San Mateo 23

1 Gazeê nu Jesuuz nam rab mi de mbecy gal nu de yu nu rsyaê lom: 2 âDe yu nu rlyuu leey ni Ãgyoozh gal nu de mbecy fariseo zu dey riiñ nu rshaal dey lac yaruu leey nu bzeeñ Moisees. 3 Ndeê nu de ru rlagy ñi zuub gyidag der ni de coz nu rnii dey, tees cueê gyicy der mod nu ricy dey, gun coz nu rlyuu dey, ndeê walab mod nu ricy de ub yu. 4 Ndeê nañ gal nu na nu rzuub dey yuu ich mbecy gashtal wagagyee gaê la dey. Zeê de ub yu walagy yu gal yuñ ni nu tub mbiz yu par nu locyuub yu losaêy nu guy yuu zeê. 5 Dela coz nu ricy dey, tub lo ziêl ricy dey par nu gabe nu dzi rlyu dey. Yet lagy dey rcaay tub nac riidz ni Ãgyoozh cyugay nu ic chidz yu, nunu yet lagy dey gyicy tuñ zir yu shab yu par nu gabe nu nac dey mbecy da. 6 Yet lagy dey rzub yu lugaar nu gua de mbecy lily lat gasht, nunu yet lagy dey rzub yu lugaar nu gua de mbecy zub lo nañ yuê nu rsyaê de mbecy riidz ni Ãgyoozh. 7 Yet lagy dey ornu rca lagy de mbecy loy ornu rnii nu dey yu lat yagyiê. Nunu niê yet lagy dey ornu rnii de mbecy yu masht. 8 ‘Zeê de ru walagy ñi nu nii de mbecy nu nac der masht, gun dela de ru bicy ru losaêr nunu tub zi masht ni der zum. Ndeê ya̱ biñ nu blosu Ãgyoozh. 9 Nunu rila walagy ñi nii der nu uz ru ni tub la mbecy gyishlombecy ii, gun zu tub zi uz der. Ndeê Ãgyoozh, biñ nu zub gyibaa. 10 Nunu cueê shet ic der nu nii dey nu nac ru tub yu nu riib ic ni dey, gun tub zi ya̱, biñ nu ca lo cuen nu co mbañ mbecy naca̱ biñ riib ic de ru. 11 Mbecy nu ricy coz nu galagy ñi ni losaê, yu zeê yu nu gya zir zu lat de ru. 12 Gun cyu ziêl mbecy nu ricy zily ub, yu zeê gruu gyel mbecy niy. Zeê yu nu ricy gyel gyidz ni, yu zeê gyac yu mbecy nu gya zir zu. 13 ‘¡Cuaa de ru, mbecy nu rlyuu leey ni Ãgyoozh, gal nu de ru mbecy fariseo, gun nac der mbecy rzuu lo! De ru rsoow der roê nu chuê de mbecy lat de yu nu riib ic Ãgyoozh, gun orzeê wac chuê mbecy lugaar zeê. Gun ni de ub ru wayuêr lugaar zeê, ni wacsaan der nu chuê deê zir mbecy nu rlagy chuê lugaar zeê. 14 ‘¡Cuaa de ru mbecy nu rlyuu leey ni Ãgyoozh nu de ru mbecy fariseo, gun nac der mbecy rzuu lo! Nunu rboo der yuê de byud nu de gyel nap nim. Orzeê par nu rlagy der nu soow sur lo de coz a̱ê nap nu ricy ru, orzeê chi rnii nu der Ãgyoozh. Ndeê nu de ru cashtig ily zir gad ni der. 15 ‘¡Cuaa de ru mbecy nu rlyuu leey ni Ãgyoozh gal nu de ru mbecy fariseo, gun nac der mbecy rzuu lo! Tonaê la rboo lo der rded ru dutuub la lugaar par nu gyicy ru gan mas ñuu tub mbecy nu chetib ic leey ni der yu. Nunu