San Mateo 2

1 Jesús kits’iìn ya̱ na̱xa̱ndá xi ‘mì Belén, nangui xi chja̱âne Judea, k’e̱ nga xi̱ta̱xá ítjòn tíjna xi ‘mì Herodes ya̱ i̱’nde jè. Ijchò ján Jerusalén, xi na̱xa̱ndá sko̱âla̱ Judea, xi̱ta̱ xi ‘ñó tjínâla̱ kjoa̱chji̱ne̱, xi inchrobàâne ñánda bitjokàtjiâne ts’oí 2 nga kjònangui. Kitsò: â¿Ãánda tíjna xi̱ta̱xá ítjònâla̱ ts’e̱ xi̱ta̱ judío xi jye kits’iìn? Ki’yaá jngoòâje̱n ni’ño ján ñánda bitjokàtjiâne ts’oí xi tsakó nga jye kits’iìn. Ko̱ ngaje̱n koií xá kjoi̱ânaje̱n nga jcha̱xkónâje̱n. 3 K’e̱ nga kiì’nchré Herodes xi xi̱ta̱xá ítjòn tíjna, tà kitsakjònâné ko̱ ngats’iì xi̱ta̱ na̱xa̱ndá Jerusalén. 4 Jè xi̱ta̱xá ítjòn xi ‘mì Herodes, kiìchja̱âla̱ ngats’iì xi̱ta̱ sko̱âla̱ no̱’miì ko̱ xi̱ta̱ xi okóya kjo̱tíxomaâla̱ Nainá xi kiskiì Moisés; kiskònanguiâla̱ ñánda jts’ín xi Cristo, [jè xi̱ta̱ xi xó si̱ìkasénâne Nainá]. 5 Jñà xi̱ta̱ koi kitsòâla̱: âYa̱á Belén, na̱xa̱ndá xi chja̱âne Judea. K’oa̱á s’ín tíchja̱ xo̱jo̱n xi kiskiì jñà xi̱ta̱ xi kiìchja̱ ngajoâla̱ Nainá nga kitsò: 6 Jñò xi xi̱ta̱ Belén ‘mìânò, xi nangui Judá nokjoàânò, ngásòn chjíâla̱ na̱xa̱ndáânò koni jñà na̱xa̱ndá ítjònâla̱ nangui Judá, nga ya̱á ki̱tjojiìn jngoò xi̱ta̱xá ítjòn xi si̱ìkinda̱ na̱xa̱ndáâna̱ Israel. 7 Jè xi̱ta̱xá ítjòn xi ‘mì Herodes, kiìchja̱’maâla̱ jñà xi̱ta̱ xi ‘ñó tjínâla̱ kjo̱chji̱ne̱ nga kiskònanguiâla̱ mé na̱chrjeinâne nga kijtseè ni’ño. 8 K’e̱é kisìkasén ján Belén; kitsòâla̱: âTanguió ján, koa̱ ndaà chji̱nanguio xi i̱t’aà ts’e̱ ki’ndí jè. K’e̱ nga sa̱kòânò, ti̱kí’nchréâná méâne ti̱koa̱ kjián katsejènâla̱ nga skoexkoán koa̱ jeya siìkíjna. 9 K’e̱ nga jye kiì’nchré xi̱ta̱ xi ‘ñó tjínâla̱ kjoa̱chji̱ne̱ koni s’ín kitsò Herodes, k’e̱é kiì xi̱ta̱ koi ko̱ jè ni’ño xi kijtseè ñánda bitjokàtjiâne ts’oí k’oa̱á s’ín kiì ítjònâla̱ skanda ijchò ñánda tíjna ki’ndí jè, ko̱ ya̱á tsasìjna jè ni’ño. 10 Jñà xi̱ta̱ xi ‘ñó tjínâla̱ kjoa̱chji̱ne̱ k’e̱ nga kijtseè ni’ño jè, ta̱xki̱ tsjaá komàâla̱. 11 K’e̱ nga jahas’en ni’ya jñà xi̱ta̱ koi, kijtseè ki’ndí ko̱ nea̱âla̱ María. K’e̱é chincha-xkó’nchit’aàâla̱ jè ki’ndí ko̱ kijtseèxkón; jeya kisìkíjna. I̱kjoàn kiskíx’a̱ kaxa̱âla̱ ko̱ kitsjaàâla̱ to̱n oro, ko̱ chrjongóâla̱ Nainá ko̱ xkiì xi ‘ñó ndaà jne̱ xi ‘mì mirra. 