San Mateo 25

1 ‘Licuaitsi litine ticuaihuo cal Cuecaj Rey Nopa’a lema’a, tepenuftsola’ lixanuc’, iÆne naihuejcopá, ti’i’ma to li’ipa litine lipalunca imbama’ lahuats’la. IÆe litine titalecufta, tecanna Æamaneya, ticuai’ecu jiÆpiya lo’iyoya lijuic lamaneyoya. Anuli anuli iÆtaic’ liÆpepalc’o’. 2 Amajxi lahuats’la ts’iÆpicuejma’, locuenaye amajxi lahuats’la ailopa’a quiÆpicuejma’. 3 Lamac’ta lahuats’la, litai’me liÆpepalc’o’ aiquiÆtaic’ quileceite timanumf’eta liÆpepalc’o’. 4 Lahuats’la ts’iÆpicuejma’ itai’me liÆpepalc’o’ jouc’a iÆtaic’ lileceite. 5 TicoÆi Æamaneya, aiquicuaiyunni. Jahuay lahuats’la icuinni quilehui, ixmai’me. 6 ‘Nolojmay quipuqui’ icuej’me tija’anni, ticuayi: “Icuaico’ma fa’a Æamaneya. TunÆouyunca, aÆtalecufta." 7 Jahuay lahuats’la imaf’i’me. Etuf’me liÆpepalc’o’, inai’i’me. 8 Lamac’ta lahuats’la ipalaic’om’mola’ ts’iÆpicuejma’, timinnila’: “¡ToÆsinÆe! IÆna’a laÆpepalc’o’ joupa tipica. AÆc’i’itsonga’ tutani calaceite." 9 Lahuats’la ts’iÆpicuejma’ italai’e’me, timinnila’: “A’i. Aimi’iya. Ja’ni aÆc’i’itsolhuo’ illanc’ lahue’e’monga’. TonÆeÆe petsi locuquimpá, toÆ‘natsa colaceite." 10 Miyeyi ti’nata quileceite, icuaiyunni Æamaneya. Lahuats’la ts’iÆpicuejma’ iyejmale’me Æamaneya. Itsuflai’me jouc’a lamaneyoya. Ix’nifcom’me al puerta. 11 Icuaitsa locuenaye lahuats’la. Ija’a’me, timiyi: “MaÆpoujna, maÆpoujna, laxi’e’etsonga’ lopuerta”. 12 Ƚamaneya timila’: “Iya’ camilhuo’ al Æinca: Aicainimetsaicolhuo’." 13 Jesús timila’ ts’ilihuequi: âImanc’ ti’hua toÆpo’noÆe cuenna. AicoÆsina’ ni litine ni al ‘hora cacuaiconanni. 14 ‘Lo’iya ti’onÆcospa to li’ipa ti’hualecotsi aculi’ anuli cal xans. Ai’a ti’hua’ma ijoc’i’mola’ limozó ticuaiyunca. Epi’i’mola’ quiÆ‘huexi, iÆne tixinÆe lo’e’eyacu. 15 Anuli epi’i’ma amaquej tomí, Æocuena epi’i’ma oquej tomí, Æocuena epi’i’ma ma le’a anuli, ma to mipa’a liÆpicuejma’. Lijou’ma ipanni, i’hua’ma aculi’. 16 ‘Cal mozo Æepenufpa amaquej tomí ixhuico’ma al tomí, ulij’ma i’nif’caitsi amaquej tomí. 17 Cal mozo Æepenufpa oquej tomí jouc’a i’nif’caitsi oquej tomí. 18 Cal mozo Æepenufpa anuli al tomí itai’ma, i’hua’ma, ipu’ma Æamats’, emu’ma iÆe al tomí lepi’ipa Æipoujna. 19 ‘Axpe’ quitine icoÆhuo’ma ÆiÆpoujna lam mozó. Lijou’ma icuainanni. Icuis’e’mola’, timila’: “¿Te conÆ‘ecopa al tomí lainepi’ipolhuo’?" 20 Cal mozo Æepenufpa amaquej tomí itaic’ imbamaj tomí. Timi Æipoujna: “Maipoujna, alapi’ipa amaque’ al tomí. ¡ToxinÆa’! Nulijpa amaque’, i’ipa imbama’." 