San Lucas 1

1 Zigy mbecy gush dey riiñ nu caay de coz nu guc lat den 2 dub gal nu na de riidz nu bzeeñ de yu nu bzac urlo la de coz zeê nese nu bzub la gyiêñ, de riidz nu bzeeñ de yu nu bzu riiñ nu tush las yu de riidz zeê. 3 Ndeê nu ru, shi Tioj, como ya̱ nap bdugyi̱ê nu nac dela coz zeê, orzeê ya̱ rze̱e̱ nu nap benu ca̱a̱ dela coz zeê lo gyicy, tub ga la riidz nu lugaar niñ. Orzeê zeeda̱ ñii nir. 4 Gun orzeê gad lagy ru nu rishli dela coz nu bdulyuu nir. 5 Orzeê tiem nu guc Herodes rey ni de gyedz nu yuê lo yu ni Judea, bzu tub uz nu la Zacarí. Orzeê yu zeê byeeñ yu lo tub nac uz nu rnii dey uz ni Abías. Zeê mñaay lam Bee. Gazaê mi zeê nac mi nez Aroong. 6 Orzeê rup laa dey bicy dey coz nu seêñ par lo Ãgyoozh. Bicy dey dela coz nu mniim lo leey nim. Orzeê ni tub la mbecy wangac nii dey nu yuê falt niy. 7 Tees sac iêñ dey, gun Bee wangac chuê iêñ mi. Nunu rup laa dey bi gubel yu. 8 Orzeê tub tiem de uz nu nac nu Zacarí briic dey sman niy. Orzeê gazaê Zacarí bzuy riiñ lo Ãgyoozh. 9 Orzeê de uz blooy cuen ich cushtom ni dey, nunu laabaê Zacarí bdugyiy nu chuêy nañ yuê nu driib zily mbecy Ãgyoozh, Shuaan na, par nu zu dzeeñ yaal yu. 10 Na lat nu rzu dzeeñ yaal yu, orzeê dela mbecy nu rca Ãgyoozh lugaar zeê byatublaazh dey ich yuê zeê nu nii nu dey mi. 11 Orzeê lat zeê bruu zac tub anc ni Ãgyoozh lo Zacarí gusuy par bee mez zeê nu zub psiêñ yaal. 12 Orzeê ornu bzaac Zacarí anc zeê, orzeê lorgut lay. Orzeê tonaê la gudzib yu. 13 Tees anc zeê nay rab yu Zacarí: âCueê dzib ru Zacarí, gun Ãgyoozh “O” mniim gush mi de riidz nu mniir lom, nunu mñaar, Bee, gaal mi tub mdoo. Zeê mdoo zeê co lar yu Waa. 14 Orzeê tonaê la chesu cyit lagy ru nu nac yu, nunu zigy mbecy gyet lagy yu nu nac nu gal mdoo zeê. 15 Gun yu zeê gac yu tub yu lily par lo Ãgyoozh. Orzeê rila woêy ñup ni urbyay. Ni woêy mashcaly. Ni woêy ni tub la loñ. Nunu Espiriit Yon ni Ãgyoozh bi riib ic zaê lam nañ lardooy nese anzir nu gal yu. 16 Orzeê yu zeê gyicy yu nu zigy mbecy Israeel ca dey Ãgyoozh, Shuaan dey. 17 Orzeê yu zeê chay riiñ ni Ãgyoozh anzir nu cyid Shuaan na. Fert gyicy yu riiñ nim gal nu bicy Elías, yu nu mnii por cuen nim. Gun orzeê gyicy yu nu gyanap riidz ni de mbecy nuy iêñ yu, nunu gyicy yu nu syaê de mbecy nu rnid ruê lo de mbecy nap. Orzeê ni mod gac par nu zu lily yu de mbecy par ornu cyid Shuaan na âna anc zeê. 18 Orzeê na Zacarí rab yu anc zeê: â¿Lac mod gad lagya̱ nu gac ñii gal nu