Romanos 11

1 ‘A̱án kjònanguia, jè Nainá, ¿a kitsjeiìn takòn na̱xa̱ndáâla̱ Israel? Majìn, mì k’oa̱á s’ín tjín. ‘A̱n, ti̱koa̱á xi̱ta̱ Israelâná, tje̱âla̱á ma Abraham, xi̱ta̱ xinguia̱á ma xi ya̱ nchrobát’aàâne ts’e̱ Benjamín. 2 Nainá mìtsà tsachrjekàngui na̱xa̱ndáâla̱ nga jye tíjiìnâla̱ nga ti̱sa̱ tàts’enâla̱ kjoa̱ nga i̱xtiâla̱ ko̱ma. ¿A mì tíjiìnânò koni tsò Xo̱jo̱nâla̱ Nainá i̱t’aà ts’e̱ Elías nga k’oa̱s’ín chja̱t’aàâla̱ Nainá xi kondra̱ ts’e̱ Israel? Tsò: 3 “Na̱’èn, jñà xi̱ta̱âlè xi kiìchja̱ ngajoâlè, jyeé kisìk’en xi̱ta̱, koa̱ jñà i̱’nde tsjeèâlè jyeé kisìkits’óña; tà ‘a̱n ta̱jngoò tìjna̱a ìsa̱, ti̱koa̱á mejènâla̱ si̱ìk’enâna̱." 4 Ta̱nga k’oa̱á tsò ‘én xi tsjá Nainá: “Majìn, mìtsà tà ji̱ ta̱jngoò tijni. Itoò jmiì maâne xi̱ta̱ xi ‘a̱n títsa̱jnatjòâna̱ xi kj’eè tsà ya̱ bincha-xkó’nchit’aàâla̱ xkósònâla̱ Baal." 5 Na̱chrjein i̱’ndei̱ tákó k’oa̱á s’ín ma, tjín ìsa̱ xi̱ta̱ Israel xi títsa̱jnatjòâla̱ Nainá xi xó jaàjiìnâne xi kjo̱ndaà ts’e̱. 6 Tsà tà kjo̱ndaà ts’e̱é Nainá nga k’oa̱s’ín jaàjiìn xi̱ta̱, tsòyaáâne mìtsà koi kjoa̱âla̱ kjo̱ndaà xi kis’iìn. Ta̱nga tsà koií kjoa̱âla̱ kjo̱ndaà xi kis’iìn, mìâla tsà ti̱ kjo̱ndaàâla̱ Nainá kjòchjeénâne nga kitjaàjiìn xi̱ta̱. 7 ¿Kó s’ín tjín kjoa̱? Tsòyaáâne nga kjín xi̱ta̱ Israel mìkiì ijchòtji̱nguiâla̱ jè kjoa̱ xi tsohótsji. Ta̱nga kis’e i’nga xi̱ta̱ xi xó jaàjiìnâne Nainá xi jye ijchòtji̱nguiâla̱. Jñà xi̱ta̱ xi i’nga, ‘ñó kjòtájaàjiìn ini̱ma̱âla̱. 8 K’oa̱á s’ín tjít’aà Xo̱jo̱nâla̱ Nainá nga tsò: “Nainá, kitsjaàâla̱ nga kisìjñòjiìn ini̱ma̱âla̱; jñà xko̱n mìkiì tsejènâla̱, ko̱ líkáâla̱, mìkiì ’nchré skanda na̱chrjein i̱’ndei̱." 9 Jè xi̱ta̱xá ítjòn David k’oa̱á ti kitsò: Jè s’eí xi ochrje, ti̱jè kàtamaâne ch’a̱n nga kàtakaàngui, kàtasiya’ñó na̱’ya, ko̱ ti̱jñà kàtasatínguiâne méâne nga kàtas’eâla̱ kjo̱’in. 10 Kàtasichjoà xko̱n méâne nga mìkiì ko̱tsejènâla̱ nga kjit’aà na̱chrjein kàtamatsit’in íts’i̱n. 11 ‘A̱n kjònanguiâná, ¿a jngoò k’a chixòt’aà nangui jñà xi̱ta̱ Israel k’e̱ nga kisatèngui? Majìn. Mì k’oa̱á s’ín tjín kjoa̱. Jè kjoa̱âla̱ nga mìkiì kisìkitasòn jñà xi̱ta̱ Israel, jñà kitjoéâla̱ xi mìtsà xi̱ta̱ judío nga tsibìtsa̱jnandei̱í xi kjoa̱ ts’e̱ jéâla̱. K’oa̱á s’ín komà méâne nga jñà xi̱ta̱ judío kàtachi̱ni̱âne i̱t’aà ts’e̱ kjo̱ndaàâla̱ Nainá. 12 Tsà jñà xi̱ta̱ i̱sò’nde kisakòâla̱ kjoa̱nchi̱náâla̱ Nainá k’e̱ nga jñà xi̱ta̱ judío mìkiì kisìkitasònâla̱ Nainá ko̱ kisìchijà kjo̱ndaàâla̱, ìsa̱á ta ‘ñó ndaà s’e̱âla̱ kjoa̱ machikonât’in jè i̱sò’nde k’e̱ nga jñà xi̱ta̱ judío ìjngoò k’a skoé i̱’ndeâla̱ ya̱ nguixko̱n Nainá. 