San Mateo 13

1 Orzeê laab dzi zeê bruu Jesuuz nañ yuê nu rcyiiñ mi zam par ruê nisyudoo. Orzeê zeê gusub mi. 2 Orzeê como tonaê la mbecy zigy byatublaazh dey lom, orzeê guêm nañ tub barc gusub mi. Zeê de mbecy zigy gucua dey ruê nisyudoo. 3 Zeê blyuum zañ coz ni dey nu riidz tiily. Orzeê nam rab mi dey: âTub mbecy bruuy zay za nuuz yu mbigy. 4 Lat nu rtich yu de mbigy zeê, yuêñ bet lag ñi ruê gyernez, orzeê bruêña chigyiñ bdow ma ñii. 5 Zeê yuê gaêñ bet lag ñi lo yu las ruê nu ri gyitaê par nañ. Orzeê dzach briib ñi gun las ruê yu zeê. 6 Na ornu briib doo na, orzeê bziiñ. Orzeê guwach ñi gun sac sheñ yu nu shet nap ñi lyuñ. 7 Zeê yuê gaêñ bet lag ñi lat gyech. Orzeê dzach guuly gyech zeê. Orzeê pcyiig ñi de yamni zeê. 8 Zeê yuê gaêñ bet lag ñi lo yu nap. De ndeê tonaê la nap na cosech briic ñi. Yuêñ briic ñi tub gaynal mbigy. Yuêñ briic ñi gayon mbigy. Zeê yuê gaêñ briic ñi gal rup tii mbigy ânam. 9 Orzeê na gaêm: âMbecy nu zub gyidag rlagy ñi gyicy yu nu gyet lag yu cuen ânam. 10 Na despuees de yu nu rsyaê lom bechaê dey lom, orzeê na dey rab yum: â¿La gyiê nu rniir nu riidz tiily lo de mbecy? âna dey. 11 Orzeê Jesuuz nam rab mi dey: âPar de ru Ãgyoozh briic mi nu gad lagy der coz ni gyel gubier nim, de coz nu wagad lagy mbecy gulas. Tees de yu re wac gyet lag dey cuen. 12 Gun mbecy nu ricy cup la coz, sheñ zir gad niy. Orzeê tonaê la coz sheñ gyicy cup yu. Tees yu nu sac ni, gashtal coz miiñ nu ricy cup yu gruuñ niy. 13 Ndeê nu ya̱ rne̱e̱ mod ni riidz tiily, gun orzeê zac dey tees wayuê loy, nunu gyeñ dey tees wayet lag yu cuen. 14 Gun orzeê gyuê niñ gal nu mnii Isaías, yu nu mnii por cuen ni Ãgyoozh ornu nay: Ãgyoozh nam: “Mas gyeñ der, tees wayet lag der cuen. Nunu mas mbi la güii der, tees wayuê lo der. 15 Gun shcab ni de mbecy ii guton ñi, nunu byoow gyidag dey, nunu byoow urlo dey. Gun orzeê wazac dey nu urloy, nunu wayeñ dey nu gyidag yu, nunu wayet lag dey cuen nu shcab niy, nunu nis cush cya dey par lo̱, nis gyicy napa̱ dey”, na Ãgyoozh, na Isaías. 16 ‘Tees de ru dzi ni der, gun rzac der nu urlor, nunu reñ der nu gyidag ru. 17 Ya̱ rishli rne̱e̱ lo der nu zigy de yu nu mnii por cuen ni Ãgyoozh gal nu zigy de mbecy nap ngulagy dey nzac yu de coz nu de ru rzac ru, tees wansac dey. Nunu ngulagy dey ñgyeñ yu de coz nu reñ de ru, tees wangyeñ dey âna Jesuuzâ. 18 ‘Bzuub gyidag der. Orzeê gad lagy der lac yaruu riidz ni mbecy nu mnuuz mbigy zeê. 19 De mbecy nu rzuub gyidag riidz ni gyel gubier ni Ãgyoozh par wayet lag dey cuen, de yu zeê na dey gal nu na yu nu ri ruê gyernez. Rnii mbecy riidz zeê lo dey, tees orzeê druêña nuras rbooy de riidz nap zeê nañ lardoo dey. 20 Zeê yuê mbecy nu na gal nu na mbigy nu bet lag lo yu las ruê nu ri gyitaê par ñañ. Ornu nu loga la reñ dey riidz ni Ãgyoozh, orzeê “O” rnii dey nunu yet lagy yuñ. 21 Tees par nu las ruê yu zeê, wac shet riidz zeê sheñ lyuñ. Orzeê la be ziêl dzi ragyee dey. Tees despuees, ornu druêña nu zac ziy o ornu druêñañ nu deet rzac yu nu nac riidz zeê, orzeê druu chu dey lo riidz zeê. 22 Zeê yuê mbecy nu na gal nu na mbigy nu bdunuuz lat gyech