Sinthongei 4

1 Hanchu Peter le John’n mipuingei koÌm chong an ril laÌihan ochaingei koÌm, Biekin enkol ulienngei, Sadduceengei hah an koÌm an juong tung zuta. 2 Jisua thina renga aÌnthoinoÌk sikin miriemngei khom inthoinoÌk an tih, ti thurchi mingei an ril ngei sikin asaÌn an taksia. 3 Masikin, an suÌr ngeia, kholoi ani sikin anangtuÌk tena rangin intaÌng ina an khum ngeia. 4 Hannirese, an chongril rangaÌipungei laÌia mi tamtakin an iem zoia, an tamlam chu pasal ulien korong khom isaÌng rangnga doÌr an ni. 5 AnangtuÌka chu Juda ruoipungei, Upangei, Balam minchupungei Jerusalema an intuÌp zoia. 6 Ochai Inlaltak Annas, Caiaphas, John, Alexander ngei le Ochai Inlaltak ruÌia mingei murdi lehan. 7 Peter le John hah an makunga an minding ngeia, “I angin mo mahi nin tho? I ranakin mo, tu riming mo nin mang tiin an rekel ngeia?" 8 Peter hah Ratha Inthiengin a sipa, an koÌm, “Mipui Ruoipungei le Upangei: 9 Avien hin kholrapa chunga sin sa roia le a hong damna roia, i anga mindam mo tiin mi nin rekela aniÌnchu, 10 Nin reÌngin riet roi, Israelngei murdi khomin riet rese ngei, Nazareth Jisua Khrista khrosa nin jeÌmdela, Pathien’n thina renga a kaithoinoÌk rimingin hi kholrapa nin makunga dam vangin aÌnding ani hi. 11 Jisua hih ani, Pathien lekhabua ati, ‘Nangni in sinpungeiin nin hengpai lung hah, akila lung kaÌmnaÌng tak ahong chang zoi.’ 12 Sanminringna hih Jisua koÌm mangke aom, rammuol pumpuia tute koÌm mi min ringtheina rang riming dang Pathien’n peÌk mak,” a tia. 13 Peter le John ngei an haÌi tie an mua, lekha theiloi minmoÌl papai anni an rieta, asaÌn kamaÌm aom an tia, Jisua koÌm om ngaÌi an ni tiin an riet sikin. 14 Hannirese, an mi mindam hah an koÌm Peter le John inding an enin ite dem rang laÌk om maka. 15 Masikin roijeÌkna in renga an mojoÌk ngei zoia, an se nuÌkin chu an thenin anin kerenga. 16 “Hi mingei hih inmo ei tho rang ani zoi? an sininkheÌl tho hih jerusalema om murdi khomin an riet zoia, eini khomin ite ei dem theiloi hih. 17 Aniatachu miÌn an riet minzar uol loina rangin tute koÌm Jisua riminga chongril noÌk khaÌiloi rangin lei misi ngei rei u,” an tia. 18 Masikin, anni hah an koi ngei noÌka Jisua rimingin chongril tet khaÌiloi rangin le minchu ngei khaÌiloi rangin chong an peÌk ngeia. 19 Hannirese, Peter le John’n an koÌm, “Pathien mitmua, Pathien chongjoÌm neÌkin nangni chong joÌm mo adik uol mindon ta u. 20 Keini chu kin mu le kin riet hi misiÌr loiin om thei no ni-ung” an tia. 21 Hanchu roijeÌkpungei han an masiÌ ngei noÌk uola an mojoÌk ngei zoi, Peter le John sintho sika han mi murdi’n Pathien an minpaÌk sikin duÌkmintong ngei thei khaÌimak ngei. 22 KamaÌmomtaka an mindampu hah kum soÌmminli neÌka ulien ani. 23 Peter le John hah an mojoÌk ngei suole han, an champuingei koÌm an kiÌr noÌka, ochai inlalngei le upangeiin an koÌma an ti ngei hah an ril leta. 24 Iempungei maha an riet lehan anreÌngin Pathien koÌm chubaithoÌn, “Pumapa AÌnchungtak nangma, invaÌn, pilchung, tuikhanglien le an suÌnga neinun om murdi ngei Sinpu ni ni. 25 Nangman Ratha inthiengin kin richibulngei ni tiÌrlaÌm David baÌiin hi chong hi ni min rila, ‘Jentailngei ithomo an ning a thika; mipuingeiin ithomo neinun kaÌmnaÌngloi an mintuo? 26 Pilchung reÌngngeiin an insiema, roijeÌkpungei khom an intuÌpkhoÌma Pumapa le a Messiah doi rangin tiin.’ 27 Ma ang han Herod le Pontius Pilat’n, hi khopuilien hin Jentailngei le Israelngei leh an intuÌpkhoÌma, Jisua ni TiÌrlaÌm inthieng Messiah doi rangin. 28 Ni sinthotheina le nu lungdo mintung ranga ne jeÌk masat sai anghan neinuntin tho rangin an intuÌp zoi. 29 Misinangei hih en ta ni tiÌrlaÌmngei hih haÌina murdi leh nu thurchi misiÌr phalna peÌk roh. 30 Mingei mindamna rangin nu kut phar inla, male tiÌrlaÌm inthieng Jisua riming jaÌrin kamaÌmruoingei le sininkheÌlngei sin theina rangin ni peÌk roh” an tia. 31 Chubai an tho suole chu an om khoÌmna mun hah ahong inniÌka, anreÌngin Ratha Inthiengin an sipa, haÌitakin Pathien chong an ril phut zoi. 32 Iempungei paÌl hah mulung munkhat le mulungboÌk mulungriÌl munkhat ruputin an oma, an laÌia tukhomin an neinun doÌn ngei hah keima kata keÌng ti loiin, neinuntin insemin an inlopkhoÌm ngaÌi. 33 TiÌrtonngei han asaÌn sinthona doÌnin Pumapa Jisua inthoinoÌkna, rietpuipu nina rangin chong an ril ngaÌia, male anreÌngin Pathien satvurna lientak an chang pak zoi. 34 An paÌla tute aÌnsam khom om mak ngei, loingei mini, inngei mini an juora, aman hah an hong choÌia, 35 male tiÌrtonngei kuta an peÌka; an naÌng lam angtakin sum hah an sem ngaÌia. 36 Masikin, Joseph, tiÌrtonngeiin Barnabas an ti (Aomtie chu “mohoÌk ngaÌipu” tina ani), Levi jaÌisuon Cyprus tuihuola mi ania, 37 loimun a doÌn hah a juora, aman hah hong choÌiin tiÌrtonngei kuta a hong peÌk zoi.