21 Ƚipoujna timi: “Ac’a lo’epa. Ima’ unc’a mozo. LatenÆcocopa ima’ lo’ejma’. Tama ahuata lainepi’ipo’, ac’a oxhuicopa. Itsiya capi’i’mo’ comane tocuxeÆa’ xonca axpe’. Iya’ tixoqui neta juaiconapa. To’huanni. Jifa’a aÆmajm’me anuli. Tixoj’ma calata." 22 ‘Icuaitsi cal mozo Æepenufpa oquej tomí. Timi Æipoujna: “Maipoujna, alapi’ipa oquej tomí. ¡ToxinÆa’! Nulijpa oque’, i’ipa amalpu’." 23 Ƚipoujna timi: “Ac’a lo’epa. Ima’ unc’a mozo. LatenÆcocopa ima’ lo’ejma’. Tama ahuata lainepi’ipo’, ac’a oxhuicopa. Itsiya capi’i’mo’ comane tocuxeÆa’ xonca axpe’. Iya’ tixoqui neta juaiconapa. To’huanni. Jifa’a aÆmajm’me anuli. Tixoj’ma calata." 24 ‘Lijoujma icuaitsi cal xans Æepenufpa anuli al tomí. Timi Æipoujna: “Maipoujna, ima’ aiximhuo’ te ts’i’ic’ lopicuejma’. Aiximhuo’ ima’ untá xans. Aimoxina’ cuanuc’. Ima’ aimofaya, tijouÆa’ tapenuf’ma jahuay Æaipa’ampa. Aimaca’neya cal trigo, tijouÆa’ jahuay lafot’Æeya tapenuf’ma. 25 Lai’nujuaitsi toÆta’a lo’ejma’, iya’ aÆspaicunni, ai’hua’ma nemutsi Æamats’ al tomí, iÆe lalapi’ipa. ¡ToxinÆa’! IÆta’a ja’a lotomí. TapenufnaÆa’." 26 Ƚapoujna timi Æimozo: “Ima’ mixcay mozo. Mahui. ¿Te aÆinca oxina’ aicafaya, tijouÆa’ capenuf’ma jahuay Æaipa’ampa? ¿Te oxina’ aicaca’neya cal trigo, tijouÆa’ jahuay lafot’Æeya capenuf’ma? 27 Ne’, ne’. ¿Te comemucopa laitomí? Najmay mecantsi al banco. ToÆta’a capainanni, capenufna’ma jouc’a lulijpa laitomí. 28 ¡Texic’enaÆe al tomí! Tepi’inaÆe iÆque ts’i’hueca imbama’ al tomí. 29 Pe ts’i’hueca iÆe lulijpa, xonca tepi’im’me. IÆque ti’huej’ma xonca. Pe aiqui’hueca, aiculiqui, texic’em’me iÆe lepi’impa. 30 IÆca’a cal mozo pe aiqui’aic’ canic’, tolacanguf’me pe lopa’a al muf. JiÆpe tijolijta, ti’ilc’ta liÆ‘ay." 31 ‘Iya’ iÆque cal Xans Ƚiximpa cal profeta, cacuaiconanni aÆsim’ma aÆ‘onÆcota to ȽanDios. Jahuay lainepaluc’ aÆejmalecu. Cacutshuai’ma laicuecaj asiento, iya’ ninCuecaj Juez. 32 JiÆpiya tefot’Æena’moÆtsi lan xanuc’ quiyouyomma ni petsi li’a Æamats’, jahuay lan nación. Ma to Æapoujna mot’Æ tenaquila’ lipinneja, iÆne ihuantseyoÆtsi lam mot’Æ jouc’a lan chivo, ma toÆta’a iya’ canaj’mola’ lan xanuc’. 33 Al c’a camane capo’no’mola’ lam mot’Æ. Loxa camane capo’no’mola’ lan chivo. 