1 Timothy 4

1 Pani, Tanumen God mo vere mamahunia vara na pongi hitahu tamlohi hai la pa vaharÌi na malele rasua matan la pa tapurongo isana tanume haluhalu peresi na vujangi non tanume sasati, 2 ale retihaluhalu sei la pa tai isana tamlohi tapnetano, rÌomira la sulimateira, ale la sopo mele levosahia vara sava mo tataholo, 3 ale enira la tapuhoro na lahi, moiso la horo na tatua hanhani sei God mo vaira matan vara la haratu la rasua la levosahi na retivararÌuhu la pa lavira na vere meje, 4 matan hinau tari God mo vaira la rÌuhu, ale mo sopo te hinau vara tamlohi la rÌohu hinia vara la lavia la vere meje matana moiso, 5 matan reti non God peresi na usiusi mo lo vai na hanhani la rÌuhu na nahon God. 6 Vara o vujangi la hinau sei isana vorai peresi na vevorai, o pa volitusi rÌuhu non KrÌisto Iesu, matan ko hase vahaniho na RetirÌuhu peresi na vujangi rÌuhu sei ko lo usuria. 7 Pani o toho asau na sorasora vono la rongorongo vono, ale o hase vujangiho na posposi sei God mo opoia, 8 matan rÌa levosahia vara, vara ko vai na epem mo rÌilangi, haratu mo rÌuhu makomona purongo, pani vara tarea o lo usuri na posposi God mo opoia, i pa rÌuhu jea na maurim tari, mo rÌuhu mata maurin nake peresi na mauri atu i pa mai hitahu. 9 Reti nike o erÌi rasua, ale mo tataholo vara tamlohi la pa usuri vevuhia. 10 Matan harihi, rÌa lo tau na rÌomirÌa mo rÌilangi na vavahinau matana, rÌa rÌomtoho hin God sei mo mauri, enia Jujuri nona tamlohi tari, pani isan la haratu la rasua enia mo Jujuri vararÌuhu. 11 O retileu, ale vujangi na hinau nike. 12 O sopo tinarÌihia vara tamlohi la hitesatihiho matan ko uluvou purongo, pani tarea o vai na tovongi rÌuhu isana tamlohi rasua na nom retireti, na nom vavahinau, na nom opoia, na nom rasua peresi na nom posposi vokevoke. 13 Ale i pa tikeli na rani a mai isam, o lo tau na rÌomim vara tarea o lo evievi na Retitapu na naho tamlohi rasua, o lo vere mamahunira na malele tari mata mauri rasua, ale o lo vujangi na retivararÌuhu. 14 O sopo rÌompurongo hin nom silesilea atu God mo silea isam na retimangovi atu hin rani atu la patu tamlohi rasua na vao kalesia la usiusi la tau na limara na patum. 15 Tarea o lo hahau usuri la vujangi atu, o tau vevuhi na rÌomim hinira matan vara tamlohi la pa hitea vara ko lo ulua na mauri rasua. 16 O hase kilauho, o kilau mamahuni sava ko lo vujangia. O turu rÌilangi hin la hinau sei matan vara o vaia o pa erÌi juriho peresi la haratu la lo tapurongo isam.