San Mateo 7

1 ‘Cueê nii der nu yuê falt ni losaêr gun orzeê Ãgyoozh waniim nu yuê falt ni der. 2 Gun mod nu gyicy der nu losaêr, laabaê mod zeê gyicy Ãgyoozh num de ru. Nunu laabaê beey nu tush pee der ni losaêr, laabaê beey zeê tush pee Ãgyoozh ni de ru. 3 De ru na der gal nu na mbecy nu rguê cuen toop miê nu ri urlo losaê. Zeê yabicy nu ri urlo ub ru, ndeê wagyicy cuen der ñii. 4 Zeê benu ru ri tub yabicy urlor, orzeê ¿lagu rnii gaêr lo losaêr: “Doo urlor gun lo̱o̱ toop miê zeê”, rnii gaê der? 5 ¡A mbecy rzuu lo! Bloo yabicy ily nu ri urlor loga la, gun orzeê nap zir zac ru toop miê nu ri urlo losaêr. 6 ‘Yuê mbecy nu na dey gal nu na che̱ê. Cueê cuic der coz nap ni Ãgyoozh ni che̱ê nis cush cya ma shet ruê ma der. Yuê gaê mbecy na dey gal nu na cuch. Orzeê cueê cuic der de coz nu dzi sac nir ni cuch gun nis tab yu ma ñii. 7 ‘Bdiiñ der lo Ãgyoozh, gun Ãgyoozh cuic mi de coz nu cyiñ der. Byub der ñii gun orzeê gad ñi ni der. Mnii nu der mi, gun orzeê shaal mi roê ni der. 8 Gun cyu ziêl mbecy nu rgyiiñ, gad ñi niy. Cyu ziêl mbecy nu ryub, gyad yuñ. Nunu cyu ziêl mbecy nu rnii num, shaal mi roê niy. 9 ‘¿Walab gaal grusu tub mbecy lat der nu cuic yu tub gyitaê ni iêñ yu ornu rgyiiñ yu tub gyishtily loy? 10 ¿O walab gaal cuic yu tub bily ni iêñ yu ornu rgyiiñ yu tub bel loy? 11 Gunca de ru nac der mbecy a̱ê nap rad lagy der lac mod rbic ru coz nap ni iêñ ru, zeê yegar Ãgyoozh, uz den, biñ nu zub gyibaa wabicy mi coz nap ni de yu nu rgyiiñ lom. 12 ‘Ndeê nu i mod bicy der: Gal mod nu rlagy ub der nu gyicy nu mbecy ru, orzeê niê ziêl mod bicy nu der dey. Gun ndeê mod nu yaruu leey nu bzeeñ Moisees nu de riidz nu bzeeñ de yu nu mnii por cuen ni Ãgyoozh. 13 ‘Guê der gyeroê nu shii. Gun roê nu gash de mbecy nez nu gyay par gabily, ndeê tub roê she nunu ndeê tub nez zu. Nunu zigy dey gash yu nez zeê. 14 Tees roê nu gash mbecy nez nu gyay zeê nu cui mbañ yu, ndeê tub roê shii nunu tub nez las. Nunu ñuu zi dey gyap yuñ ânamâ. 15 ‘Bzu der cuidad nu de mbecy rguu, de yu nu ricy nu rnii por cuen ni Ãgyoozh. De yu zeê ruêña dey lat der. Rlyu nu na dey gal nu na tub shily mazh. Tees nañ lardoo dey nañ gal nu na tub lob dañ. 16 De ru gac gyuê lo der dey nu nac de coz nu ricy yu. Gun tub ya gyech wac cuic ñi urbyay. Niê tub ya gyech wac cuic ñi urlas mni. 17 Tees tub yag benu nap nañ, orzeê rbic ñi uugy nap. Zeê tuubaê yag a̱ê nap na, ndeê rbic ñi uugy wacyiiñ. 18 Yag nu nap na zeê rila wac cuic ñi uugy nu wacyiiñ. Zeê yag a̱ê nap na zeê, rila wac cuic ñi uugy nap. 19 Dela yag nu wacuic uugy nap gyiêñ ñi, nunu chañ lo gyi. 20 Ndeê nu de ru gyuê lo der de mbecy rguu zeê nu nac mod nu ricy dey. 21 ‘Walab dela mbecy nu nii lo̱: “Shuaana̱, Shuaana̱”, rniiy, walab dela de yu zeê gzac dey lo gyel gubier ni Ãgyoozh, sinu tub zi la de yu nu ricy ziêl coz nu rlagy Ãgyoozh, uz den, biñ nu zub gyibaa. 22 Ornu shuub dzi nu ri bee Ãgyoozh ni dela mbecy, orzeê zigy mbecy niiy lo̱: “Shuaana̱, Shuaana̱, de̱ ya̱ pshaal de̱ riidz ni Ãgyoozh nu nac rishbeey nir. Nunu nu nac rishbeey nir bloo chu̱ de̱ zañ nuras. Nunu nu nac rishbeey nir bicy de̱ zañ nusuriidz”, gnii dey. 23 Tees ya̱ gne̱e̱ lo dey: “Rila a̱ê yuê lo̱ de ru. Bruu chu der lo̱ ii, de ru mbecy shiñ ricy”, gne̱e̱ ânamâ. 24 ‘Orzeê na, dela de mbecy nu rzuub gyidag de riidz nu rne̱e̱ nunu ricy yu gal nu rne̱e̱, de yu zeê nac yu mbecy nu yuê shcab ni. Nay gal nu na tub mbecy nu bzaa tub yuê. Gush yu semient niñ nu gyitaê. 25 Orzeê bet gyey. Nunu bri nis yu. Nunu bded tub gyey bi ily. Nunu bdugyiñ ich yuê zeê tees wangyet lag ñi, gun lo gyitaê zub ñi. 26 Tees dela de yu nu rzuub gyidag de riidz nu rne̱e̱, zeê wagyicy yu gal nu rne̱e̱, de yu zeê nay gal nu na tub mbecy nu sac shcab ni nu bzaay yuêy lo yu uzh. 27 Orzeê bet gyey. Nunu bri nis yu. Nunu bded tub gyey bi ily. Bdugyiñ ich yuê zeê. Orzeê bduê chuêñ yuê zeê. Nunu coz ily guc ânam. 28 Ornu blazh mnii Jesuuz de coz zeê, orzeê de mbecy tonaê la za nu ic dey nu nac de coz nu blyuum ni dey. 29 Gun blyuum ni dey gal nu rlyuu tub mbecy nu ricy cup rishbeey, walab gal nu na coz nu rlyuu de mbecy nu rlyuu leey ni Moisees.