34 TijouÆa’ iya’ ninRey capalaic’o’mola’ iÆniya nomana’ al c’a camane, cami’mola’: “Imanc’, cai’Ailli’ joupa ipaxnepolhuo’. TunÆouyunca. Tolapenufle lapi’iyacolhuo’ ȽanDios. Tepi’i’molhuo’ loÆmane toÆcuxeÆe. Lilanc’epa li’a Æamats’ toÆta’a joupa ixpic’epa ȽanDios. Itsiya tepi’i’molhuo’. 35 Luyaipa quitine aÆtoc’ipa, itsiya lo’iyacolhuo’ al c’a. Iya’ ma cunle’e, imanc’ aÆtes’mipa. Iya’ micui caija’, imanc’ aluhui’ipa caija’, aixnapa. Iya’ nipayomma aculi’, laicuaita loÆpiÆya’ imanc’ lapi’ipa cainejut’Æ. 36 Iya’ ma lahue’e’ caipijahua’, imanc’ alummi’ipa caipijahua’, aipo’nopa. Iya’ lalaxtafpa, imanc’ aÆ‘epa cuenna. Iya’ ma capa’a lacarza, imanc’ alahuejnhuo’ma." 37 ‘IÆne lan xanuc’ naihuejcopá locuxepa ȽanDios aÆmi’ma: “MaÆpoujna, ¿te quitine laÆsimpoÆtsi ima’ tonle’e, aÆtes’mipo’? ¿Te quitine laÆsimpoÆtsi ima’ ticui coja’, luhui’ipo’, oxnapa coja’? 38 ¿Te quitine laÆsimpoÆtsi ima’ mipayomma aculi’, locuaita laÆpiÆya’ lapi’ipo’ comejut’Æ? ¿Te quitine laÆsimpoÆtsi ima’ ailopa’a copijahua’, lummi’ipo’ copijahua’ opo’nopa? 39 ¿Te quitine laÆsimpoÆtsi ima’ textafhuo’ o topa’a lacarza lahuejnhuo’mo’?" 40 Iya’ ninRey catalai’e’e’mola’, cami’mola’: “Iya’ camilhuo’ al Æinca: Imanc’ loÆtoc’ipola’ iÆna’a laipimaye, tama anuli xonca aca’hua iÆque ÆoÆtoc’ipa, Æinca aÆtoc’iponga’ iya’." 41 ‘TijouÆa’ iya’ capalaic’o’mola’ iÆne nomana’ loxa camane, cami’mola’: “Imanc’ joupa ecanipolhuo’. TonÆolijle pe laifpa’a. TonÆeÆe petsi Æunga aimipica. Ti’hua tunaqui. IÆque Æunga ȽanDios ipo’nopa titeÆ‘mitsola’ Æonta’a Satanás jouc’a lepaluc’. 42 Imanc’ aicaÆtoc’i, itsiya ixcay lo’iyacolhuo’. Iya’ ma cunle’e, imanc’ aicaÆtes’mi. Iya’ micui caija’, imanc’ aicaluhui’i. 43 Iya’ nipayomma aculi’, laicuaita loÆpiÆya’ aicalapi’i cainejut’Æ. Lahue’e’ caipijahua’, imanc’ aicalummi’i. Iya’ ma laxtafpa, ma capa’a lacarza, imanc’ aicalahuenge." 44 ‘IÆne lan xanuc’ titalai’e’me, aÆmi’ma: “MaÆpoujna, ¿te quitine laÆsimpoÆtsi ima’ tonle’e, o ticui coja’? ¿Te quitine laÆsimpoÆtsi ima’ o’huayomma aculi’, ocuaita laÆpiÆya’, o ailopa’a copijahua’, o textafhuo’, o topa’a lacarza, y aicaÆtoc’ihuo’?" 45 Iya’ catalai’e’e’mola’, cami’mola’: “Iya’ camilhuo’ al Æinca: Imanc’ olatets’ipola’ iÆna’a laipimaye, aicoÆtoc’ila’, toÆta’a latets’iponga’ iya’. Tama xonca aca’hua iÆque Æolatets’ipa, ma latets’iponga’ iya’." 46 IÆniya tiyena’me petsi lateÆcoya aimijouya. Lan xanuc’ naihuejcopá locuxepa ȽanDios, ituca’ loyalaicoyacu iÆniya. JiÆne titsuflai’me petsi liÆpitine aimijouya.