San Mateo 8

1 Ornu Jesuuz bet mi nu bruum logyiê, orzeê tonaê la mbecy zigy gua ca dey ich mi. 2 Orzeê bruêña tub mbecy nu taê gyedz nu la lepra lom. Orzeê gusu tib yu lom. Orzeê nay rab yum: âJesuuz, benu rlagy ru, orzeê gac gyicy yac ru ya̱ ni güii ne̱ ânay. 3 Orzeê Jesuuz gul yaam yu. Orzeê nam rab mi yu: âRlagya̱. Na byac ru ânam rab mi yu. Orzeê lueg la byac yu. 4 Orzeê na gaê Jesuuz rab mi yu: âNa ne̱e̱ lor nu cueê la niir lo ni tub la mbecy, sinu gua lo uz nu cha lyuur ub ru loy. Orzeê cuic ru gun nir nu rniiñ lo leey ni Moisees par nu gad lagy dela mbecy nu bi byac ru ni güii nir ânam. 5 Ornu Jesuuz guêm ruê gyedz Capernaum, orzeê bruêña tub yu nu riib ic tub gaynal soldad lom. Orzeê bdiiñ yu tub faboor lom. 6 Orzeê nay: âJesuuz, ya̱ zu tub moz ne̱ yu̱ê mbish rat yu. Na byac yu mbecy chi̱ nunu dzi rzac yu ânay. 7 Orzeê Jesuuz nam rab mi yu: âYa̱ cha̱ nu gyicy yaca̱ yu ânam. 8 Orzeê na gaê yu nu riib ic zeê: âRila wangyapa̱ nu char yu̱ê, nomaas benu nii ziêl ru nu gyac moz ne̱, orzeê gyac yu. 9 Gun niê ya̱ ricya̱ de coz nu rnii de yu nu gya zir zu par ya̱. Nunu niê yuê gaê soldad nu gash zir zu par ya̱ nu ricy yu de coz nu rne̱e̱. Ornu rne̱e̱ lo tub yu nu “Char re”, ne̱e̱, orzeê rzay. Zeê tuubay, ornu dredza̱ yu nu cyid yu, orzeê ryiid yu. Nunu ornu rca̱a̱ moz ne̱ nu gyicy yu la coz, orzeê ricy yuñ ânay. 10 Ornu güeñ Jesuuz de riidz zeê, orzeê tonaê la za nu ic mi. Orzeê nam rab mi de yu nu za ca ich mi: âYa̱ rishli rne̱e̱ lo der nu lat de mbecy Israeel rila nigul gyapa̱ ni tub la mbecy nu ricy cup consuel lo̱ gal nu na consuel nu ricy cup yu ii ânamâ. 11 Ya̱ rne̱e̱ lo der nu dub yub la gyishlombecy gruu mbecy nu gzub dey goy gyit tublaazh la nu Abraham, nu Isaac gal nu Jacob lugaar zeê nu riib ic Ãgyoozh. 12 Tees de yu nu rlyu nu gya cyiiñ lo Ãgyoozh, de yu zeê duneê dey zeê nu cow, zeê nu chuê mbecy nu gun yu nunu nu siigy lay yu ânam. 13 Orzeê Jesuuz nam rab mi yu nu riib ic zeê: âYaa la yuêr, gun gac ñii gal nu ru mnii toor ânam. Orzeê laab or la zeê byac moz ni yu nu riib ic zeê. 14 Orzeê Jesuuz guam yuê Bed. Orzeê zeê bzaac mi ñaa gud yu riib rat mi. Pcaañ zig nim. 15 Orzeê Jesuuz bduê yaam yaa biñ rat zeê. Orzeê lueg la bruu zig mi. Orzeê wesh tem brugyiê rzu bich mi nu nac dey. 16 Na ornu bi yecheñ, orzeê de mbecy bruêña nu dey zigy mbecy nu bicy ni nuras lo Jesuuz. Orzeê bloo chum de nuras zeê nu tub zi riidz nim. Nunu bicy yac mi zañ de mbecy rat. 17 Ni guuc ñi par nu gyuê ni de riidz nu pcaa Isaías, tub yu nu mnii por cuen ni Ãgyoozh ornu bzat yu Mesías ornu mniiy: “Mi zeê co chum de güii gyidz nu yuê nañ cuerp nin, nunu gyicy yac mi de ub na ni de güii.” Ni pcaa Isaías. 