mniir? Gun ya̱ dzi byabela̱. Nunu niê ziêl mña̱a̱ ânay. 19 Orzeê na gaê anc zeê: âYa̱ naca̱ Gabrieel. Ya̱ zu̱ lo Ãgyoozh. Nunu mi zeê bzuu nez mi ya̱ nu yap ne̱e̱ du̱ ru nunu rica̱ nu gad lagy ru de riidz nap nu mne̱e̱ zeê. 20 Orzeê na, como wancheña lagy ru de riidz nu mne̱e̱ lor, de riidz nu segur la gac, orzeê ndeê nu gyac ru mbecy gop. Wac niir gashtal shuub la dzi nu gyuê ni de riidz nu mne̱e̱ âna anc zeê. 21 Lat zeê yuê de mbecy rbez yu Zacarí ich yuê. Gush dey shcab ben lagu dzi blaay nañ yuê ni Ãgyoozh. 22 Na ornu bruuy nañ yuê zeê, wangacaê niiy. Orzeê gud lagy dey nu bdeê loy nañ yuê zeê, gun bicy yaay lo dey. Nunu ni la mod nay byeeñ yu. Wangacaê niiy. 23 Na ornu pshuub dzi niy bruuy sman, orzeê yay yuêy. 24 Orzeê despuees ni de nu ndeê, orzeê guê iêñ mñaay Bee. Orzeê nañ gaay beey wancyuu lam yuêm. Orzeê mnii toom: 25 “Ni bicy nu Ãgyoozh ya̱, gun orzeê na cueê güii naañ mbecy lo̱ par nu sac iêña̱”, mnii toom. 26 Na ornu bi bzaê shuup beey nu yuê iêñ Bee, orzeê Ãgyoozh bzeed mi Gabrieel, yu nu nac anc nim, zay Nazaret, tub gyedz nu ri lo yu ni Galilea. 27 Zay lo tub fiñ feñ nu nigul dzeel yu gyeey. Fiñ zeê lañ Li. Fiñ zeê bi guc nap niñ nu chelaañ See, tub mbecy nu bruu lat nez rey Dabi. 28 Orzeê guê anc zeê zeê nu zub ñi. Orzeê nay rab yuñ: â¡Shnur! ânayâ. Ãgyoozh nac num ru, nunu tonaê la nap gyicy mi num ru ânay. 29 Orzeê ornu bzaac ñi anc zeê, tonaê la deet guc nañ lardooñ nu nac riidz nu mniiy. Orzeê gush ñi shcab ben lac mod yaruu riidz nu mniiy loñ. 30 Orzeê na anc zeê rab yuñ: âLi, cueê dzib ru, gun Ãgyoozh bi psaê lagy mi nu nap gyicy num ru. 31 Ru chuê iêñ ru. Orzeê gaal ru tub mdoo gyeey. Orzeê co lar mi Jesuuz. 32 Mi zeê gac mi tub biñ lily. Nii dey nu “Mi zeê iêñ Ãgyoozh biñ nu gya zir zu”, nii dey. Orzeê Ãgyoozh gyicy mi nu gac mdoo zeê nir rey lugaar ni gyitoo bel nim Dabi, 33 gun orzeê gyub ic mi de nez Israeel tub la, nunu rila wayeca nu gyub ic mi den âna anc zeê. 34 Orzeê na gaê Li: â¿Lac mod chuê iêña̱ zeê rila nigul dzeela̱ biñ gyeey? ânañ. 35 Orzeê na gaê anc zeê: âEspiriit Yon ni Ãgyoozh gyet mi nu gac num ru. Nunu Ãgyoozh, biñ nu gya zir zu, tonaê la coz ily gyicy mi lat nu gac num ru. Ndeê nu mdoo nir nu gal gac mi mbecy yon, tub mbecy nu nii dey “Iêñ Ãgyoozh”, nii dey. 36 Niê nis ru, Bee, gaal mi tub mdoo mas byabel mi. Biñ nu rnii dey nu wagac chuê iêñ, mi zeê bi bzaê shuup beey nu yuê iêñ mi, 37 gun Ãgyoozh gac gyicy mi dela coz âna anc zeê. 38 Orzeê na Li: âYa̱ naca̱ tub fiñ feñ nu ricy de coz nu rlagy Ãgyoozh. Orzeê Ãgyoozh gyicy num ya̱ gal nu mniir ânaañ. Orzeê laab ndeê la bruu anc zeê yay. 39 Laab tiem zeê bruu Li zeê nu rcyiiñ ñi zañ carer tub gyedz nu ri tub logyiê ni Judea. 