ornu bi bicy der gan tub mbecy, orzeê ricy der nu dub gal nu na cashtig nu yad ñi nu gad ni der gabily, orzeê de yu zeê cyup tir ni na cashtig yad ñi nu gad ni dey. 16 ‘¡Cuaa de ru! Na der gal nu na mbecy lo caê. Zeê rlyuu der nez ni losaêr. De ru rniir: “Benu zat na yuê ni Ãgyoozh par nu gabe nu gyicy paa den nu riidz nu rniin, orzeê walagy ñi gyicy paan nu riidz zeê. Zeê benu zat den or nu yuê nañ yuê ni Ãgyoozh par nu gabe nu ricy paan nu riidz nu rniin, orzeê rlagy ñi gyicy paan”, rnii der. 17 ¡Der mbecy ton! ¡Mbecy lo caê! ¿Ca na nu ricy zir ñi presis: a yuê ni Ãgyoozh uti or nu taê nañ ñi? Gun yuê ni Ãgyoozh, ndeê ricy ñi nu or zeê nac ñii coz nim. Walab or zeê ricy ñi nu yuê zeê nac ñii yuê ni Ãgyoozh. 18 Nunu niê ziêl rnii de ru: “Benu tub mbecy zat yu mez nu zu zeê nu rcaa dey gyi bañcyug par nu gabe nu ricy paay nu riidz nu rniiy, orzeê walagy ñi gyicy paay nu riidz nu mniiy. Zeê benu zat yu bañcyug nu riib lo mez zeê, orzeê rlagy ñi nu gyicy paay”, rnii der. 19 ¡Mbecy lo caê! ¿Ca na coz ricy zir ñi presis: a mez uti bañcyug nu riib loñ? Gun mez zeê ricy ñi nu bañcyug nu riib loñ, ma zeê cyiiñ ma par Ãgyoozh. Tees walab bañcyug zeê gyicy ma nu cyiiñ mez zeê par Ãgyoozh. 20 Mbecy nu rzat mez zeê rzat yuñ par nu gabe nu gyicy yac yu riidz nu rniiy. Orzeê niê ziêl rzat yu bañcyug nu riib loñ. 21 Mbecy nu rzat yuê ni Ãgyoozh, walab tub lo ziêl yuê zeê rzat yu, sinu niê rzat yu Ãgyoozh, biñ nu zu nañ ñi. 22 Nunu mbecy nu rzat gyibaa walab tub lo ziêl gyibaa rzat yu, sinu niê rzat yu lugaar zeê nu riib ic Ãgyoozh, gal nu biñ nu zub lugaar zeê. 23 ‘¡Dzi ga cuaa de ru mbecy nu rlyuu leey ni Ãgyoozh gal nu de ru mbecy fariseo gun nac der mbecy rzuu lo! Dela coz nu ricy cup der, lo tii nac ñii, rbic der tub nac ñii ni Ãgyoozh: gashtal de gyish loow comid, de mushtily, de aniis, de comin rbic der nim. Tub nac gaañ lo tii nac ga de gyish miê zeê rbic der nim. Tees wagyicy cuen der de riidz nu ricy ñi presis nu ca lo leey. Wagyicy cuen der de riidz nu rniiñ nu chuên nu seêñ. Ni wagyicy cuen der de riidz nu rniiñ nu gashni lagy na losaên, nu de riidz nu rniiñ nu nap chuê den. Rlagy ñi gyicy yac der nu de riidz zeê, nunu cueê checa der nu gyicy ru deê zir coz nu bi ricy ru zeê. 24 Na der gal nu na lo caê nu rlyuu nez ni losaê. De ru rzeed der beêy miê nu ibel tees camey rab der dutuub la ma. 25 ‘¡Cuaa de ru mbecy nu rlyuu leey ni Ãgyoozh nu de ru mbecy fariseo! ¡Nac der mbecy rzuu lo! Na der gal na tub taz uti tub gyaên. Par ich ziêl ñi tonaê la nap rgyiib der. Zeê par nañ ñi dza la yuê coz nu bicy gubaan der, nu de coz nu ye rzac der lo. 26 ¡Mbecy fariseo lo caê! Rlagy ñi nu loga la cyib der par nañ taz zeê, nu gyaên zeê. Orzeê niê ziêl par ich ñi gac ñii coz caacy. 