18 Ornu bzaac Jesuuz nu dzi bdeê mbecy lom, orzeê mniim lo de yu rsyaê lom nu cha dey tub laê gaê ruê nisyudoo. 19 Orzeê bruêña tub yu nu rlyuu leey ni Ãgyoozh. Orzeê nay: âMasht, ya̱ bi zu lilya̱ nu cha du̱ ru ca ziêl zeê nu char ânay. 20 Orzeê na Jesuuz rab mi yu: âDe bez ricy cup ma blyuu ni ma. Zeê de chigyiñ ricy cup ma teez ma. Tees ya̱, biñ nu byac mbecy, a̱ê ricy cupa̱ ni tub lugaar miê par nu gabisha̱ zu lagya̱ ânam. 21 Orzeê bruêña tuubaê yu nu rsyaê lom. Orzeê nay rab yum: âJesuuz, ¿a wazaan ru nu leza̱ gashtal gat uza̱? Orzeê cacha̱ yu ânay. 22 Orzeê na Jesuuz rab mi yu: âNa la da ca icha̱. Bzaan ndeê par de mbecy nu na gal na mbecy gut nu cach dey losaê gut yu ânam. 23 Orzeê Jesuuz guêm nañ barc nu de yu nu rsyaê lom. 24 Orzeê lat nu za dey zeê, sij la bruêña tub gyey bi ily lo nisyudoo, nunu tonaê la coz ily bicy gyey bi zeê. Orzeê de nguuly lo nisyudoo psoow lañ barc. Zeê Jesuuz mbish mi nas mi nañ barc zeê. 25 Orzeê de yu nu rsyaê lom pcueeñ dey mi. Orzeê na dey rab yum: â¡Shuaan de̱, bloo mbañ den! Gun bi rnit lo den lo nis âna dey. 26 Orzeê Jesuuz nam rab mi dey: â¿Lagu dzi rdzib der? ¡Dzi ga ñuu miê consuel ricy cup der lo̱! ânam. Orzeê wesh tem mniim lo bi nu lo nisyudoo nu gariñ. Orzeê rup laañ gucañ. Se ri zu la byac. 27 Orzeê za nu la ic dey. Orzeê na dey rab yu losaêy: â¿Zeê cyuê mbecy nac mi ii? Gashtal bi nu nisyudoo rzuub gyidag ñi nim âna dey. 28 Ornu Jesuuz bruêñam tub laê gaê ruê nisyudoo, orzeê bruum nañ barc par lo yu ni Gadara. Orzeê bruêña cyup mbecy nu bruu nañ de blyuu nu rcach dey añ lom. De yu zeê yu nu bicy ni nuras. Nunu raloc dey. Ni tub la mbecy wagac ded dey nez nu rded cyup de yu zeê par nu dzi tañ dey. 29 Orzeê brugyiê rbish ti dey: â¿La ryub ru yad ru lo̱ ii Jesuuz iêñ Ãgyoozh? ¿A yad ru nu ted zir de̱ ya̱ anzir nu shuub tiem? âna nuras. 30 Na sñuu miiñ par lo rded row tub nac cuch zigy. 31 Orzeê de nuras mnishbaa dey lo Jesuuz. Orzeê na dey: âZeê benu co chur de̱ ya̱, bzaan nu chuê de̱ nañ de cuch re âna dey. 32 Orzeê Jesuuz nam rab mi dey: âGua der ânam. Orzeê de nuras zeê gua dey guêy nañ de cuch zigy zeê. Laab or la zeê dela de cuch zigy zeê rzab la de ma carer bzu tiily ma par gyoow. Orzeê bet lag de ma lo nisyudoo. Orzeê gut de ma lo nis. 33 Orzeê de yu nu rña de cuch zeê gush dey carer yay par lat gyedz. Orzeê brugyiê ryoo dey riidz de coz nu guc nu de mbecy nu bicy ni nuras zeê. 34 Orzeê dela de mbecy nu yuê gyedz zeê bruu dey zay lo Jesuuz. Na ornu bzaac dey mi, orzeê mnishbaa dey lom nu gruum ledz dey.