40 Na ornu bruêñañ, orzeê guêñ nañ yuê Zacarí. Orzeê mnii nuñ Bee ñgyoozh. 41 Na ornu güeñ Bee riidz nu mnii Li, orzeê pcueñ mdoo nañ mi. Orzeê briib ic zaê la Espiriit Yon ni Ãgyoozh mi. 42 Orzeê ye la mniim: â¡Nap zir gyicy nu Ãgyoozh ru gazeê deê zir biñ mñaa! ¡Nunu niê ziêl nap gyicy num mdoo nir! 43 ¿Cyu guc ya̱ par nu cyid güii ñaa Shuaana̱ ya̱? 44 Cuanzir nu güeña̱ nu mnii nur ya̱, orzeê pcueñ mdoo naña̱ nu dzi bet lagy ñi. 45 Dzi nir nu guña lagy ru nu gyuê niñ gal nu mnii Ãgyoozh, Shuaan na âna Bee. 46 Orzeê na Li: Ya̱ gyabica̱ gyel mbecy ni Ãgyoozh nu dutuub la lardo̱o̱. 47 Tonaê la yet lagya̱ nañ lardo̱o̱ nu nac Ãgyoozh, biñ nu co mbañ ya̱. 48 Gun mi zeê bduê cuen mi ya̱, tub fiñ feñ nu ricy coz nu rlagy mi. Bzaac mi nu naca̱ tub mbecy shni. Orzeê zigy mbecy nu yad par lo nii dem nu ya̱ naca̱ tub fiñ feñ nu dzi ni. 49 Gun Ãgyoozh, biñ nu gac gyicy dela coz, mi zeê tonaê la coz ily ricy num ya̱. ¡Mi zeê tonaê la yon mi! 50 Dub laa tiem nap ricy num de mbecy nu rca lagy lom. Tant de mbecy zeê nap ricy num, tant iêñ dem nu gruu zac par lo nap gyicy num. 51 Coz ily ricy mi nu nac nu dzi fert mi. Mas la ziêl coz nu rboo ic mbecy leê, tees ptush las mi dem. 52 Mi zeê bloom riiñ nu zu biñ nu nac rey. Tees laagy nañ mi de mbecy shni. 53 Cuic mi coz nap gow mbecy ran gashtal dzaa la nañ dem. Zeê mbecy guaniêñ, zuu nez mi dem gyam ñgyiêñ yaam. Ni wabic lam coz nu gow dem. 54 Blocyuub mi de mbecy Israeel, de biñ nu ricy coz nu rniim. Nunu wanit lagy mi nu nap gyicy num dem par nu rashni lagy mi dem. 55 Bicy num Abraham gal nu dela nez mi gal nu mniim lo de gyitoo bel ni den nu segur la gyicy mi. Ni mnii Li. 56 Orzeê Li pcyiiñ nuñ Bee tub chon beey. Orzeê bruuñ yaañ yuêñ. 57 Na ornu pshuub dzi nu gaal Bee mdoo, orzeê gul tub mdoo gyeey. 58 Orzeê ornu de mbecy nu rcyiiñ num garee ga, gal nu dela famil nim bzaac dey nu nap bicy nu Ãgyoozh mi, orzeê bet lagy dey nuy mi. 59 Orzeê ornu bzaê shuñ dzi nu gul mdoo zeê, orzeê pcaa dey beey sircunsision cuerp ni mdoo zeê. Orzeê bicy pee dey mboo la dey yu laabaê gal nu la uz yu, Zacarí. 