San Mateo 22

1 Orzeê brugyiê gaê rnii Jesuuz nu riidz tiily lo dey tuubaê tir. Orzeê nam rab mi dey: 2 âMod nu rac nu gyel gubier ni Ãgyoozh, ndeê mod nu guc nu tub rey. Rey zeê bzu yey tub saê ni fandang par nu chelaa yu feñ niy. 3 Orzeê mniiy lo de moz niy nu chay cha teey de yu nu ca lo cuen nu cha fandang. Tees de yu nu ca lo cuen nu cha zeê, wangalagy dey ñgyay. 4 Orzeê bzeed yu reñaê moz nu chay. Orzeê mniiy lo dey: “Mnii lo de yu nu ca lo cuen nu cyid zeê nu bi bzu lilya̱ dela coz nu dow den. Nunu bi bicya̱ mandaar nu gut chigud gal nu de bañ nu bi bicy reêña̱. Delañ bi zu lily ñii nu cyid dey fandang”, nay. 5 Tees de yu nu ca lo cuen nu cha fandang zeê, wangyicy cuen dey. Tub yu zay lat naay. Zeê tuubaêy zay gyicy yu dalje̱z niy. 6 Zeê tub nacaê dey bduê yaa dey de moz ni rey zeê. Orzeê shiñ bicy nu dey yu gashtal biit la dey yu. 7 Orzeê tonaê la guzi lagy rey zeê. Orzeê bicy yu mandaar lo de soldad niy nu chay cut yu de mbecy nu biit moz niy zeê, nunu caay gyi ledz dey. 8 Gazeê nu bredz yu de moz niy. Orzeê nay: “Dela de coz bi zu lily ñii par fandang, tees de yu nu ca lo cuen nu ñgyiid, wangyap dey nu ñgyiid yu. 9 Orzeê na gua der de nez zu. Orzeê cuedz der cyu ziêl mbecy nu gyap ru nu cyid yu fandang”, nay. 10 Orzeê de moz zeê bruu dey zay de lat cay. Nunu bicy tublaazh dey ca na la de mbecy nu byap dey: tant mbecy a̱ê nap nunu tant mbecy nap. Orzeê bdzaa la nañ yuê zeê nu yuê mbecy lo fandang. 11 ‘Orzeê rey zeê guêy nañ yuê zeê nu bgüiiy lo dela mbecy nu bruêña zeê. Orzeê bduê cuen yu lo tub mbecy nu a̱ê zuy negy par fandang. 12 Orzeê na rey zeê rab yu mbecy zeê: “¿Lac guc guêr ii zeê a̱ê zur negy par fandang?” nay. Tees mbecy zeê rila waniiy. 13 Orzeê rey zeê nay rab yu de moz niy: “Pcyiigy der gyiêy nunu pcyiig der yaay. Nunu mneê der yu chay zeê nu cow, zeê nu gun yu nunu siigy lay yu”, nay. 14 Gun Ãgyoozh rbedz mi zigy mbecy tees ñuu zi mbecy pcuim âna Jesuuz. 15 Orzeê de mbecy fariseo ya dey, nunu orzeê psaap dey riidz ben lac mod gac gyicy dey nu gadzam nu riidz par nu cuê zi dey mi. 16 Orzeê bzuu nez dey la be de mbecy nu nac nu de mbecy fariseo nu la be gaê de mbecy ni Herodes nu cha nii dey lom. Orzeê na dey rab yum: âMasht, de̱ ya̱ rad lagy de̱ nu ru rniir coz rishli. Nunu ru wagyicy cuen ru de coz nu rnii mbecy, sinu rlyuur ni dey mod nu rlagy Ãgyoozh nu chuê dey, gun ru a̱ê nac ru mbecy nu rcui. 17 Orzeê mnii ñuu lo̱ de̱ mod nu ru rnii toor. ¿A gruu nap ñi nu griib den tiñ nu rbic dey ni yu nu riib ic de nasyoong, uti waruu nap ñi? âna dey. 18 Tees Jesuuz gud lagy mi nu nac dey mbecy rzi lagy. Orzeê nam: âMbecy rzuu lo, ¿lagu rzu der caa zeê lo̱? 19 Blyuu der tiñ nu cyish ru zeê lo̱ ânam. Orzeê gua nu dey tub tiñ plat lom. 20 Orzeê Jesuuz bdugyiêm lo dey: â¿Cyu nab ca lo tiñ ii nunu cyu nu la ca looñ? ânam. 21 Orzeê na dey: âLo César, yu nu riib ic de nasyoong, gal nu nu lay âna dey. Orzeê na gaê Jesuuz rab mi dey: âBenu ni, orzeê briic der ni César, yu nu riib ic zeê, de coz nu nac niy, nunu briicaê der ni Ãgyoozh de coz nu nac nim ânam. 22 Na ornu güeñ dey de riidz zeê, orzeê za nu la ic dey nunu zu ga lam gush nez dey yay. 23 Laab dzi zeê gua la be de mbecy saduceo gua güii dey Jesuuz. De mbecy saduceo rnii dey nu ornu gat mbecy, orzeê wagyabañaê dey. Ndeê nu bdugyiê dey lo Jesuuz. Orzeê na dey. 24 âMasht, Moisees mniiy nu benu tub mbecy gat yu, zeê gyiyeeñ mñaay, zeê sac la iêñ yu, orzeê gash bicy yu byud zeê, gun orzeê cuic yu mdoo ni byud zeê por cuen ni gyitoo bicy yu, na Moisees. 