San Juan 13

1 Icuaico’ma al juic cuftine al Pascua. Jesús joupa ixina’ icuai’ma li’hora. Tipanno fa’a li’a Æamats’, ti’huana’ma, ticuainata pe lopa’a qui’Ailli’. Jesús ti’ela’ capic’a ts’ilihuequi iÆniya nomana’ li’a Æamats’. Itsiya timuc’i’mola’ juaiconapa lo’epola’ capic’a. 2 Judas Æi’hua Simón Iscariote, Satanás joupa icuxe’epa te ts’i’ic’ lo’eya. Ticu’ma Jesús. Jesús y ts’ilihuequi tixmocoyi anuli. 3 Ixina’ qui’Ailli’ epi’ipa limane ticuxe’ma jahuay. Ixina’ qui’huayomma pe lopa’a ȽanDios. Ixina’ ti’huana’ma, ticuainata maÆpe pe lopa’a ȽanDios. 4 Mixmocoyi ts’ilihuequi, Jesús itsahuenni, ipa’a’ma litsamalo, ipo’no’ma jiÆpe liju’, ixpejm’moxi al toalla. 5 Uhuaf’ma al cutse caja’. Ipango’ma epac’e’e’mola’ liÆ‘mitsi’ ts’ilihuequi, tetufc’e’ecola’ al toalla. 6 Ti’hua tepac’e’ela’ liÆ‘mitsi’ ts’ilihuequi, icuaitsi pe locutsuya Simón Pedro. Pedro timi Jesús: âMai’ailli’, ima’ a’i malapac’e’e’ma lai’mitsi’. 7 Jesús timi: âItsiya ima’ aicocueca laif’epa. Ticuaihuo litine tocuec’ena’ma. 8 Pedro timi: â¡Ima’ aimi’iya malapac’e’eya lai’mitsi’! Aicapi’iyaco’ lane. Jesús italai’e’ma, timi: âJa’ni aicapac’e’ehuo’ lo’mitsi’, aimi’iya maÆmajnyacu anuli. 9 Simón Pedro timi: âNe’. Mai’ailli’, lapac’e’eÆa’ lai’mitsi’, lulahuiÆa’ laimane’, aÆjuitsai’iÆa’ Æaijuac. 10 Jesús timi: âMa le’a capac’e’e’mo’ lo’mitsi’. Cal xans joupa Æepopa, iÆque alimpio. Ma le’a li’mitsi’ tixisma. Imanc’ lalihuequi unc’ilimpio. Tama toÆta’a laifmipolhuo’, a’ij limpio jahuay imanc’. 11 Jesús joupa ixina’ naitsi Æocuya. ToÆta’a ticua: “A’ij limpio jahuay imanc’”. 12 Lijoupa lepac’e’epola’ liÆ‘mitsi’ ts’ilihuequi, ipo’nocona’ma litsamalo, icutsaicona’ma. Timila’ ts’ilihuequi: â¿Te oÆcuec’epá iÆe lai’e’epolhuo’? 13 Imanc’ aÆmi “Momxi”, “Mapoujna”; ma’ al Æinca iÆta’a loÆnespa. Iya’ Nomxi, iya’ naPoujna. 14 Iya’ Nomxi, naPoujna, joupa nepac’e’epolhuo’ loÆ‘mitsi’, imanc’ ts’alihuequi. Itsiya camilhuo’: Imanc’ tolapac’e’e’moÆtsi loÆ‘mitsi’. 15 ‘Iya’ aimuc’ipolhuo’ lonÆ‘eyacu. To iya’ lai’epa, imanc’ jouc’a tonÆ‘e’me. 16 Iya’ camilhuo’ al Æinca: Ƚotoc’iyalepa aimi’iya mulijya Æipoujna. IÆque Æinca xonca acueca’. Ma’ anuli Æommempa aimi’iya mulijya Æommeyalepa, iÆque xonca acueca’, Æocuena ma le’a apaluc. 17 Ja’ni imanc’ joupa oÆcueca iÆiya, ma tolihuejle. ToÆta’a tuluyalaico’me al c’a. 18 ‘A’i capalaicolhuo’ toÆta’a jahuay imanc’. Nimetsaicolhuo’, aixina’ naiÆne lai’huijf’epola’. Jouc’a aixina’ tenanÆco’ma al Paxi LiniÆingiya. IÆe lataiqui’ tuya’e’: “Petsi ÆaÆtetsumlepa, maÆque ÆaÆtepa Æala’i anuli, iÆque aÆ‘epa laic’”. 19 ‘Itsiya cu’ilhuo’ laifnuyaicoya. Ticuaitsi litine ti’iÆa’ toÆta’a toÆ‘nujuais’me laifmipolhuo’. ToÆcua’me: “Al Æinca linespa Jesús. Ma to linescopoxi ma toÆta’a iÆque." 