Gálatas 4

1 Iya’ cacua: Ƚahuac’hua ai’a titoj’ma aimepi’inyacu Æi’huexi. Tama ticuxe’ma jahuay li’hueca qui’ailli’, Æahuac’hua ai’a titoj’ma ti’onÆcospa to Æajmozo. 2 Timana’ no’epá cuenna Æahuac’hua. IÆne ticuxe’me Æahuac’hua, jouc’a ticuxe’me Æi’huexi. ToÆta’a loyaicoya ma mi’huaijma ticuaiyunni litine tepi’im’me quimane ticuxeÆa’, tepenuf’ma Æi’huexi. Qui’ailli’ joupa ixpic’epa te quitine mi’iya toÆta’a. 3 Ma’ anuli toÆta’a li’ipola’ lan xanuc’ ai’a ticuaihuo Cristo fa’a li’a Æamats’. Ai’a ticuaihuo Cristo ȽanDios aÆsimponga’ to la’uhuay. AÆcuxenga’, aÆsc’ai’inga’: “To’etsi iÆta’a”, o “To’eÆa’ iÆiya”. Lanant’Æiyi ma to mi’enni fa’a li’a Æamats’. 4 Liximpa ȽanDios ixhuaita al ‘hora, ummepa Æi’Hua, ticuaiyunni fa’a li’a Æamats’. Ma to mimajnlita la’uhuay toÆta’a lipajnta iÆque. Anuli Æaca’no’ nipo’nopa. Ipajnta ajudío. Li’aillí tihuejcoyi locuxepa ȽanDios, iÆque jouc’a. 5 ToÆta’a li’ipa ti’najcuftsola’ liÆjunac’ jahuay lan xanuc’ naihuejpá locuxepa ȽanDios. TijouÆa’ ȽanDios ti’i’ma limetsaico’monga’ inaxque’, lapi’i’monga’ caÆ‘huexi. 6 Imanc’ ma’ anuli imetsaicopolhuo’ inaxque’. ToÆiya jiÆpe Æolunxajma’ tipa’a cal Espíritu Santo, iÆque Æi’Espíritu Æi’Hua ȽanDios. ToÆta’a aÆmiyi: “Ima’ mai’Ailli’”. 7 Ja’ni joupa omepenufpa cal Espíritu, ima’ a’i cumâmozo. Ima’ i’hua CanDios. Ja’ni ima’ i’hua tipa’a Æo’huexi Æapi’iyaco’. ToÆta’a lixpic’epa, lo’epa ȽanDios. 8 Li’ipa aimolimetsaicoyi ȽanDios. Imanc’ tolihuejyi iÆne landiosla’. Toluyalaicoyi to iÆmozó iÆniya. IÆne tama tecui’innila’ “andiosla’”, ailopa’a quiÆpitine. 9 Itsiya tolimetsaicoyi ȽanDios. Xonca cacua: ȽanDios timetsaicolhuo’ imanc’. Itsiya, ¿te coÆpai’icopa loÆpicuejma’? ¿Te coÆ‘econapoÆtsi to lam mozó? ¿Te coÆfi’ecopoltsi lataiqui’ locuxepolhuo’? ¿Te colananÆcopa to mi’enni fa’a li’a Æamats’? JiÆpe ailopa’a cotoc’iyacolhuo’. Joupa oÆsina’ pe copa’a al C’a Cane. 10 TonÆeyi ocuena cane. Tolimetsaicoyi Æitiné, lam mut’Æá, cal juicoÆ jouc’a Æamáts’. TonÆ‘eyi cuenna iÆna’a, tolanant’Æiyi. 11 Iya’ caxhueÆma. Acueca’ canic’ ai’epa pe loÆmana’. Itsiya cacua: Aga ailopa’a quipammaic’. 