San Marcos 4

1 Jesús ìjngoò k’a tsibíts’ia̱ nga tsakóya ya̱ i̱ndiì ndáchikon. Kjìn jchán ma xi̱ta̱ xi chixoñat’aàâla̱. Jesús jahas’en jngoò chitso xi kjijnajiìn ndáchikon; i̱kjoàn tsibìjnaya. Ngats’iì xi̱ta̱, ya̱á títsa̱jnat’aà nanguií ya̱ i̱ndiì ndáchikon. 2 Kjìn ska̱ya kjoa̱ xi mangásòn tsakóyaâla̱ xi̱ta̱. K’e̱ nga tsibéno̱jmíâla̱ kitsòâla̱: 3 âNdaà ti̱ná’yaà. Jngoò xi̱ta̱ kiì kíjndi̱ xojmá. 4 K’e̱ nga tsibíts’ia̱ nga kiskíjndi̱ xojmá, chixò chiba ya̱ i̱ya ndi̱yá. I̱kjoàn j’iì ni̱se; tsakjèn. 5 Nguì k’oa̱ tjín chixò ñánda na̱xi̱ choòn nga chiba ni’nde tjínâla̱. Jñà xojmá koi, ni̱to̱ón isò koiâné nga mì na̱nga̱ tjín nangui. 6 Ta̱nga k’e̱ nga itjokàtji ts’oí nga kjòtsjè ndobá, kixìñó, i̱kjoàn jngoò k’aá kixì, koiâné nga tsjìnâla̱ i̱ma̱. 7 Nguì k’oa̱ tjín chixò ya̱ i̱jiìn na’yá. K’e̱ nga kjò’nga na’yá, kisìk’enângui xka̱âla̱ xojmá; k’oa̱á maâne nga mìkiì tsajàâla̱ toò. 8 Ta̱nga jñà xojmá xi chixò ñánda nangui ndaà, tsijin, kjò’nga, tsajàâla̱ toò, ndaà itjo. Kitsjaà katé, jànâkaàn skanda jngoò sìndo̱ toò nga jngoò ìjngoò. 9 I̱kjoàn kitsò Jesús: âNdaà ti̱ná’yaà koni xanânò. 10 K’e̱ nga jye tsibìjna ta̱jngoò Jesús, jñà xi̱ta̱ xi chrañà títsa̱jnat’aàâla̱ ko̱ xi̱ta̱âla̱ xi tejò maâne, kiskònanguiâla̱ kó tsòyaâne ‘én xi tsibéno̱jmí. 11 Kitsò Jesús: âJñò, Nainá jye kitsjaàânò nga jcha̱a kjoa̱’maâla̱ kó s’ín otíxoma Nainá. Ta̱nga jñà xi̱ta̱ xi kj’ei̱í, tà ‘én ts’e̱ kjoa̱ mangásòn s’e̱no̱jmí yijeâla̱, 12 méâne nga mìkiì skoe̱âne na̱s’ín skótsejèn, ti̱koa̱á mìkiì ko̱chi̱yaâla̱ na̱s’ín kji̱’nchré. Nga jñà xi̱ta̱, majìnâla̱ síkjatjìya kjo̱hítsjeènâla̱ koa̱ mìkiì jcha̱t’aàâla̱ jéâla̱. 13 Kitsò Jesús: â¿A mì fìyaânò jè ‘én ts’e̱ kjoa̱ xi mangásòn? ¿Kós’ín ska̱yaânò ngats’iì kjoa̱ xi i’nga? 14 Jè xi bítje̱ xojmá, jè ngayaâla̱ xi̱ta̱ xi síka’bí ‘énâla̱ Nainá. 15 Jñà xojmá xi chixò ya̱ i̱ya ndi̱yá, jñà ngayaâla̱ xi̱ta̱ xi ’nchré ‘énâla̱ Nainá. K’e̱ nga ma i̱skan nga jyeé ’nchré, f’iì xi̱ta̱ nei̱í faáxìn jè ‘én ya̱ i̱jiìn ini̱ma̱âla̱ xi̱ta̱. 