zeê. De yu zeê rzuub gyidag dey riidz ni Ãgyoozh. Tees de gyel rsug ic nu nac de coz ni gyishlombecy ii nunu de gyel ye rzac lo gyel nap, de ndeê ricy ñi gan dey. Gal nu ricy gyech nu wacsaan ñi nu cuic ya mni cosech, ni ricy de coz zeê. Wacsaan ñi gyicy nap riidz ni Ãgyoozh shcab ni de mbecy zeê. 23 Zeê yuê mbecy nu na gal nu na mbigy nu bet lag lo yu nap. Orzeê ornu reñ dey riidz zeê, orzeê yet lag dey cuen, nunu rbic ñi cosech nañ lardooy. Yuêñ briic ñi tub gaynal mbigy. Yuêñ briic ñi gayon mbigy. Yuê gaêñ briic ñi gal rup tii mbigy ânam. 24 Orzeê Jesuuz mniim tuubaê riidz tiily lo dey. Orzeê nam: âMod nu ricy riidz ni gyel gubier ni Ãgyoozh, nañ gal nu na mod nu bicy mbecy nu gua nuuz mbigy bducui lo yu ni zeê. 25 Tees ornu dela dey nas yu rel, orzeê bruêña losaê yuuy. Orzeê mnuuz yu mbigy gyish lat de mbigy nap zeê. Orzeê yay. 26 Na ornu guuly ñi nunu pshuub tiem nu ca nan zaê niñ, orzeê niê ziêl guuly gyish nu bdunuuz lat yamni zeê. 27 Orzeê bruêña de yu nu ricy riiñ ni mbecy zeê. Orzeê na dey rab yuy: “¿Lac guc briib de gyish zeê? Zeê ru mnuuz ru mbigy bducui”, na dey. 28 Orzeê na yu nu mnuuz mbigy zeê rab yu dey: “Ca ziêl na tub yu nu rzi lagy gua nuuz yu ndeê”, nay. Orzeê na gaê de yu nu ricy riiñ zeê: “¿A rlagy ru cha̱ de̱ loo lyu̱ de̱ de gyish zeê?” na dey. 29 Orzeê na yu nu mnuuz mbigy zeê rab yu dey: “Walagya̱, gun ornu co lyu der de gyish zeê, orzeê gyicy ñi nu gruu lyu gaê ya mni zeê. 30 Nap zir zaan der galy ñi tublaazh la gashtal shuub tiem nu te̱ê cosech. Orzeê gyicya̱ mandaar lo de yu nu ricy riiñ ne̱ nu co lyu dey de gyish zeê loga la. Orzeê gag yeñ ñi par nu chañ lo gyi. Orzeê gazeê nu teê dey cosech zeê nunu cuê choow dey ñi nañ ye”, nay ânam. 31 Orzeê Jesuuz mniim tuubaê riidz tiily lo dey. Orzeê nam: âGyel gubier ni Ãgyoozh rac ñi gal nu rac nu tub mbigy ya urnishtas nu rnuuz mbecy lo yu niy, 32 gun ndeê mbigy nu blazhaê zir mbigy miê gazeê deê zir mbigy. Tees ornu raly ñi zily zir ñi yac ñi gazeê deê zir de yag miê. Yac ñi gal nu na tub yag ily. Gashtal de chigyiñ nu rded lo bi druêña ma lat yaañ, nunu rzaa ma teez ma ânam. 33 Orzeê mniim tuubaê riidz tiily lo dey. Orzeê nam: âGyel gubier ni Ãgyoozh nañ gal nu na lebadur nu gush tub biñ mñaa. Bduêm ñii lat chon nac arin. Orzeê ptub yaam ñii, gun orzeê lebadur zeê cshup ñi dela cub zañ zeê ânam. 34 De la ndeê mnii Jesuuz lo de mbecy nu riidz tiily. Nunu waniim lo dey benu walab nu riidz tiily. 35 Ni bicy mi par nu gyuê niñ gal nu mnii tub yu nu mnii por cuen ni Ãgyoozh ornu nay: Biñ nu ca lo cuen nu cyid nam: “Ya̱ gne̱e̱ lo dey nu riidz tiily. Ya̱ gne̱e̱ lo dey de coz nu wangad lagy mbecy nese nu bzub gyiê gyishlombecy”, nam, na yu nu mnii por cuen ni Ãgyoozh. 36 Orzeê Jesuuz mnii num dey ñgyoozh, orzeê bzuu nez mi dey yay yuêy. Orzeê guêm nañ yuê. Orzeê bruêña de yu nu rsyaê lom. Orzeê byatublaazh dey lom. Orzeê na dey rab yum: â¿Lac yaruu de riidz tiily ni gyish nu briib lat ya mni zeê? âna dey. 37 Orzeê Jesuuz nam rab mi dey: âMbecy nu mnuuz mbigy bducui zeê, ndeê ya̱ biñ nu byac mbecy. 