20 Iya’ camilhuo’ al Æinca: Cal xans napenufpa Æaifnummepa, lapenufinga’ iya’ jouc’a iÆque. Cal xans Æalapenufpa, lapenufinga’ iya’ jouc’a Ƚalummepa. 21 Lijoupa licuapa iÆne Æataiquí Jesús ixhueÆconanni juaiconapa. Timila’ ts’ilihuequi: âIya’ camilhuo’ al Æinca: Anuli imanc’ aÆcu’ma. 22 Ts’ilihuequi ixhueÆconca. Ehuelojm’moÆtsi, ticuayi liÆpicuejma’: “¿Naitsi copalaicopa Jesús? ¿Naitsi lo’eya toÆta’a?" 23 MaÆpe liju’ Jesús ticutsu anuli ts’ihuequi. Jesús ti’ay capic’a juaiconapa iÆque ts’ihuequi. 24 Simón Pedro tife’ne Æijuac, i’e’ma señna iÆque ts’ihuequi Jesús. Icuxe’e’ma ticuis’eÆa’ Jesús: “¿Naitsi iÆque Æocuyaco’?" 25 IÆque ts’ihuequi iÆoc’huai’ma xonca ahuejnca Jesús, icuis’e’ma, timi: âMai’ailli’, ¿naitsi iÆque lo’e’eyaco’ toÆta’a? 26 Jesús italai’e’ma, timi: âCajac’e’ma iÆca’a Æahualca ca’i, capi’i’ma anuli ÆaÆejmale titeÆa’. IÆque Æinca ÆaÆcuya. Jesús ijac’e’ma Æe’i, epi’i’ma Judas Iscariote Æi’hua cal xans cuftine Simón. 27 Ma miteja Æa’i Æonta’a titsufay iÆque cal xans. Jesús timi: âIma’ oxina’ lof’eya. AimicoÆ‘mo’. ToÆe to’eÆa’. 28 Locuenaye ts’ilihuequi Jesús nocutshuoÆanna jiÆpiya aiquiÆsina’ te quimicopa Jesús toÆta’a Judas. 29 Judas Æitaic’ al ponta pe lo’nij’mimpa al tomí. Oquexi’ afantsi ticuayi: “¿Ja’ni tipa’a lalahue’eponga’ al juic? ¿Te Jesús ummepa ti’nata? O ¿ja’ni ummepa tepi’itola’ quiÆtomí lan xanuc’ pe aiquiÆ‘hueca?" 30 Lijoupa litepa Æa’i Judas aiquicoÆi, ipanni. Joupa i’ipa quipuqui’. 31 Lijoupa lipanni Judas, Jesús ipalaic’o’mola’ ts’ilihuequi, timila’: âItsiya joupa i’ipa, aimehue’e’. Iya’ iÆque cal Xans Ƚiximpa cal profeta pu’hua lema’a. ȽanDios timuqui naitsi iya’. ToÆta’a iya’ jouc’a camuqui te ts’i’ic’ lipicuejma’ ȽanDios. 32 Ma camuqui te ts’i’ic’ lipicuejma’ ȽanDios, iÆque xonca timuj’ma naitsi iya’. AimicoÆya. Timuj’ma nulemma naitsi iya’. 33 ‘Cunc’ainaxque’, aimaÆcoÆya jifa’a pe loÆmana’. Ca’huana’ma. Lahue’ma imanc’. Joupa aimipola’ lan xanuc’ judío: “Iya’ ca’hua’ma caituca’. Aimi’iya maÆeyacu anuli.” Ma toÆta’a camilhuo’ imanc’. 34 Itsiya cacuxe’elhuo’ lonÆ‘eyacu. IÆe al ts’e cataiqui’. Cacuxe’elhuo’: TonÆ‘e’etsoÆtsi capic’a. Ma to iya’ ca’elhuo’ capic’a, toÆe imanc’ tonÆ‘e’etsoÆtsi capic’a. 35 Ja’ni tonÆ‘e’etsoÆtsi capic’a, jahuay lan xanuc’ timetsaico’molhuo’ imanc’ alihuequi. 36 Simón Pedro timi: âMai’ailli’, ¿pe coftseya? Jesús italai’e’ma, timi: âIya’ ca’hua’ma laipene. Itsiya aimi’iya maÆeyacu anuli. TijouÆa’ ima’ to’hua’ma lopene ti’onÆcota to laipene. ToÆta’a Æinca lihuej’ma. 37 Pedro timi: âMai’ailli’, ja’ni aimi’iya maÆeyacu anuli itsiya, ¿te co’iyaco’? Tama aÆma’aÆa’ iya’ cacu’ma laipitine cunÆu’eco’mo’. 38 Jesús timi: â¿Te aÆinca tocu’ma lopitine lunÆu’eco’ma? Iya camihuo’ al Æinca: IÆta’a lipuqui’ ai’a tija’a’ma Æangiti, ima’ tones’ma afanemma: “Iya’ aicainimetsaijma Jesús”.