0006 1Cl 6

1Cl 6:1 Τουτοις τοις ανδρασιν οσιως πολιτευσαμενοις συνηθροισθη πολυ πληθος εκλεκτων, οιτινες πολλαις αικιαις και βασανοις δια ζηλος παθοντες υποδειγμα καλλιστον εγενοντο εν ημιν.

1Cl 6:2 δια ζηλος διωχθεισαι γυναικες Δαναιδες και Διρκαι, αικισματα δεινα και ανοσια παθουσαι, επι τον της πιστεως βεβαιον δρομον κατηντησαν και ελαβον γερας γενναιον αι ασθενεις τω σωματι.

1Cl 6:3 ζηλος απηλλοτριωσεν γαμετας ανδρων και ηλλοιωσεν το ρηθεν υπο του πατρος ημων Αδαμ: Τουτο νυν οστουν εκ των οστεων μου και σαρξ εκ της σαρκος μου.

1Cl 6:4 ζηλος και ερις πολεις μεγαλας κατεστρεψεν και εθνη μεγαλα εξεριζωσεν.