2 Tesalonicenses 2

1 Ndí ’ndseé ko̱ tichjaá, i̱’ndei̱ jè kéno̱jmíânòje̱n kó s’ín ko̱ma k’e̱ nga kjoi̱í ìjngoò k’a Jesucristo xi otíxomaâná ko̱ k’e̱ nga ya̱ ko̱xkóyat’aàâlá. K’oa̱á maâne bìtsi’baânòje̱n 2 tsà yá xi̱ta̱ xi ki̱tso̱ânò nga jyeé j’iì ìjngoò k’a Jesucristo, kì tà ni̱to̱n mokjeiínânò; kì tsakjoònâlà tsà yá xi̱ta̱ xi ki̱tso̱ânò: k’oa̱á tsò ‘énâla̱ Nainá xi kjònga̱tsja Pablo; k’oa̱á s’ín chja̱ya, ko̱ k’oa̱á s’ín kisìkasén jngoò xo̱jo̱n. 3 Kì yá xi̱ta̱ xi kona̱cha̱nânò. Nga jè na̱chrjein k’e̱ nga o̱ko̱ma, ítjòn s’e̱ na̱chrjein nga jñà xi̱ta̱, ‘ñó kondra̱ kítsa̱jnaâla̱ Nainá. I̱kjoàn ta ni̱to̱ón ko̱tsejèn jè xi̱ta̱ xi ‘ñó ch’o s’i̱in, jè xi tjínèâla̱ nga kjo̱’in si̱ìkjeiín ni̱ta̱ kjéâne. 4 Xi̱ta̱ jè, jè xi kondra̱ kíjnaâla̱ ngats’iì xi Nainá tsòâla̱ xi̱ta̱ ko̱ ni̱ta̱ méâìsaâne xi beèxkón nga jè mejènâla̱ kíjna ítjòn. Skanda ya̱á kíjnaya i̱ngo̱ ítjònâla̱ Nainá koni tsà jè sobà Nainá, k’oa̱á ki̱tso̱âla̱ yijoâla̱ nga Nainá jè. 5 ¿A mì bítsjeènânò k’e̱ nga sa̱ ya̱ tsohóti̱jnako̱ânò, k’oa̱á kixanânò nga k’oa̱á s’ín ko̱ma? 6 I̱’ndei̱ jye tíjiìnânò mé kjoa̱ xi bíchjoà ikònâla̱ xi̱ta̱ jè nga mì xátí f’iì; skanda k’e̱é kjoi̱í k’e̱ nga ki̱chóya na̱chrjeinâla̱. 7 Jè nga’ñóâla̱ kjoa̱ch’o, jyeé tísíxá’ma i̱ i̱sò’nde, ta̱nga tíjna jngoò xi tíjna ikòn nga mìkiì tsjá’nde ko̱ ta jè chija nga tjáxìn. 8 Ko̱ i̱kjoàn k’e̱é ko̱tsejèn jè xi̱ta̱ xi ch’o s’ín. Ta̱nga Jesucristo xi otíxoma, ta jngoò ‘én ki̱chja̱ nga tsjáâla̱ kjo̱’in ni̱ta̱ kjéâne. Tà ma tà jé nga ote kji nga kjoi̱í, jngoò k’a kjoa̱áxìn nga’ñóâla̱. 9 K’e̱ nga kjoi̱í jè xi̱ta̱ xi ch’o s’ín, jè xi̱ta̱ nei̱í tsjáâla̱ nga’ñó nga kjìn ska̱ya kjo̱xkón ko̱kò xi mìtsà kixi̱ kjoa̱. 10 Si̱ìkjeén yije kjoa̱ xi ch’o tjín nga skóna̱cha̱nâla̱ xi̱ta̱ xi kjo̱’in si̱ìkjeiín ni̱ta̱ kjéâne, koií kjoa̱âla̱ nga jñà xi̱ta̱ koi mìkiì matsjakeè xi kjoa̱ kixi̱ xi ma ki̱tjokàjiìnâne kjo̱’in kjoa̱ ts’e̱ jéâla̱. 11 K’oa̱á maâne Nainá tsjá’ndeâné nga tíjna jngoò xi skóna̱cha̱nâla̱ xi̱ta̱ koi, méâne kàtakjeiínâla̱ kjoa̱ ndiso, 12 nga kàtas’eâla̱ kjo̱’in ngats’iì xi mìkiì mokjeiínâla̱ kjoa̱ kixi̱. Nguì ta kjoa̱ ch’oó sasénâla̱. 13 Ndí ’ndsè ko̱ ndí tichjaá, mochjeénâné nga kjit’aà na̱chrjein ‘biìâla̱je̱n kjo̱ndaà Nainá xi i̱t’aà tsa̱jòn xi ‘ñó matsjakeèânò Na̱’ènâná, nga xó k’oa̱á s’ín jaàjiìnânò Nainá kóni nga ti̱sa̱ tàts’enâla̱ kjoa̱, méâne nga ki̱tjokàjñoòânò kjo̱’in, nga jè Ini̱ma̱ Tsjeèâla̱ Nainá sítsjeèyaânò ko̱ nga ndaà mokjeiínânò xi kjoa̱ kixi̱. 14 Xó k’oa̱á s’ín kiìchja̱ânò Nainá i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo xi ngaje̱n nokjoàyaâje̱n, méâne nga jñò, ti̱koa̱ s’e̱ânò kjoa̱jeyaâla̱ Jesucristo, jè xi otíxomaâná. 15 Ndí ’ndsè ko̱ tichjaá, k’oa̱á s’ín kixi̱ ti̱tsa̱jna. Kì nìjchàajiìnâjèn jñà ‘én kixi̱âla̱ Cristo xi ngaje̱n kinìkatoyaânòje̱n, jñà xi ta ‘én kinokjoàânòje̱n ko̱ xi xo̱jo̱n carta tsakoòyaânòje̱n. 16 ‘A̱án síjét’aàâla̱ Jesucristo, jè xi otíxomaâná ko̱ jè Nainá xi Na̱’ènâná, jè xi ‘ñó matsjakeèâná nga tsjáâná kjoa̱jetakònâla̱ xi mìkiì kjoe̱het’aà, ko̱ tsjá kjo̱tjòâná kjo̱ndaàâla̱ nga tíjngoò takoán nga titsa̱chiñáâlá. 17 K’oa̱á s’ín síjét’aàâla̱ nga ìsa̱ tse nga’ñó kàtatsjáâla̱ ini̱ma̱ânò méâne nga ìsa̱ kixi̱ ki̱tsa̱jnaà koni s’ín ’nè kjoa̱ xi ndaà tjín ko̱ koni s’ín nokjoà ‘én xi ndaà tsò.