Apocalipsis 21

1 Orzeê gazeê nu bzaaca̱ gyibaa cub nu gyishlombecy cub. Orzeê mnit gyibaa nu psaê lagy Ãgyoozh nu loga la, nunu mnitaê gyishlombecy nu psaê lagy mi nu loga la. Nunu sacaê nisyudoo. 2 Orzeê bzaaca̱ gyedz ni Ãgyoozh. Gyedz zeê lañ Jerusaleeng cub. Orzeê bzaaca̱ ñii bruuñ lo Ãgyoozh gyibaa bet ñi. Bi zu lily ñii gal nu zu lily tub nob mñaa nu chelaam ñgyeem. 3 Orzeê güeña̱ nu ye la zaab tiê rnii. Tiê zeê bruuñ zeê nu riib ic Ãgyoozh. Orzeê nay: âNa Ãgyoozh bi rcyiiñ mi lat de mbecy. Nunu cyiiñ num dey par lo. Nunu de yu zeê gac dey mbecy nim. Nunu laab Ãgyoozh gac num dey. Nunu mi zeê gac mi Ãgyoozh ni dey. 4 Orzeê mi zeê cyib mi nis urlo dey. Orzeê de yu zeê rila wataêy, ni wayicy shni gaê dey, ni wunaê dey, ni wagatowaê ni dey. Gun dela coz nu guê gulas bi bded niñ ânay. 5 Orzeê biñ nu riib ic lo yashily zeê nam: âNa gyicy cuba̱ dela coz ânam. Orzeê na gaêm rab mi ya̱: âPcaa de riidz ii, gun nii riidz rishli, riidz nu gac gyicy cup ru consuel lo ânam. 6 Orzeê mnii gaêm lo̱. Orzeê nam: âBi byaê loñ. Ya̱ naca̱ A, nunu naca̱ zeta. Naca̱ biñ nu nil zu nese nu loga la. Nunu naca̱ biñ nu nil zu ornu gyaê loñ. Orzeê benu ca na mbecy rbigy yu nis, orzeê ya̱ leew la rica̱ nis goêy. Rica̱ nis nu druu zeê nu driib nis nu cuic gyel mbañ goêy. 7 Cyu ziêl mbecy nu gyicy gan, orzeê rica̱ de nis zeê goêy. Orzeê ya̱ gaca̱ Ãgyoozh ni dey, nunu de yu zeê gac yu iêña̱. 8 Tees deê zir mbecy dugyi dey nu chay reñaê seê. De mbecy dzidz, de mbecy nu wacheña lagy, de mbecy nu shiñ ricy, de mbecy nu rut losaê, de mbecy nu ricy gyel che̱ê, de mbecy nu ricy fis gyel tuê, de mbecy nu driib zily nab, dela de yu nu rguu, dela de yu zeê dugyi dey nu chay lo gyel nu rca gyi nu asufre. Ndeê nu gat dey nu cyupaê. 9 Orzeê gagy anc zu yaay gagy taz ni cashtig. Laab ndeê la cashtig nu blazh. Orzeê lat de yu zeê bruu tub yu biid yu lo̱. Orzeê nay rab yu ya̱: âDa. Orzeê lyu̱u̱ nob lor. Mi zeê biñ nu gac mñaa biñ nu nac Shily ânay. 10 Orzeê pcaal mniiñ lo̱ nu nac Espiriit Yon ni Ãgyoozh. Orzeê mniiñ nu gua nu tub anc ya̱ too tub bicy nu gya. Orzeê blyuuy gyedz Jerusaleeng lo̱. Ndeê gyedz ni Ãgyoozh nu bruu gal lom gyibaa bet ñi. 11 Orzeê gyedz zeê tonaê la cyit zu. Ryal rabeeñ nu nac gyel lily ni Ãgyoozh. Ryal rabeeñ gal nu rabee tub gyitaê nu dzi gya sac, gal nu rabee gyitaê nu la jaspe. Orzeê rabee loñ gal nu rabee tub gyitaê nu rdugyi yaa lo. 12 Zu tub loê gya dub yub la ruê gyedz zeê. Orzeê loê zeê ricy cup ñi trocyup roê. Zeê yuê trocyup anc. Tub gay riib ic yu tub ga roê. Orzeê lo de ya roê zeê ca nu la de trocyup nac nez de mbecy Israeel. 