12 Nga komà i̱skan kits’iìâla̱ nijñá xi̱ta̱ xi ‘ñó tjínâla̱ kjoa̱chji̱ne̱ nga mì ti̱ k’oa̱á s’ín ndi̱yá kjoi̱âne ñánda tíjna Herodes. Xìn ndi̱yá kiìâne nanguiâla̱. 13 K’e̱ nga jye kiìâne jñà xi̱ta̱ xi ‘ñó tjínâla̱ kjoa̱chji̱ne̱, jngoò àkja̱le̱âla̱ Nainá kisìnijñáâla̱ José, kitsòâla̱: âTi̱sítji̱in; chjoí jè ki’ndí ko̱ nea̱âla̱; t’in ján nangui Egipto; ya̱á tijni skanda k’e̱ ‘a̱n ko̱xánâlè. Nga jè Herodes xi xi̱ta̱xá ítjòn tíjna, ko̱hótsji ki’ndí jè nga mejènâla̱ nga si̱ìk’en. 14 K’e̱é tsasítje̱n José, k’e̱ nga ni̱tje̱n kiskoé jè ki’ndí ko̱ nea̱âla̱ nga kiì ján nangui Egipto. 15 Ya̱á tsibìtsa̱jna skanda k’e̱ nga k’en Herodes. K’oa̱á s’ín tsitasòn koni s’ín kitsò Nainá xi i̱t’aà ts’e̱ xi̱ta̱ xi kiìchja̱ ngajoâla̱ Nainá nga kitsò: “Ya̱ nangui Egipto kichjàâla̱ ki’ndíâna̱." 16 K’e̱ nga kijtseè jè Herodes nga jñà xi̱ta̱ xi ‘ñó tjínâla̱ kjoa̱chji̱ne̱ kiskoòna̱cha̱nâla̱, tsí jti komàâla̱. I̱kjoàn kitsjaà o̱kixi̱ nga si̱ìk’en yije ndí i̱xti x’i̱n xi jò nó tjínâla̱ ko̱ ngats’iì xi ìsa̱ ki’ndí ìsa̱ kóho̱kji ján na̱xa̱ndá Belén, ko̱ ya̱ na̱xa̱ndá i̱ndiìâla̱ koni s’ín jye kisijiìnâla̱ mé na̱chrjeinâne nga kijtseè ni’ño jñà xi̱ta̱ xi ‘ñó tjínâla̱ kjoa̱chji̱ne̱. 17 K’oa̱á s’ín tsitasòn ‘én xi kitsò Jeremías, xi̱ta̱ xi kiìchja̱ ngajoâla̱ Nainá, nga kitsò: 18 Ya̱ i̱’nde Ramá kina’yà jngoòâla̱ xi̱ta̱ xi tísíkájno ko̱ ‘ñó tíkjindáya ko̱ títsiné; jè chjo̱ón Raquel xi tíkjindáyakeè ndí i̱xtiâla̱, nga mìkiì majehikon ini̱ma̱âla̱ nga jye k’en i̱xtiâla̱. 19 K’e̱ nga jye k’en Herodes, xi xi̱ta̱xá ítjòn tíjna, jngoò àkja̱le̱âla̱ Nainá kisìnijñáâla̱ José ján Egipto. Kitsòâla̱: 20 âTi̱sítji̱in, chjoí ki’ndí jè ko̱ nea̱âla̱. T’in ìjngoò k’aâne nangui Israel. Jyeé k’en jñà xi̱ta̱ xi tjínâne nga mejènâla̱ si̱ìk’en ki’ndí jè. 21 K’e̱é tsasítje̱n José, kiìko̱âne ki’ndí jè ko̱ nea̱âla̱ ya̱ nangui Israel. 22 Ta̱nga k’e̱ nga kiì’nchré José nga jè tíhotíxoma jè xi ‘mì Arquelao ya̱ nangui Judea, nga jè tíjna ngajoâla̱ na̱’ènâla̱ Herodes, José kitsakjònâné; mì k’oa̱á s’ín kiì. Ján kiì i̱’nde ñánda ‘mì Galilea nga k’oa̱á s’ín kis’eno̱jmíyaâla̱ i̱nga nijñá. 23 K’e̱ nga ijchò i̱’nde jè, ya̱á tsibìtsa̱jna ya̱ na̱xa̱ndá xi ‘mì Nazaret. K’oa̱á s’ín komà méâne nga tsitasòn koni s’ín kitsò jñà xi̱ta̱ xi kiìchja̱ ngajoâla̱ Nainá, nga jè Jesús xi̱ta̱ Nazaret k’oín.