyer zeê. 4 Na ornu bi blazh bruu dela ma, orzeê yu nu rña ma rzay par lo ma. Orzeê de shily zeê za ca ma ich yu gun yuê lo ma tiêy ornu rniiy. 5 Tees de ma zeê wacha ca ma ich mbecy nu a̱ê yuê lo ma, sinu druu chu ma loy, gun a̱ê yuê lo ma tiêy, gun nac yu mbecy a̱ê yuê lo ma ânam. 6 Jesuuz mniim de riidz tiily zeê lo dey, tees wangyet lagy dey cuen lac yaruuñ. 7 Orzeê ndeê nu Jesuuz mnii gaêm tuubaê tir: âYa̱ rishli rne̱e̱ lo der: ya̱ na gal nu na gyeroê ni chicyer zeê nu rzuê de shily. 8 Dela de yu nu biid lo zir gazeê ya̱, mas mnii dey nu nac yu yu nu rña shily, guc dey gubaan, nunu guc dey mbecy a̱ê nap. Tees de shily wangyicy cuen ma dey. 9 Ya̱ na gal na gyeroê ni chicyer zeê. De yu nu chuê gyeroê zeê, gruu mbañ yu. De yu zeê na dey gal nu na shily: nu rzuê ma nañ chicyer, nunu druu gaê ma, nunu rad gyizh nu row ma. 10 ‘De gubaan ryiid yu par nu gyicy ziêl yu gubaan, nunu par nu cut yu, nunu par nu nit loy; tees ya̱ yapa̱ par nu grica̱ gyel mbañ ni der, nunu par nu gyicy cup zaê la der ñii. 11 ‘Ya̱ na gal nu na tub biñ nu nap rña shily. Zeê biñ nu nap rña shily zeê, shet ic mi nu gat mi nu nac de shily zeê. 12 Benu tub moz nu ryash ni nu rña de shily, zeê ndeê walab fis niy, nunu shily zeê walab niy ma, zeê benu zac yu nu yad tub lob, orzeê zeeñ gay de shily zeê. Gash yu carer gyay. Orzeê lob zeê shet ruê ma de shily zeê, nunu tush las ma de ma. 13 Orzeê moz zeê gruu chuy lo de shily zeê, gun nu nac tiñ ziêl ricy yu riiñ, walab nu rcay de ma. 14 ‘Zeê ya̱ naca̱ biñ nu nap rña de shily. Gal nu ya̱ yuê lo̱ de ma ne̱, nunu yuê lo gaê de ma ya̱, 15 niê ziêl Ãgyoozh uza̱ yuê lom ya̱, nunu niê ziêl ya̱ yuê lo̱ Ãgyoozh uza̱. Nunu ya̱ shet ica̱ nu gata̱ nu nac de shily ne̱. 16 Nunu yuê gaê shily ne̱: bañ nu sac lat tub nac de bañ nu yuê ii. Niê de ma zeê rlagy ñi nu cha te̱ê ma. Orzeê de ma zeê zuub gyidag de ma ne̱ nunu gyac se tub nac ziêl de ma. Orzeê gyac se tub ziêl ya̱ biñ nu rña ma. 17 ‘Ãgyoozh uza̱ rcam ya̱ gun shet ica̱ nu gata̱, gun orzeê cush cya̱ nu gyabañaê tuubaê tir. 18 Ni tub la mbecy wac cut yu ya̱, benu wazaana̱. Tees ndeê coz nu bruu nañ lardo̱o̱ ub la̱ nu shet ica̱ nu cut mbecy ya̱. Ya̱ ricy cupa̱ rishbeey nu zaana̱ nu cut mbecy ya̱, nunu ricy cupa̱ê rishbeey nu gyabaña̱ tuubaê tir. Ndeê riiñ nu bduê Ãgyoozh uza̱ ya̱a̱ âna Jesuuz. 19 Orzeê byac cyup nac de mbecy Israeel tuubaê tir nu nac de riidz nu mniim zeê. 20 Yuê zigy mbecy nu rnii dey: âCueê gyicy cuen der yu, gun bicy ni nuras yu. Orzeê guloc yu âna dey. 21 Tees yuê gaê mbecy nu rnii dey: âBenu tub mbecy gyicy ni nuras yu, rila wac niiy gal nu rnii yu ii. ¿Walab gaal gac gyicy nap tub nuras urlo tub mbecy lo caê? âna dey. 22 Na ornu pshuub tiem nu bri nu rag, orzeê guê dey tub saê Jerusaleeng par nu gyicy dey nu gyezaê lagy mbecy tiem nu bzu chu dey yuê par nu griib zily dey Ãgyoozh. 