San Marcos 13

1 Mipalumma al cuecaj xoute’ Jesús jouc’a ts’ilihuequi, anuli ts’ihuequi timi Jesús: âMomxi, ¡toxinÆa’! ¡Atsila’ iÆne lapic’ lilanc’ecompa al xoute’! ¡Atsila’ Æajut’Æi! 2 Jesús timi: âItsiya toxina iÆnu’hua atsila’ Æajut’Æi. Ticuaihuo litine jahuay teteÆquehuo. Ni anuli Æapic mipo’nof’queya Æocuena capic. 3 Micutsu Jesús Æijuala Olivo, al huenajmay al cuecaj xoute’, Pedro, Jacobo, Juan jouc’a Andrés iÆoc’oÆai’me pe lopa’a. Icuis’e’me, timiyi: 4 âLu’itsonga’, ¿te quitine mi’iya lofnespa? ¿Te co’iya mi’iya caÆsina’ aimicoÆya lo’iya iÆiya? ¿Te jale maÆsinyacu? 5 Jesús ipango’ma u’i’mola’ timila’: âToÆpo’noÆe cuenna. Ja’ni a’i tifel’mi’molhuo’. 6 Ticuaicu axpela’ linfel’miyale, tines’me anuli anuli: “Iya’ ninCristo, ȽanDios alummepa”. IÆniya tifel’miyale’me. Axpela’ lan xanuc’ tepenuf’me liÆtaiqui’. 7 ‘Imanc’ toÆcuej’me tifulenni jouc’a tifulem’me. Aimixpailij’molhuo’. Ma toÆta’a ti’i’ma. TicoÆ‘ma locuaicoya Lijoujma Quitine. 8 Lan xanuc’ nomana’ anuli al nación tixtuc’o’me, tifule’me lan xanuc’ locuenaj nación. Lixanuc’ anuli cal cuecaj quincuxepa tifule’me lixanuc’ Æocuena cal cuecaj quincuxepa. Ni petsi tinu’ma Æunanto, ti’i’ma cumemma. Ma ti’onÆcota to Æipumla Æaca’no’, toÆta’a tipango’ma al cueca’ lateÆcoya. 9 ‘ToÆpo’noÆe cuenna. Ticum’molhuo’, ticuaita liÆmane lan tsilaj xanuc’ noxpijpá lataiqui’. Tilecom’molhuo’ Æajut’Æi pe lafoÆyomma lan xanuc’. JiÆpe tipam’molhuo’. Imanc’ ts’alihuequi, toÆta’a lan xanuc’ tixtuc’o’molhuo’. Tilecom’molhuo’ pe lomana’ lincuxepá jouc’a pe lomana’ lan rey. ToÆta’a iÆne lan xanuc’ ti’iÆa’ quiÆsina’ naitsi iya’. Imanc’ tulu’i’mola’. 10 ‘Ai’a ticuaihuo Lijoujma Quitine ni petsi li’a Æamats’ tuya’am’me te ts’i’ic’ lixpic’epa ȽanDios, iÆe lataiqui’ ac’a loya’apa. 11 Litine ti’noÆintsolhuo’, tilecotsolhuo’ pe lomana’ lincuxepá, aimoÆsueÆmot’Æe’me. AimoÆcua’me loÆpicuejma’: “¿Te caÆtalai’e’ecoyacu?” MaÆpe al ‘hora ȽanDios tepi’i’molhuo’ loÆpicuejma’ toÆtalai’eco’me al c’a. IÆe loÆnesyacu a’i coÆtaiqui’ imanc’, ma’ itaiqui’ cal Espíritu Santo. IÆque tipo’no’i’molhuo’ loÆpicuejma’. 12 ‘Ƚapima ticu’ma Æipima tima’anÆe. Cal xans ticu’ma Æi’hua. La’uhuay titsolicu, tixtuc’o’me quiÆ‘ailli’ quiÆ‘máma’. Ticu’moÆtsi, tima’antsola’. 13 Imanc’ ts’alihuequi ni petsi loÆmanc’eyacu lan xanuc’ ti’ejco’molhuo’ laic’. Ja’ni toÆsnet’Æ‘me, ticuaitsi Lijoujma Quitine tolunÆul’me. 14 ‘Ma to luya’apa cal profeta Daniel toÆta’a lo’iya. IÆe pe ȽanDios tilaiqui tipo’nom’me petsi ailopa’a lane mipo’nonyacu. (Naitsi noxhuef’iyacola’ iÆta’a lataiqui’ ticuec’eÆa’.) ‘Ti’iÆa’ toÆta’a lo’iya, ja’ni toÆmana’ al distrito Judea, tolinulâle, toÆf’ajle Æijualay. 15 Ja’ni topa’a al toncay lomejut’Æ aimaimuhuo motsufai’ma lomejut’Æ. Aimocua’ma: “Tipa’a laifpa’aya”. AimicoÆ‘mo’. Ma tainuÆa’. 16 Ja’ni topa’a pu’huanni cal ’ec, aimopaiconahuo mommaf’huo lopuquiya. Ma tainuÆa’. 17 ‘Acuanuc’la lacaÆ‘no’ linnaila’ jouc’a notoc’alepá. IÆe litine juaiconapa titeÆco’me. 18 ToÆsa’hueÆe ȽanDios aimicuaihuo lateÆcoya Æitiné caxita. 