San Mateo 14

1 Laab tiem zeê rey Herodes, yu nu riib ic lo de yu ni Galilea, güeñ yu de riidz nu zaab ni Jesuuz. 2 Orzeê nay rab yu de yu nu zu riiñ loy: âYu zeê, ndeê Waa nu briib nis mbecy. Byabañ yu. Ndeê nu rac ricy yu de nusuriidz ily zeê ânay. 3 Ni mniiy gun laab yu bicy yu mandaar nu pcyiig dey Waa nu pshet lag dey yu nañ yuê gyiib. Ni bicy yu par nu nac Herodías, mñaa bicy yu Lip. 4 Gun Waa nu briib nis mbecy zaab rnii lay lo rey Herodes. Orzeê rniiy: âRu rach ñi nir lo Ãgyoozh nu gush ru biñ mñaa zeê ârniiy. 5 Orzeê rey Herodes ngulagy yu ñgyut yu Waa, tees gudzib yu lo de mbecy Israeel. Gun bicy dey Waa par tub yu nu mnii por cuen ni Ãgyoozh. 6 Tees ornu pshuub dzi nu bicy dey saê ni dzi nu gul rey Herodes, orzeê iêñ Herodías bilgyiêñ lo dela mbecy. Orzeê rey Herodes tonaê la bet lagy yu. 7 Orzeê mniiy lo fiñ zeê nu waded la cuic yu la ziêl coz nu cyiñ ñi loy. 8 Orzeê nu loga la bdugyiêñ lo ñaañ. Gazeê nu nañ rab ñi rey Herodes: âRlagya̱ nu cuic ru too Waa ne̱ nañ tub gyaên ânañ. 9 Orzeê rey Herodes tonaê la bicy shniy ornu güeñ yu riidz zeê, tees como lo rgüii la de mbecy nu nguaa zeê mniiy nu waded la cuic yu la ziêl coz nu cyiñ fiñ feñ zeê, 10 orzeê bicy yu mandaar lo tub soldad nu cha shiêñ yu too Waa nañ yuê gyiib. 11 Orzeê lueg la za nuy ñi nañ tub gyaên. Orzeê briic yu ni fiñ feñ zeê. Orzeê fiñ feñ zeê gush ñi ndeê. Orzeê byabic ñi ndeê ni ñaañ. 12 Orzeê despuees bruêña de yu nu rsyaê lo Waa nu gua te dey cuerp niy. Orzeê pcach dey ñi. Orzeê gua nii dey lo Jesuuz. 13 Ornu güeñ Jesuuz coz nu bzac Waa, orzeê bruum lugaar zeê. Zam tub lugaar ub zi nañ tub barc. Na ornu gud lagy de mbecy, orzeê bruu dey lat de gyedz za ca̱ dey ich mi par lo yu bigy. 14 Orzeê Jesuuz bruum nañ barc. Na ornu bzaac mi de mbecy zigy, orzeê gushni lagy mi dey. Orzeê bicy yac mi de mbecy rat nu gua nu dey. 15 Na or becheñ, orzeê bruêña de yu nu rsyaê lom. Orzeê na dey rab yum: âNa tonaê la bi gudze nunu ii tub lugaar ub zi. Bzuu nez de mbecy gyay, gun orzeê cha dey lat de gyedz nu yuê gaab ga, gun orzeê zi dey coz nu gow yu âna dey rab yum. 16 Orzeê na Jesuuz rab mi dey: âWalagy ñi nu gya dey. De ru briic coz nu gow dey ânam. 17 Orzeê na gaê dey: âSac laê zir coz nu ricy cup de̱ nomaas gaay gyishtily nu cyup bel miê âna dey. 18 Orzeê na gaêm rab mi dey: âDa nu der ñii lo̱ ii ben ânam. 19 Orzeê Jesuuz mniim lo de mbecy nu gzub dey lo gyizh. Orzeê bduê yaam gaay gyishtily zeê nu cyup bel zeê. Orzeê bgüiim par baa. Orzeê briic mi gras ni Ãgyoozh. Orzeê blew mi gyishtily zeê. Orzeê briic mi ñii ni de yu nu rsyaê lom. Orzeê bleez dey ñi lat de mbecy zigy. 20 Orzeê dela mbecy bdow gyel la dey. Ornu blazh nu bdow dey, orzeê brusub trocyup ruê chicyiw de coz nguzh ni gyishtily nu pteê dey zeê. 21 De yu nu bdow zeê gaay miily dey nac yu: Zeê reñ de biñ mñaa nu de yu nguzh. 22 Orzeê Jesuuz mniim lo de yu nu rsyaê lom nu chuê dey nañ barc par nu cha ga dey lo gashtal tub laê gaê ruê nisyudoo. Orzeê Jesuuz byeeñ gam par nu nii num de mbecy ñgyoozh. Orzeê bzuu nez mi dey yay yuêy. 23 Na ornu blazh nu mnii num dey ñgyoozh na, orzeê ub zi lam zam tub logyiê nu nii num Ãgyoozh. Na or becheñ laab lugaar zeê zum ub zi lam. 24 Laab tiem zeê zaab barc nu za nu de yu nu rsyaê lom gazel nisyudoo. Tees tonaê la ricy nu de nguuly lo nisyudoo barc zeê, gun par nez nu zañ druu bi. 25 Na ornu gabee cas ruê zu, orzeê rza la Jesuuz. Lo nis zam lo dey. 26 Na ornu bzaac dey nu yad mi lo nis, orzeê tonaê la gudzib dey. Orzeê rbish ti la dey. Orzeê na dey: â¡Ndeê tub bis! âna dey. Nunu rbish ti dey nu tantaê gudzib dey. 27 Tees orzeê Jesuuz nam rab mi dey: â¡Briic der baloor! ¡Ya̱ nu ndeê! ¡Cueê dzib der! ânam. 28 Orzeê Bed nay rab yum: âShuaan de̱, zeê benu laab ru, orzeê bicy nu ya̱ gza̱ lo nis nu yapa̱ lor ânay. 29 Orzeê nam rab mi yu: âDa ânam. Orzeê Bed bruuy nañ barc, nunu brugyiê nu rzay lo nis zay par lom. 30 Tees ornu bduê cuen yu nu dzi druu bi, orzeê gudzib yu. Orzeê brugyiê rzez ti̱y lo nis. Orzeê brish tiy. Orzeê nay: â¡Shuaan de̱, bloo mbañ ya̱! ânay. 31 Orzeê lueg la Jesuuz bduê yaam yaay. Orzeê nam rab mi yu: â¡Dzi ga ñuu miê consuel ricy cup ru! ¿Lagu bicy cyup ic ru? ânam. 32 Na ornu guêy nañ barc nuy mi, orzeê lueg la guri bi. 33 Orzeê de yu nu yuê nañ barc zeê gusutib dey lo Jesuuz. Orzeê na dey rab yum: â¡Rishli gaal ru nac ru iêñ Ãgyoozh! âna dey. 34 Orzeê bded dey lo nisyudoo zeê. Orzeê bruêña dey lo de yu ni Genesaret. 35 Ornu de mbecy nu yuê lugaar zeê byuê lo dey Jesuuz, orzeê ptush las dey riidz par dela lugaar zeê. Orzeê za nu dey dela mbecy rat lom. 36 Orzeê mnishbaa dey lom nu zaan mi gal dey mas ñuu ruê shab mi. Orzeê dela yu nu gul yaa ruê shab mi byac dey.