13 Jñò chjàko̱ânò xi mìtsà xi̱ta̱ judío mìânò. ‘A̱n kisìxáyaâna̱ nga ‘a̱n kichjàjiìnâla̱ jñà xi mìtsà xi̱ta̱ judío. ‘A̱n beèxkónâná xá xi kits’iìâna. 14 Tsà koií na̱chrjeinâla̱ ko̱chi̱ni̱í i’nga xi̱ta̱ xinguia̱a méâne nga ti̱koa̱ ko̱ma kítsa̱jnandei̱íâne xi kjoa̱ ts’e̱ jéâla̱. 15 Tsà jñà xi̱ta̱ i̱sò’nde kisakòâla̱ kjoa̱’nchán i̱t’aà ts’e̱ Nainá k’e̱ nga jñà xi̱ta̱ judío itjokàngui, ìsa̱á tse kjo̱ndaà sa̱kòâla̱ jñá xi̱ta̱ judío k’e̱ nga skoétjò ìjngoò k’aâne Nainá. Skanda k’oa̱á s’ín ko̱mat’in koni jngoò xi̱ta̱ xi jye k’en ko̱ kjoa̱áyaâla̱ i̱t’aà ts’e̱ kjoa̱biyaà. 16 Tsà tsjeè ni̱ño̱ xi sindaà ítjòn nga ko̱nga̱tsja Nainá, ti̱koa̱á tsjeèâné na̱’yo̱ xi ko̱chjeén nga sindaà ni̱ño̱ k’e̱ nga ko̱ma i̱skan. Tsà tsjeè i̱t’aà ts’e̱ Nainá i̱’ma̱âla̱ yá, jñà chrjaâla̱ ti̱koa̱á tsjeèâné. 17 Jñà xi̱ta̱ Israel, k’oa̱á s’ín ngayaâla̱ koni jngoò yá olivo ndaà xi kitiìt’aà chrjaâla̱, koa̱ ngaji̱ k’oa̱á s’ín ngayaâla̱ koni chrjaâla̱ yá olivo i̱jiìn ijñá nga ya̱ kisìkjoòkoi̱i ya̱ ngajoâla̱ chrjaâla̱ yá olivo ndaà; k’oa̱á maâne nga ya̱ tíchjoí jè nga’ñóâla̱ i̱’ma̱âla̱ yá olivo ndaà. 18 Kì ’nga nìkíjni yijoâlè nga ya̱ titsa̱kjoòkoi̱i chrjaâla̱ yá olivo ndaà. Ti̱kítsjiìn nga tà kisìkjoòko̱ânè; mìtsà ji̱ ‘biìâla̱ nga’ñó jñà i̱’ma̱âla̱ yá olivo ndaà, tà saà ji̱ tsjáâlè nga’ñó jñà i̱’ma̱âla̱ yá olivo ndaà. 19 Ji̱, kì k’oa̱á si: “Kitiìt’aà chrjaâla̱ yá olivo ndaà, nga ‘a̱n kisìkjoòkoa̱a." 20 Ti̱kítsjiìn koií kjoa̱âla̱ nga mìkiì mokjeiínâla̱ nga kitiìt’aàâne. Ta̱nga ji̱ koií kjoa̱âla̱ nga mokjeiínâlè nga ya̱ ti̱jnat’eiì. Kì ’ngaá beèâla̱ takoìn, ti̱skónâla̱ Nainá. 21 Nainá, tsà mìkiì kitsjaà’ndeâla̱ jñà chrjaâla̱ jè yá olivo ndaà nga ya̱ kíjnakjoòko̱ ti̱koa̱á ngaji̱ tsà mì ti̱ kiì mokjeiínâlè mì ti̱ kiì tsjá’ndeâlè nga ya̱ ki̱jnakjoòkoi̱i. 22 Chìtsejènâla̱ Nainá, ‘ñó ndaà xi̱ta̱ ta̱nga ti̱koa̱á jè xi mejènâla̱ nga ndaà ki̱tasòn ‘én xi chja̱. Mìkiì beè i̱ma̱ jñà xi̱ta̱ xi chinchat’aàxìnâla̱ Nainá. Ta̱nga i̱t’aà tsi̱ji títsjáâlè kjo̱ndaà. Tà jè xi mochjeén nga k’oa̱s’ín ki̱jni koni s’ín tjín kjo̱ndaà xi kitsjaàâlè. Tsà majìn ti̱koa̱ ko̱tet’aàâlè koni jngoò chrjaâla̱ yá. 23 Jñà xi̱ta̱ judío xi chrjaâla̱ yá xi kitiìt’aà, tsà ko̱kjeiín ìjngoò k’aâla̱, ko̱maá sincháyaâne i̱’ndeâla̱, nga Nainá tjínâla̱ nga’ñó, ko̱maá kìkjoò ìjngoò k’aâne. 24 Ji̱, nga ya̱ kitiìt’aàâne jñà yá