16 Jñà xojmá xi chixò ya̱ ñánda na̱xi̱ choòn, jñà ngayaâla̱ xi̱ta̱ xi ’nchré ‘énâla̱ Nainá. Tsjaá s’eâla̱ k’e̱ nga sa̱ ’nchré. 17 Ta̱nga jè ‘én mìkiì ndaà kisijiìn ini̱ma̱âla̱ koni xka̱ xi tsjìnâla̱ i̱ma̱, mì ‘ñó binchako̱ ‘én, ta chiba na̱chrjein chíkjoa̱âla̱. K’e̱ nga mé kjoa̱ xi sakóâla̱ ko̱ tsà xi̱ta̱ fìtji̱ngui kondra̱âla̱ nga jè nga̱tjìâla̱ ‘énâla̱ Nainá, ni̱to̱ón síkíjna ndi̱yáâla̱ Nainá. 18 Jè xojmá xi chixò ya̱ ñánda tjín na’yá, jñà ngayaâla̱ xi̱ta̱ xi ’nchré ‘énâla̱ Nainá, 19 ta̱nga ‘ñó síkájno kjoa̱ ts’e̱ tsojmì xi tjín i̱sò’nde; ko̱ jè kjoa̱ nchi̱ná kona̱cha̱nâla̱; ko̱ mejèn yijeâla̱ tsojmì xi tjín i̱sò’nde. Jñà kjoa̱ koi síkits’ónâjiìn ‘énâla̱ Nainá, k’oa̱á maâne nga mìkiì makjìnâya. 20 Ta̱nga jñà xojmá xi chixò ñánda nga nangui ndaà, jñà ngayaâla̱ xi̱ta̱ xi ’nchré ‘énâla̱ Nainá koa̱ mokjeiínâla̱; i̱kjoàn makjìnâya ‘én, k’oa̱á ngayaâla̱ koni yá xi ojàâla̱ toò. Tsjá katé, jànâkaàn skanda jngoò sìndo̱ nga jngoò ìjngoò yá. 21 Jesús kitsòâìsa: â¿A k’oa̱á s’ín mochjeén ni’ín xi síhiseèn nga ya̱ si̱jnangui kaxa̱, o ya̱ si̱jnangui na̱chan? Majìn, jngoò ni’ín xi síhiseèn, ’ngaá si̱jna méâne nga síhiseènâla̱ xi̱ta̱. 22 Ni̱mé kjoa̱ tjín xi tjí’ma i̱’ndei̱ xi mìkiì jcha̱âla̱; ti̱koa̱á tsjìn kjoa̱ xi tjí’ma i̱’ndei̱ xi mìkiì ko̱tsejèn. 23 ¡Ndaà ti̱ná’yaà koni xanânò! 24 Jesús kitsòâìsaâla̱: âJñò xi na’yà, ndaà ti̱ná’yaà. Koni kji machi̱yaânò, k’oa̱á ti̱ kji si̱ìkíchi̱yaânò Nainá, skanda tsjásònâìsaânò. 25 Jè xi tjínâla̱ [kjo̱hítsjeèn], tjoéâìsaâla̱; ta̱nga jè xi tsjìnâla̱, skanda tjá’aánâla̱ [kjo̱hítsjeèn] xi chiba tjínâla̱. 