27 ‘¡Cuaa de ru mbecy nu rlyuu leey ni Ãgyoozh gal nu de ru mbecy fariseo! ¡Nac der mbecy rzuu lo! Na der gal nu na ruê baa ni añ nu dzi guzig par ich. Nap rabeeñ par ich ñi. Zeê par nañ ñi yuê rit nu beel guudz. 28 Niê ziêl par lo de mbecy, rlyu nu nac der mbecy nap, zeê nañ lardoo der nac ru mbecy rzuu lo, nunu nac der mbecy nu ricy de lo la cyi. 29 ‘¡Cuaa de ru, mbecy nu rlyuu leey ni Ãgyoozh gal nu de ru mbecy fariseo! ¡Nac der mbecy rzuu lo! Nap ricy nap der ruê baa ni de yu nu mnii por cuen ni Ãgyoozh, nu ruê baa ni de yu nu guc mbecy nap par nu gabe nu rca lagy der lo dey. 30 Orzeê rnii der: “Bi bicy na nu de ub na ñcyiiñ na tiem nu guê de gyitoo bel nin, orzeê de ub na waric yaan ornu biit dey de yu nu mnii por cuen ni Ãgyoozh”, rnii der. 31 Nu nac de riidz nu rnii der zeê, ndeê rabee nu rad lagy der nu nac ru nez de yu nu biit de yu nu mnii por cuen ni Ãgyoozh. 32 Benu ni, orzeê de ru bzaê lo la der laz nu bzuub de gyitoo bel ni der gyiê zeê. 33 ‘Na der gal na bily. Na der gal na nez bily. ¿Lagu rnii too der nu glar lo cashtig nu cuic Ãgyoozh? Cashtig zeê, ndeê gabily. 34 Ndeê nu ya̱ zeeda̱ mbecy nu nii por cuen ni Ãgyoozh, nunu zeeda̱ mbecy nu rad lagy, nunu zeeda̱ mbecy nu lyuu ni der. Tees yuê nu cut der dey. Yuê gaê nu caa der yu lo cruuz. Yuê gaê nu gaaz der yu nañ yuê nu rsyaê der riidz ni Ãgyoozh. Nunu yuê gaê nu gzab der ich yu gazaê gyedz la. 35 Ndeê nu too de ru gzeed Ãgyoozh dela cashtig gyiê nu biit dey de mbecy nap zeê: nese nu biit dey Abeel gashtal nu biit dey Zacarí, iêñ Berequías, yu nu biit der loliê ni yuê ni Ãgyoozh par gazel ni mez nu rcuaa der gun lom nu yuê yon nim. 36 Ya̱ rishli rne̱e̱ lo der nu dela cashtig nu nac nu gut de mbecy nap zeê dugyiñ gazaê de ru, mbecy nu yuê tiem na ânamâ. 37 ‘¡A̱ der mbecy Jerusaleeng! Rut der de yu nu rnii por cuen ni Ãgyoozh. Nunu rgoow gyitaê der de yu nu rzeed Ãgyoozh lat der. Zañ tir ngulagya̱ ñgyicy tublaazha̱ der gal nu ricy tub gyid ornu ricy tublaazh ma dzich ni ma nañ loweê ma. Tees de ru wangalagy der. 38 Na ledz der gyiyeeñ ub ziñ. 39 Gun ya̱ rne̱e̱ lo der nu nese na la wazacaê la der ya̱ gashtal shuub la dzi ornu nii der: “Dzi ga zily nac biñ nu bzuu nez Ãgyoozh, Shuaan na, biñ nu cyid lo den”, nii der âna Jesuuz.