olivo i̱jiìn ijñá koa̱ kisìkjoòkoi̱i yá olivo ndaà na̱s’ín mìkiì ya̱ ok’ìnâlè. ¡Ãsa̱á tà ndaà ok’ìnâla̱ nga jñà chrjaâla̱ yá olivo xi xó kitjaàjiìnâne nga sincháya ìjngoò k’aâne i̱’ndeâla̱ xi ti̱jèâne yijoâla̱ yá! 25 ‘Ndsè, mejènâna̱ nga ndaà kàtasijiìnânò kjoa̱’ma koi koni s’ín tjíndaàâla̱ Nainá méâne nga mì ‘ñó chji̱ne̱ ki̱nachrje yijoânò. Jè kjoa̱ nga tjín i’nga xi̱ta̱ Israel xi kjòtájaàjiìn ini̱ma̱âla̱ nga mìkiì mokjeiínâla̱, ta̱nga skanda k’e̱é ko̱kjeiínâla̱ k’e̱ nga jye ko̱kjeiín yijeâla̱ xi mìtsà xi̱ta̱ judío. 26 K’e̱ nga jye k’oa̱s’ín ko̱ma, ngats’iì xi̱ta̱ Israel kítsa̱jnandei̱íâné xi kjoa̱ ts’e̱ jéâla̱, koni s’ín tíchja̱ xo̱jo̱n nga tsò: Ya̱á nindoò Sión kji̱nchrobàâne xi maâla̱ si̱ìkítsa̱jnandei̱í xi̱ta̱ Israel xi kjoa̱ ts’e̱ jéâla̱, jè xi kjoa̱áxìnâla̱ jéâla̱ jñà xi̱ta̱ tje̱âla̱ Jacob. 27 Jè kjoa̱ xi bìndaàjiìnâkoa̱a k’e̱ nga kjoa̱áxìnâla̱ jñà jé xi tjínâla̱. 28 Kjoa̱ ts’e̱ ‘én ndaàâla̱ Nainá xi kjoa̱ ts’e̱ Cristo, jñà xi̱ta̱ judío, kondra̱âla̱á ma Nainá méâne jñò sa̱kòânò kjo̱ndaà. Ta̱nga jè kjoa̱ nga xó kitjaàjiìnâne xi̱ta̱ koi, tákó matsjakeè Nainá nga jye ko̱s’ín kitsjaàâla̱ tso’ba jñà xi̱ta̱ jchínga kjiìnâla̱. 29 Nainá mìkiì faáxìn kjo̱tjò xi tsjá, ti̱koa̱ mìkiì faáxìn ‘én xi chja̱âná. 30 Jñò, k’oa̱á ti̱s’ín ki’nè nga sa̱ kjòtseé; mìkiì kinìkitasònâlà Nainá, ta̱nga i̱’ndei̱ jyeé kisakòânò kjo̱hi̱ma̱takòn, koií nga̱tjìâla̱ nga mìkiì kisìkitasòn jñà xi̱ta̱ judío. 31 Na̱chrjein i̱’ndei̱ jñà xi̱ta̱ judío mìkiì síkitasònâla̱ Nainá. Ta̱nga tà koiâné nga jè Nainá tjínâla̱ kjo̱hi̱ma̱takòn xi i̱t’aà tsa̱jòn méâne jñà xi̱ta̱ koi ti̱koa̱á s’e̱âla̱ kjo̱hi̱ma̱takòn ts’e̱ Nainá. 32 Nainá, k’oa̱á tsò nga ngats’iì xi̱ta̱ judío, ko̱ xi mìtsà xi̱ta̱ judío, mìkiì síkitasònâla̱ nga jè xi mejènâla̱ Nainá nga ngásòn ngáya ko̱hi̱ma̱keè ngats’iì xi̱ta̱. 33 ¡Mé tà ‘ñó tse ma kjoa̱nchi̱ná xi tjínâla̱ Nainá, ko̱ ‘ñó tse kjoa̱chji̱ne̱ tjínâla̱ ko̱ kjo̱hítsjeènâla̱! Ni̱jngoò xi̱ta̱ xi machi̱yaâla̱ kós’ín kosònâla̱ k’e̱ nga bíndaàjiìn ko̱ kós’ín tjín ndi̱yáâla̱. 34 ¿Yá xi beè kós’ín tjín kjo̱hítsjeènâla̱ Nainá? Mì yá xi ko̱maâla̱ si̱ìkíchi̱yaâla̱ Na̱’ènâná. 35 ¿Yá xi̱ta̱ xi jè kisìkìña ítjònâla̱ xi mochjeénâla̱ Nainá méâne nga jè si̱ìkátji ngajoâla̱? 36 I̱t’aà ts’e̱é Nainá nchrobát’aàâne ngats’iì tsojmì xi tjín, ti̱koa̱ i̱t’aà ts’e̱âné nga títsa̱kon, ko̱ k’oa̱á s’ín mochjeén nga jeya kíjna. Nainá, kàtas’eâla̱ kjoa̱jeya ni̱ta̱ mé na̱chrjeinâne. K’oa̱s’ín kàtama.