25 Na lat de ub na ii bzu gagy mbecy nuy bicy yu. Orzeê yu loga guud mñaay. Orzeê gut yu. Zeê mñaay wangaal lam mdoo. Orzeê byeeñ byud zeê lo yu nu gul loy. 26 Niê ziêl bzac yu zeê nu gut yu. Orzeê niê ziêl bzac yu chon nu gul loy. Orzeê niê ziêl bzac byud zeê nu zaê gagy la dey nuy bicy yu. 27 Na ornu blazh dela dey gut yu, orzeê niê ziêl biñ mñaa zeê gut mi. 28 Zeê na ornu shuub dzi nu gyabañ de mbecy gut zeê, orzeê ¿ca na de yu zeê lo gagy yu nuy bicy yu gac mñaa dey mi zeê? Gun dela dey pcyiiñ nuy mi âna dey. 29 Orzeê Jesuuz nam rab mi dey: âDe ru radza der, gun de ru wagyet lag der cuen de coz nu mniiñ lat de riidz ni Ãgyoozh. Ni wagad lagy der la na coz nu gac gyicy mi. 30 Ornu de mbecy nu bi gut gyabañ dey, orzeê wachelaa gaê dey, sinu orzeê chuê dey gal nu yuê de anc nu yuê gyibaa. 31 Zeê na ni nu gyabañ mbecy, ¿walab gaal wacsyaê der de riidz nu bzeeñ Ãgyoozh par de ru? Laab mi nam: 32 “Ya̱ naca̱ Ãgyoozh ni Abraham, naca̱ Ãgyoozh ni Isaac, nunu naca̱ Ãgyoozh ni Jacob.” ¡Gun Ãgyoozh a̱ê nac mi Ãgyoozh ni mbecy nu byaê lo la sinu nac mi Ãgyoozh ni mbecy nu mbañ mas bi gut yu! âna Jesuuz. 33 Na ornu güeñ de mbecy de riidz zeê, orzeê za nu la ic dey nu nac de coz nu blyuum. 34 Orzeê ornu gud lagy de mbecy fariseo nu psoow mi ruê de mbecy saduceo, orzeê byatublaazh dey. 35 Orzeê bruu su tub yu nu rlyuu leey ni Ãgyoozh nu bdugyiêy lom par nu shet lag yum nañ caa. Orzeê nay rab yum: 36 âMasht, ¿ca na leey ni Ãgyoozh nac ñii leey zub lo zir? ânay. 37 Orzeê na Jesuuz rab mi yu: â“Pca Shuaan ru, biñ nu nac Ãgyoozh nir, nu dutuub la lardoor, nu dela gyel mbañ nir, gal nu nu dela shcab nir." 38 Ndeê leey zub lo zir par deê zir leey. Ndeê leey nu gya zir zu. 39 Zeê leey cyup, ndeê nu “Pca der losaêr gal nu rcar ub ru.” Ndeê saap ñi leey loga zeê. 40 Orzeê lo cyup de leey zeê nac ñi cyong deê zir leey nu bzeeñ Moisees, gal nu deê zir de riidz nu bzeeñ de yu nu mnii por cuen ni Ãgyoozh ânam. 41 Lat nu gabee yuê tublaazh de mbecy fariseo, 42 orzeê na Jesuuz rab mi dey: â¿La ñuu shcab rash der nu nac Mesías, biñ nu ca lo cuen nu co mbañ mbecy? ¿Cyu nez nac mi? ânam. Orzeê na dey: âNez Dabi nac mi âna dey. 43 Orzeê na Jesuuz rab mi dey: âBenu ni, ¿lagu mnii Espiriit Yon ni Ãgyoozh lo Dabi nu mniiy nu nac mi Shuaan yu? Gun ub la Dabi nay: 44 Ãgyoozh nam rab mi Shuaana̱: “Gzub ru lugaar nu gzub mbecy nu gya zir zu par yaa be̱e̱ ii, gashtal gyicy la̱ nu gyicy ru gan de losaêr yuur”, na Ãgyoozh, na Dabi. 45 ‘Orzeê ¿walab gaal gac gruu Mesías, biñ nu ca lo cuen nu co mbañ mbecy lat nez Dabi, benu Dabi mniiy nu nac mi Shuaan yu? Gun bi guzañ naêñ gul Dabi anzir nu gal mi. Orzeê ¿walab gaal gac gruum lat nez yu? ânam. 46 Orzeê rila wangac tush cya dey ni tub riidz. Nunu nese laab dzi la zeê wancuicaê dey baloor nu ngugyiêy lom.