60 Tees ñaa mdoo zeê nam: â¡Cueê! Rlagy ñi loo lan ñi Waa ânam. 61 Orzeê na dey rab yum: âSac ni tub la famil nir nu ni lay âna dey. 62 Orzeê bicy yaa dey lo Zacarí par nu gad lagy dey lac rlagy yu gruu la mdoo niy. 63 Orzeê bdiiñ yu tub laê yala nu caay loñ. Orzeê dela mbecy tonaê la za nu ic dey ornu bzaac dey nu pcaay: “Yu zeê gruu lay Waa”, pcaay. 64 Orzeê laab or la zeê briib rishniiy tuubaê tir. Orzeê brugyiê ryabic yu gyel mbecy ni Ãgyoozh. 65 Orzeê dela de mbecy nu yuê nuy garee tonaê la gudzib dey. Orzeê dutuub la logyiê ni Judea bzu riidz de coz nu guc. 66 Orzeê dela mbecy nu güeñ riidz zeê gush dey shcab nu nac ñii. Orzeê na dey rab yu losaêy: â¿Ben cyu gac yu nguzh zeê? âna deyâ. Gun rishli gaal rabee nu ricy Ãgyoozh coz ily num yu âna dey. 67 Orzeê Espiriit Yon briib ic zaê lam Zacarí, uz mdoo zeê. Orzeê brugyiê rniiy por cuen ni Ãgyoozh. Orzeê nay: 68 ¡Rlagy ñi gyabic na gyel mbecy ni Shuaan na, biñ nu nac Ãgyoozh ni de mbecy Israeel! Gun biid mi nu co mbañ mi dela mbecy nim. 69 Bzuu nez mi tub biñ fert nu co mbañ de ub na. Mi zeê laabaê nez Dabi, yu nu bicy de coz nu rlagy mi. 70 Gulas mniim nu ni gyicy mi nu nac de riidz nu bzeeñ de yu nu mnii por cuen nim. 71 Nunu mniim nu com de ub na yaa losaê yuun nu yaa de yu nu rzi lagy lon. 72 Ni bicy mi par nu mniim nu nap gyicy num de too bel ni den. Gun wannit lagy mi trat yon nim. 73 Nunu trat zeê, ndeê riidz nu mniim lo gyitoo bel ni den Abraham nu segur la gyicy mi. 74 Riidz zeê rniiñ nu gyicy mi nu glan lo de losaê yuun, gun orzeê wadzib la den gyicy den coz nu rniim, 75 nunu gun orzeê cuin lom como nac naa mbecy nu nac nim, nunu mbecy nu bi byanap lom. Orzeê cuin lom dutuub la lo yun. 76 Zeê ru, iêña̱, mbecy gnii dey nu ru nac ru tub yu nu gnii por cuen ni Ãgyoozh, biñ nu gya zir zu, gun ru cha gar par lo Shuaan na. Gyicy nap ru nañ lardoo de mbecy gal nu ricy nap dey tub nez ornu ded tub yu lily. 77 Gun orzeê gad lagy dela mbecy ni Ãgyoozh nu gyicy sulagy mi de cyi dey. Nunu co mbañ mi dey. 78 Gun Ãgyoozh ni den, nu nac nu tonaê la rashni lagy mi mbecy nim, ndeê nu ni gyicy num dey. Gyicy mi nu cyid biñ nu co mbañ mbecy gal nu driib doo. 79 Orzeê dzi zeê cuic mi yaa ni de mbecy nu yuê zeê nu cow, de mbecy nu ca lo cuen nu gat, gun orzeê lyuuñ ni dey ca par gash yu par nu che ti ri añ ni dey, na Zacarí. 80 Orzeê yu nguzh zeê zaab raly yu, nunu byafert yu nu nac de coz ni Ãgyoozh. Orzeê pcyiiñ yu tub lugaar ub zi gashtal pshuub la dzi nu blyuuy ub yu lo de mbecy Israeel.