12 Unc’aipimaye, caxa’huelhuo’, camilhuo’: Imanc’ toÆ‘e’etsoÆtsi to iya’. Iya’ joupa aipai’ipa lai’ejma’. Itsiya aicainihuequi liÆ‘ejma’ lan xanuc’ judío. Xonca quihuequi loÆ‘ejma’ imanc’. Imanc’ ailopa’a caÆ‘e’epa. Joupa oÆsina’ laÆ‘ipa jiÆpe pe loÆmana’. IÆe al te’a laitsehuo’ma laicuaita jiÆpe iya’ laxtafpa. ToÆiya aipanemma, nu’i’molhuo’ Lataiqui’. 14 Ƚinca iÆniya Æitiné ȽanDios ehuaipolhuo’. Tama laxtafpa aicalatets’i. AicaÆ‘aic’ laic’. Ac’a juaiconapa alapenufpa, tocomma napaluc quema’a alummepa ȽanDios. ToÆta’a tolapenuf’me Jesucristo. 15 Itsiya, ¿te qui’ipolhuo’? IÆniya Æitiné tixoqui cunlata alapenuf’ma. Iya’ ti’hua ca’nujuaitsilhuo’ imanc’ loÆ‘ejma’. Juaiconapa aÆsimpa cuanuc’. Tocomma toÆcuayi: “CoÆa’ lipa’a’mola’ laÆ‘u’, lapi’i’me Pablo”. 16 Itsiya joupa oÆpai’ipoÆtsi loÆpicuejma’. AÆ‘e’e laic’. Ma le’a nu’ipolhuo’ al Æinca, lijoupa aÆ‘epa laic’. 17 Ƚinca timana’ jiÆpe nehuepá coÆa’ tonÆejmaleÆe anuli. IÆne a’ijc’a liÆpicuejma’. Ma le’a iÆpic’a tenajtsolhuo’. 18 IÆpic’a tolihuejtsola’ ma iÆniya. Ƚinca ja’ni al c’a timuc’i’molhuo’, iya’ cacua: Ne’, tolihuejtsola’. Cacua: CoÆa’ timuc’itsolhuo’ al c’a. Ti’hua timuc’iconatsolhuo’ toÆta’a. CoÆa’ a’i ma le’a capa’a iya’. 19 Unc’ainaxque’, acueca’ aiteÆco’ma jiÆpe pe loÆmana’. Ma cateÆma cacua: “Tepenufle iÆe al ts’e liÆpitine”. Ma toÆta’a li’ipolhuo’. Itsiya cateÆcocojma. CaxhueÆma, cacua: “IÆne laipimaye lun Galacia joupa epenufpá Cristo. Itsiya tocomma a’ij Æinca iÆe li’ipola’. CoÆa’ aÆmuc’iconÆa’ acuajmaica iÆne aÆinca epenufpá iÆque Cristo. TijouÆa’ aicaxhueÆcoconaya toÆta’a." 20 Cacua: CoÆa’ jiÆpe caifpa’a. CoÆa’ capalaic’ocona’molhuo’ ituca’, a’i to itsiya. Itsiya Æinca caxhueÆma. Aimi’iya caxingufyacolhuo’ loÆpicuejma’. 21 Imanc’ noÆnespá: “AÆcuxetsonga’ lataiqui’ liniÆpa Moisés. AÆpic’a.” Iya’ quicuis’e’molhuo’ imanc’: ¿Te coÆcueca iÆe lataiqui’? ¿Te oÆsina’ loya’apa? Tocomma aicoÆsina’. 22 IÆe liniÆpa Moisés tinescojma li’ipa Abraham. Timana’ oquexi’ linaxque’. Anuli iÆne qui’máma’ acriada. Tipa’a Æipoujna caca’no’. Aimicuxeyoxi quituca’. Ƚocuena Æi’hua qui’máma’ apoujna, iÆque ipeno Abraham. 23 Ƚapoujna caca’no’ ma le’a ȽanDios ixpic’epa titai’ma. IÆque joupa icupa cataiqui’ ti’iÆa’ toÆta’a. Ƚocuena, iÆque Æicriada, ȽanDios aiquicuc’ cataiqui’. Ma le’a itaipa. 