19 ‘Li’a Æamats’ tama joupa ixhuaita axpe’ camats’ mipa’a, lan xanuc’ nomana’ aiquiteÆma to loteÆcoyacu iÆe locuaicoya quitine. TijouÆa’ aimiteÆcoconayacu toÆta’a. 20 Ja’ni ȽanDios tixpic’eÆa’ ticoÆtsola’ iÆne Æitiné ailopa’a conÆuya. Joupa ixpic’epa aimicoÆyacola’ iÆne Æitiné. Tixinnila’ cuanuc’la lixanuc’ jiÆne li’huijf’epola’, ipic’a tunÆulâle. 21 ‘JiÆne Æitiné ja’ni timintsolhuo’: “¡ToÆsinÆe! Jifa’a icuai’ma cal Cristo”, o “Jipu’hua icuaita”, aimoÆ‘e’me Æinca liÆtaiqui’. 22 Ticuaicu lan xanuc’ nonespá: “Iya’ ninCristo”, o “Iya’ ninprofeta. Iya’ canesqui lalu’ipa ȽanDios.” IÆniya infel’miyale. Ti’e’me al cueca’. IÆpic’a tinesle lan xanuc’: “IÆque Æinca ummepa ȽanDios”. Ma le’a tifel’miyaleyi. CoÆa’ tifel’mintsola’ jouc’a li’huijf’epola’ ȽanDios. Aimi’iya mifel’minyacola’. 23 ToÆpo’noÆe cuenna. Joupa nu’ipolhuo’ jahuay iÆe lo’iya. 24 ‘Tijoutsola’ iÆne Æitiné cateÆcoya ticuaihuo litine: “Timufc’o’ma cal ‘ora, cal mut’Æa aimepalc’o’iya. 25 Lan xamna timefcoÆecu lema’a, jahuay lopa’a jiÆpe lema’a tife’nem’mola’." 26 TijouÆa’ aÆsim’ma iya’. Iya’ iÆque cal Xans Ƚiximpa cal profeta pu’hua lema’a. Cacuaiconanni Æummahuay quimuyohuo. AÆsim’ma ninCuecaj Rey. AÆsim’ma aÆ‘onÆspa ma to ȽanDios. 27 JiÆe litine cumme’mola’ lainepaluc’ quema’a tiyeÆe tefot’Æentsola’ laixanuc’ lai’huijf’epola’. Tileconnola’ ni petsi lomana’, iÆne nomana’ lo’huayomma Æahua’, nomana’ lotsepa Æahua’, nomana’ pe liyuf’ma cal ‘ora, nomana’ pe lof’acaiyopa cal ‘ora. Jahuay lipitoqui lipexpats’qui li’a Æamats’ tileconnola’. 28 ‘Lo’ipa al ’ec ‘icux ti’onÆcospa to lo’iya. ¡ToÆcuejle! ToÆsinÆe tuxcuaf’eÆa’ limane’ al ’ec ‘icux ti’i’ma coÆsina’ icuaico’ma Æinu’. 29 Jouc’a litine toÆsinÆe lo’ipa ma to lainu’ipolhuo’ ti’iÆa’ coÆsina’ joupa aicuaico’ma. 30 Iya’ camilhuo’ al Æinca: Ƚitiné ti’iÆa’ to laifmipolhuo’, lan xanuc’ nomajnyacu fa’a li’a Æamats’ ti’onÆtola’ to lan xanuc’ nomana’ fa’a itsiya litine. Anuli ti’i’ma liÆpicuejma’. 31 Lema’a jouc’a li’a Æamats’ tijou’mola’. Laitaiqui’ aimijouya. 32 ‘Nij naitsi ts’ixina’ litine ni al ‘hora cacuaiconaya. AiquiÆsina’ lapaluc’ quema’a, ni iya’ i’Hua ȽanDios aicaixina’ jouc’a. Ma le’a cai’Ailli’ Æinca ixina’. 33 ‘Imanc’ toÆpo’noÆe cuenna. Ti’hua toÆmaf’iÆe. Aimi’i’molhuo’ to noxmaipá. Tipantsi cumlata. Ti’hua toÆsa’hueÆe ȽanDios. AicoÆsina’ te quitine cacuaiyoconno. 34 Itsiya lo’ipolhuo’ imanc’ ti’onÆcospa to li’ipola’ lam mozó mi’huana’ma ÆiÆpoujna. IÆque Æapoujna epi’ipola’ liÆmane ti’eÆe cuenna lajut’Æ. Epi’ipola’ liÆpenic’, anuli anuli. Anuli ixc’ai’ipa ti’eÆa’ cuenna al puerta, timi: “Aimoxmai’ma”. 35 Jouc’a imanc’ aimoÆsmai’me. ToÆpo’noÆe cuenna. Ja’ni a’i cacuaiyunni ca’huajcoco’molhuo’ toÆsmaiyi. AicoÆsina’ te quitine cacuaiyoconno iya’ oÆPoujna. AicoÆsina’ te ‘hora, ja’ni if’acoÆaipa, ja’ni nolojmay quipuqui’, ja’ni mija’a’ma Æangiti, ja’ni liÆic’ejma’. 37 ‘Ma to laifmipolhuo’ imanc’ jouc’a laifnu’ipola’ jahuay, camila’: “Tipantsi cumlata, aimoÆsmai’me”.