23 Orzeê rded Jesuuz tub lugaar ni yuê zeê nu la coredoor ni Salomoong. 24 Orzeê de mbecy Israeel bri loê la dey mi. Orzeê na dey rab yum: âZeê ¿la be ruê tiem gyicy ru nu wad lagy de̱? Naal la mnii lo̱ de̱ tub tir ziêl benu ru nac ru Mesías, biñ nu ca lo cuen nu co mbañ de̱ ya̱ âna dey. 25 Orzeê na Jesuuz rab mi dey: âYa̱ bi mne̱e̱ lo der, tees wancheña lagy der. De coz nu mnii Ãgyoozh nu ricya̱, ndeê rlyuuñ nu naca̱ Mesías. 26 Tees de ru wacheña lagy der de coz nu rne̱e̱, gun a̱ê nac der shily ne̱. 27 De shily ne̱ ryuê lo ma ti̱ê ornu rne̱e̱. Nunu ya̱ yuê lo̱ de ma ne̱. Nunu de ma zeê ryiid ca ma icha̱. 28 Gyicya̱ nu cui mbañ de ma tub la, nunu rila wanit lo de ma. Nunu se cyu la gac co za de ma ya̱a̱. 29 Ãgyoozh uza̱, biñ nu briic de ma ne̱, mi zeê zily zir nac mi par deê zir mbecy. Nunu ni tub la mbecy wac co dey ma yaam. 30 Ya̱ nu Ãgyoozh uza̱ tub ziêl nu nac de̱ ânam. 31 Orzeê de mbecy zeê pteê gaê dey gyitaê nu shet dey nim. 32 Orzeê nam rab mi dey: âBicya̱ zañ de coz nap nu bruu lo Ãgyoozh lo rgüii la der. ¿A nu nac ca na de coz zeê rgoow gyitaê der ya̱? ânam. 33 Orzeê na gaê de mbecy rab yum: âWalab nu rgoow gyitaê de̱ ru nu nac ca na tub coz nap nu ricy ru, sinu rgoow gyitaê de̱ ru nu nac nu mnii zir ni Ãgyoozh, gun ru mbecy ziêl nac ru, tees ricy ru nu nac ru Ãgyoozh âna dey. 34 Orzeê na Jesuuz rab mi dey: âLat de riidz nu bzeeñ Ãgyoozh ni der, Ãgyoozh nam rab mi de mbecy: “De ru nac der de ñgyoozh”, nam. 35 Rad lagy den de coz nu rnii riidz ni Ãgyoozh, nu rila wagruu fals ñi. Ãgyoozh bloo lam de mbecy “De ñgyoozh”: de yu nu bri riidz nim lo. 36 Zeê Ãgyoozh bzum ya̱, nunu bzuu nez mi ya̱ yapa̱ gyishlombecy ii. Benu ni, ¿lagu rnii der nu ya̱ rne̱e̱ zi̱ ni Ãgyoozh nu nac nu mne̱e̱ nu naca̱ iêñ mi? 37 Benu wagyicya̱ de coz nu bruu lo Ãgyoozh, uza̱, orzeê cueê cheña lagy der de coz nu rne̱e̱. 38 Tees benu ricya̱ de coz zeê, mas wacheña lagy der ne̱, tees guña lagy der ni de coz nu ricya̱, gun tub tir ziêl gad lagy der nu ya̱ tub ziêl naca̱ du̱ Ãgyoozh, uza̱, nunu Ãgyoozh, uza̱, tub ziêl nac mi nu ya̱ ânam. 39 Orzeê tub tiraê ngulagy dey nguê yaay mi nu ñgya nu dey mi pres. Tees blam yaa dey zam. 40 Orzeê Jesuuz bish cyam za gaêm tub laê gaê ruê gyoow Jordaang. Orzeê pcyiiñ mi zeê. Zeê lugaar nu gusa Waa briib nis yu mbecy anzir. 41 Zigy mbecy bdeê dey lom. Orzeê na dey: âWaa wangyicy yu ni tub la nusuriidz, tees dela coz nu mniiy nu nac mbecy ii, ndeê coz rishli âna dey. 42 Orzeê zañ mbecy bicy cup dey consuel lo Jesuuz lugaar zeê.