26 Kitsò Jesús: âKoni s’ín otíxoma Nainá k’oa̱á ti̱s’ín tjín koni k’e̱ tsà jngoò xi̱ta̱ bítje̱ no̱jmé. 27 Jè no̱jmé, síxá nga bisò, ma’nga, na̱s’ín jè xi̱ta̱ xi bítje̱ mìkiì tíbeè kós’ín tísíxá nga jè xi̱ta̱ ojnafèâné k’e̱ nga ni̱tje̱n; nga s’e i̱sén osítje̱n; 28 nga jè nangui tísíjchá; ítjòn bitjo xka̱âla̱, i̱skan ma’nga, i̱kjoàn tjoâla̱ natín koa̱ i̱kjoàn majchá ni̱ji̱n. 29 K’e̱ jye majchá ni̱ji̱n, jye ma maxkó nga jye ijchò chi̱ba̱âla̱ nga sincháxkó ni̱ji̱n. 30 Jesús ìjngoò k’a kitsò: â¿Mé xi ko̱ngásònâko̱ koni s’ín otíxoma Nainá?, o ¿mé ‘én xi si̱ngásònâkjoaá? 31 Jè mangásònâko̱ koni kji xojmá mostaza; k’e̱ nga sitje̱ i̱jiìn nangui, jè xi ìsa̱ i̱tsé kji i̱ i̱t’aà nangui. 32 K’e̱ nga jye sitje̱, bisò, ma’nga skanda ìsa̱á ’nga ma koni ngats’iì xka̱ xi ma chine xi sitje̱ i̱ndiì ni’ya. ‘Ãó ’nga ma chrjaâla̱ skanda ma bíndaà’a tjéâla̱ ni̱se ya̱ ngui ’nguiénâla̱. 33 Jesús kjìn ska̱ya kjoa̱ xi mangásòn kisìkjeén nga tsakóya ‘én ndaàâla̱ Nainá, koni kji nga ndaà fìyaâla̱ xi̱ta̱. 34 Nguì ko̱ó kjoa̱ xi mangásòn tsakóyaâla̱ xi̱ta̱; ni̱mé ‘én kiìchja̱ xi mìtsà kjoa̱ xi mangásòn tsibéno̱jmí; ta̱nga k’e̱ nga jye tíjnat’aàxìnâko̱ xi̱ta̱âla̱ xi kota’yàt’aàâla̱, k’e̱é ìjngoò k’a tsakóya ndaà yijeâla̱. 35 K’e̱ nga jye kòjñò nga ti̱jèâne na̱chrjein, Jesús kitsòâla̱ xi̱ta̱âla̱ xi kota’yàt’aàâla̱: âTíkjiaán, ján xijngoaà ndáchikon. 36 Jñà xi̱ta̱ xi kjìn maâne ta ya̱á kisìkítsa̱jna; kiì Jesús ko̱ xi̱ta̱ xi kota’yàt’aàâla̱ nga títsa̱jnaya chitso. Ti̱koa̱á tsafáhijtako̱ chitso xi i’nga. 37 K’e̱ nga jye tjímajiìn nandá, j’iì jngoò tjo̱xkón xi ta̱xki̱ komàâné; kiskímiì’nga nandá koa̱ jè chitso jye kitseè nandá. 38 Jesús ya̱á kjinafè tàts’en chitso. Kijnanguisko jngoò nikje nguisko. K’e̱é kisìkjaáâla̱, kitsòâla̱: âMaestro, ¿a mìtsà tì’yi nga titsa̱bixònguindáâná. 39 Jesús k’e̱é tsasítje̱n, tsohótiko̱ jè tjo̱; kitsòâla̱ ndáchikon: âJyò ti̱jni. Ni̱to̱ón kisijyòâne tjo̱; kjòndaàyaâne. 40 Jesús kitsòâla̱ xi̱ta̱ xi kota’yàt’aàâla̱: â¿Méâne tsakjoònânò? ¿A mìtsà mokjeiínânò i̱t’aà ts’a̱n? 41 Jñà xi̱ta̱ xi kota’yàt’aàâla̱ ndaà jchán kitsakjòn. Xki̱ xi ján kjònanguiâla̱ xíkjín, tsòâla̱: â¿Yá xi̱ta̱âne jè skanda jè tjo̱ ko̱ ndáchikon síkitasònâla̱?