38 Na yu zeê ndeê gyishlombecy ii. Zeê de mbigy bducui zeê, ndeê de mbecy nu rash gyel gubier ni Ãgyoozh. Zeê de gyish zeê, ndeê de mbecy nu nac nu nuras. 39 Zeê mbecy rzi lagy nu mnuuz mbigy gyish zeê, ndeê nuras. Zeê cosech zeê nu ndeê ornu shuub dzi ni gyishlombecy ii. Zeê de mbecy nu teê cosech zeê, ndeê de anc ni Ãgyoozh. 40 Gal nu rteê dey de gyish nu neê dey ñi lo gyi, niê ziêl gac ornu shuub dzi ni gyishlombecy ii. 41 Tiem zeê ya̱ biñ nu byac mbecy zuu neza̱ de anc ne̱ nu cha teê dey dela mbecy nu rlyuu coz cyi lo losaê, gal nu de mbecy nu a̱ê nap ricy. De anc zeê coy de mbecy nu shiñ ricy zeê lat de mbecy nu nac nu gyel gubier ne̱. 42 Orzeê zeed yu dey chay lo gyi. Zeê nu chuê dey gun yu nunu siigy lay yu ânamâ. 43 Gazeê nu de mbecy ni Ãgyoozh ryal gabe dey gal nu rabe doo güidz lugaar zeê nu riib ic Ãgyoozh, uz dey. De yu nu rzuub gyidag rlagy ñi nu gyicy yu nu gyet lag yu cuen ânamâ. 44 ‘Gyel gubier ni Ãgyoozh nañ gal nu na gyel nap nu ri ngach lo yu. Orzeê tub mbecy byap yu gyel nap zeê. Orzeê pcach yuñ tuubaê tir laab lugaar zeê. Nunu tonaê la bet lagy yu. Orzeê yay biit yu dela coz nu ricy cup yu, gazeê nu wiiy lugaar zeê nu ri gyel nap zeê. 45 ‘Niê ziêl mod ricy nu mbecy gyel gubier ni Ãgyoozh gal nu ricy de mbecy nu ricy dalje̱z nu rded ryub dey urndub nu dzi cyit na. 46 Na ornu gyap yu tub urndub nu tonaê la ñgyup sac, orzeê yay nu cut yu dela coz nu ricy cup yu. Orzeê cush cyay ziy urndub nu dzi sac zeê. 47 ‘Mod nu rac nu gyel gubier ni Ãgyoozh, ndeê mod nu rac nu tub gyish nu rub mbecy bel. Gyish zeê rneê dey ñi lo nisyudoo. Orzeê zañ lo bel rzuê ma nañ ñi. 48 Na ornu dzaa nañ gyish zeê, orzeê co dey ñi par lo yu wach. Orzeê chesub dey nu cuiy de bel nu guê nañ gyish zeê. Orzeê de bañ nap cuê choow dey ma nañ chicyiw niy. Zeê bañ wacyiiñ neê dey ma. 49 Niê ziêl mod gac ornu shuub dzi ni gyishlombecy ii. De anc gruêña dey. Co reñ yu de mbecy a̱ê nap lat de mbecy nap. 50 Orzeê zeed yu dey chay lo gyi, zeê nu chuê dey gun yu nunu siigy lay yu ânam. 51 Orzeê nam rab mi dey: â¿A yet lag der cuen dela de riidz ii? ânam. âA̱, yet lag de̱ cuen âna dey. 52 Orzeê na gaêm rab mi dey: âOrnu tub mbecy nu rlyuu leey ni Ãgyoozh rac yu de coz ni gyel gubier nim, orzeê yac yu gal nu na shuaan tub yuê. Orzeê yu zeê rbooy coz cub nu coz gush zeê nu yuê choow de coz niy ânam. 53 Ornu blazh mnii Jesuuz de riidz tiily zeê, orzeê bruum zam. 54 Orzeê brim ledz mi. Gazeê nu brugyiê rlyuum ni de mbecy nañ yuê nu rsyaê dey riidz ni Ãgyoozh. Orzeê tonaê la za nu ic de mbecy. Orzeê na dey: âZeê ¿ca psyaê gaê yu ii de coz ily nu rniiy? Zeê ¿lac mod ricy yu nu rac ricy yu de nusuriidz zeê? 55 Zeê ¿a walab yu ii iêñ biryag? Zeê, ñaay ndeê Li nu de bicy yu Santiag, nu See, nu Simo̱o̱, nu Judas. 56 Nunu ¿a walab laab lat na ii rcyiiñ de zan yu? Zeê ¿ca guud de coz nu ricy yu beni? âna dey. 57 Orzeê wancheel reñ dey mi. Orzeê nam rab mi dey: âCa ziêl lugaar mbecy rca lagy dey lo yu nu rnii por cuen ni Ãgyoozh. Nomaas ledz yu, nu de famil niy waca lagy dey loy ânam. 58 Orzeê wangac gyicy mi zañ nusuriidz par nu wangyicy cup de mbecy zeê consuel lom.