24 IÆne loquexi’ lacaÆ‘no’ ti’onÆcospola’ to iÆna’a loquej cataiqui’ ȽanDios lipo’no’ipola’ lixanuc’. Agar, iÆque cal criada, ti’onÆcospa to anuli iÆna’a Æataiquí. Ti’onÆcospa to lataiqui’ ȽanDios lipo’no’ipola’ lixanuc’, mimana’ iÆne jiÆpe Æijuala Sinaí. IÆe lataiqui’ liniÆpa Moisés. IÆque Agar tocomma to quiÆ‘máma’ iÆne petsi naihuejpá iÆe lataiqui’. IÆne aimi’hua liÆmane. Aimi’iya micuxeyacoÆtsi quiÆtuca’. Mane ti’onÆcospola’ to lam mozó. 25 IÆe Æijuala Sinaí jiÆpe Æamats’ Arabia tecui’inni “Agar”. Agar y Jerusalén, ma to mipa’a itsiya fa’a li’a Æamats’, ti’onÆiyoÆtsi. JiÆpe Jerusalén ts’iÆpenic’ aimixpic’eyi quiÆtuca’ lo’eyacu. Lataiqui’ liniÆpa Moisés tocomma to quiÆpoujna. IÆe lataiqui’ ticuxela’ jouc’a liÆxanuc’. 26 LiÆya’ Jerusalén lopa’a lema’a ituca’ lo’ipa. JiÆpe aimicuxe toÆta’a lataiqui’ liniÆpa Moisés. IÆe Æinca aÆpiÆya’. Tocomma to caÆ‘máma’, illanc’ inaxque’. 27 Joupa i’ipa ma to loya’apa LiniÆingiya lonescopa liÆya’ Jerusalén lopa’a lema’a. Tuya’e’: Ima’ mijuiqui’ caca’no’, ailopa’a co’hua, ¡tixojla’ cometa! Ima’ tama aicoxina’ te ts’i’ic’ mipajnta Æahuac’hua, ¡tonac’la’ acueca’! Ima’ tama toxinyoxi etets’impo’, joupa eca’nicompo’, ti’i’ma conaxque’ xonca axpela’. ToÆta’a tolijna’ma iÆque ÆejonÆiyoÆtsi Æope’ailli’. 28 Unc’aipimaye, imanc’ ti’onÆcospolhuo’ to Æi’hua Sara, iÆque Isaac. Licupa cataiqui’ ȽanDios, iÆque ipajnta. Lataiqui’ licupa ȽanDios jouc’a inescopolhuo’ imanc’. ToÆiya i’ipolhuo’ inaxque’ Abraham. IÆque oÆ‘ailli’. 29 Loquexi’ linaxque’ Abraham aimiyejmaleyi. Anuli iÆniya, cal Espíritu Santo itoc’ipola’ qui’ailli’ qui’máma’. ToÆta’a itaipa qui’máma’, ipajnta quiÆ‘hua. Ƚocuena a’i. Ma le’a ipajnta axans. IÆque i’epa laic’ Æipima, ihuetsojma. Itsiya toÆta’a lo’ipola’ iÆniya pe cal Espíritu Santo epi’ipola’ al ts’e liÆpitine. LiÆf’as xanuc’, iÆne pe ailopa’a toÆta’a liÆpitine, ti’eyi laic’. 30 ¿Te co’iya? ¿Te cocuapa al Paxi LiniÆingiya? Ticua: Taipa’atsola’ Æocriada jouc’a Æi’hua, aimapi’iyacola’ Æo’hueca. Ƚo’hueca tapi’i’ma Æocuena Æo’hua, iÆque Æi’hua Æapoujna. 31 Unc’aipimaye, iÆta’a lataiqui’ aÆnescoponga’ illanc’. Illanc’ a’i quinaxque’ iÆque cal criada. AÆmana’ inaxque’ Æapoujna caca’no’.