13 Orzeê tub laê ga cuit ñi ca chon roê. Par zeê nu driib doo ca chon roê. Na ornu güiin par zeê nu rza doo, ca gaê chon roê. Na par yaa reg na ca gaê chon roê. Na par yaa been, ca gaê chon roê. Orzeê tub laê ga cuit ñi ca chon roê. 14 Orzeê loê zeê zub ñi too trocyup gyitaê ily. Zeê lo de gyitaê zeê ca nu la de trocyup aposht ni biñ nu nac Shily. 15 Orzeê anc nu mnii lo̱ nuuy tub ya beey or par nu tush peey gyedz zeê, nu roê niñ, gal nu loê niñ. 16 Orzeê gyedz zeê cuadrad riñ. Nu she nu nu tuñ tub ziêl nañ. Orzeê anc zeê ptush peey gyedz zeê nu ya beey niy. Orzeê ndeê yuêñ cyup miily zub cyup gaynal kilometros nu tuñ. Ndeê nu tuñ ñi. Nu tuñ, nu gyañ, nu nu sheñ tub ziêl beey yuêñ. 17 Orzeê anc zeê brugyiê nu rtush peey loê niñ. Orzeê ndeê gayon zub gaay metr nu gya, dub gal nu na ya beey nu bicy nuy riiñ. Nunu ya beey zeê ricy ñi mod nu ricy ya beey ni cualcyer la mbecy. 18 Orzeê loê zeê byaañ nu tub lo gyitaê nu la jaspe. Nunu gyedz zeê byaañ nu du ub or la. Nunu rabeeñ gal nu rabee guan nu nap byecy lo. 19 Orzeê de simient ni loê zeê, ndeê bdudiiñ nu gyitaê nu dzi gya sac. Orzeê gyitaê loga la ni simient zeê, ndeê tub gyitaê nu la jaspe. Zeê gyitaê cyup, ndeê tub gyitaê nu la zafiro. Zeê gyitaê chon, ndeê tub gyitaê nu la ágata. Zeê gyitaê tap, ndeê tub gyitaê nu la esmeralda. 20 Zeê gyitaê gay, ndeê nu la ónice. Zeê gyitaê shup, ndeê tub gyitaê nu la cornalina. Zeê gyitaê gagy, ndeê tub gyitaê nu la crisólito. Zeê gyitaê shuñ, ndeê tub gyitaê nu la berilo. Zeê gyitaê ga, ndeê tub gyitaê nu la topacio. Zeê gyitaê ti, ndeê tub gyitaê nu la crisoprasa. Zeê gyitaê trotub, ndeê tub gyitaê nu la jacinto. Zeê gyitaê trocyup, ndeê tub gyitaê nu la amatista. 21 Orzeê lo trocyup roê zeê, orzeê tub ga roê byaañ nu tub urndub nu dzi ñgyup sac. Orzeê de cay nu nguaa lat gyedz zeê, byaañ nu ga ub or la. Rabeeñ gal nu rabee guan nu nap byecy lo. Ni rabeeñ. 22 Na ya̱ wansaca̱ ni tub yuê wedz lat gyedz zeê. Gun Ãgyoozh Shuaan den, biñ nu gac gyicy dela coz, nunu biñ nu nac Shily, de mi zeê nac mi yuê wedz ni gyedz zeê. 23 Orzeê gyedz zeê walagy ñi yaa ni doo ni yaa ni beey, gun gyel lily ni Ãgyoozh, ndeê rbic ñi yaa. Nunu biñ nu nac Shily zeê, mi zeê nam gal nu na candiil ni gyedz zeê. 24 Orzeê dela mbecy nu yuê gyishlombecy chesa dey nu nac yaa ni gyedz zeê. Nunu de rey nu yuê gyishlombecy cha zeeñ dey gyel nap niy gyedz zeê. 25 Orzeê de roê zeê naal ñi dub dzii la. Ni wasoowaê dey ñi gun sacaê rel. 26 Orzeê cha zeeñ de mbecy nu yuê gyishlombecy dela gyel nap niy nu dela coz cyit na niy gyedz zeê. 27 Orzeê ni tub coz a̱ê nap wac chuêñ lat gyedz zeê. Ni mbecy nu shiñ ricy, ni mbecy nu rguu wac chuêy lat gyedz zeê. Tub zi la de yu nu bi ca nu la lo libr ni biñ nu nac Shily, lo libr nu taê nu la de mbecy nu gruu mbañ, tub zi la de yu zeê gac chuêy gyedz zeê.