ACTS 20

WBT

‹ Chapter 19 ACTS — All Chapters Chapter 21 ›

1 Pidannao sookadan dauna�an pato�orainpan, Paul dapada-kidan na�iki ubaokopatan naa ipai mishidainao. Uruu ukowaadina�azon naa ĩ�ati, na�iki uma�ozakadan ĩnyukunuu, ma�ozaka kizi kapam ĩtaapan pamishidan. Pazaamaaka�uan dauna�an mishidainao, umakon naa Macedonia iti. 2 Aizii pamakopa-kizi donoi kawana�ati kida, Paul ma�ozakadan pidannao nyukunuu pakowaadapan ida�an kaiman kida�o kuwai ĩ�ati. Atii ukaawan Achaia Baara iti. 3 Idikinauda�u kauzu una�ia�akan. Udauna�an uminziiwan naa koshan uruu umako�ozon naa atii Syria iti. Upu�u mazan pidannao kowaadan Paul ati, kaina�a Jewnao zaudapan uruu ĩaipan pazowianuzu. Uruu idi ukiwan powa�a an koshan Macedonia an. 4 Na�iki kaikapauda�u pidannao makon utuma. Berea iki Sopater, Pyrrhus daniz; Thessalonica iki Aristarchus na�iki Secundus; Derbe iki Gaius; Asia Baara iki Tychicus na�iki Trophimus; na�iki Timothy mako kapam. 5 Ĩnaou�u naa kiwiita Troas iti, na�ia�o ni�i naa ĩzaudapan waunao. 6 Mawiki�ina�o Bread Nikauzo-kao Kamoon dauna�an, wamakon naa kapam kanawa ida�an Philippi iki. Atii baka�iauda�u kamoo dauna�an waikodan zii wairibannao Troas ia�a naa. Bauda�apa sondii wana�ia�akan Troas ii. 7 Saturday dono, kamoo tipitan dauna�an, ipai wabaokopatinan, waaroopa�azon idi baokopa, na�iki wanika�azon idi bread wanyukunuitapa-kinaa nii Jesus mawakan wa�ati. Paul aitapan idi uwa�aka�azon mishidainao ba�oran kamoo, ukakuwaapatinan ĩ�ati atii tomun-zikon di�iti. 8 Kabaun nazoo dokoa�o di�ia�o wuru�u wabaokopatinanuz, na�iki na�ii iriba�o lamp kida maodapan. 9 Kaina�a pa�ina�o zii daonaiora Eutychus kia�o u�uu, usakanatapan windoo paawa�a. Aizii Paul kakuwaapatinan atii Eutychus da�awununun. Udauna�an uda�awu�ukan naa, atii masha�apakiaka uwaota�akan naa imi�i baara iti. Idikinauda�u�o utara�apaawatinpan paawa iki�o wuru�u uwaota�akanuz. Pidannao dokobatanuzu, mazan mawaka�aka�a naa uruu. 10 Mazan upu�u Paul kaawa�akan u�ida�ati, na�iki udokobata�akan naazu. “Mana�a ukasha�ora�ana�a, kakuda�aka�a naa uruu powaa iti,” ukian ĩ�ati. 11 Uruu dauna�an ĩzaidan naa powaa iti kabaun nazo iti, uru�u naa ĩaroopan naa na�iki ĩnikan naa bread baokopa. Uruu dauna�an powa�a zii Paul kakuwaapatinan pidannao ati, atii wakankanaanin. Uruu kii uwa�akauzon ĩdyaun. 12 Aizii wuru�u waota�oraz daonaiora, ukiwan naa padapu iti pairibannao tuma, aonaa usha�apan. Aizii uiribannao kaiman ĩnyukunuu ĩkiwan. 13 Troas iki pakidiba ida�an Paul makon Assos iti. Mazan waunao, kanawa ida�an pa�an wamakon na�iti. Na�ia�o ni�i naa Paul aitan paikodan waunao. 14 Atii na�apa�a naa mishi. Ukaawan dauna�an na�iti, upaidinan naa watuma kanawa zo�iti, na�iki�i naa wamakon atii wakaawan Mitylene iti. 15 Ba�oran kamoo wadobatapa�akan wiizai dazaba an, Chios kia�o u�uu. Ba�oran kamoo ida�a wakaawan Samos iti. Ba�oran kamoo wadobatan koshan atii wakaawan Miletus iti. 16 Aona�a naa Paul aipan patomunu�ikinpan Asia Baara an. Mazan kadimana�a naa pa�an uaipan pakaawan Jerusalem iti, Pentecost ua�ii. Uruu idi aonaa umakon Ephesus iti. 17 Soo udyuuda-kidan pa�an paparadan na�iti, marii kizi choochi zowaunaanao wa�atin u�ida�ati Miletus ati. 18 Aizii ĩkaawan dauna�an u�ida�ati, ukian naa ĩ�ati, “Ipai unao utukapauzonii na�apam õkaudinan, na�iki utukapa na�apam õmashaapauzon kiwiin da�ana�a Asia Baara an kida. �sakadan di�iki�o õkaudinan da�ana�a, atii di�i, uaitapa na�iki utukapa ipai õkaduz. 19 �baiatan bii�i tuukii kasha�ora�o, Jewnao dakotautan pu�u pasha�apatan õgaru, mazan upu�u mashaa, na�iki minziiwa õsha�apatan õkaudin-kizi, õnyukunuu kasha�oran bii�i. Usha�apanum kau�an Tominkaru poitorun idi õgaru. 20 Na�iki aonaa kanom õdizapan na�iki õtaapa-kidan unao ai, ipai õkowaadan u�ati kaiman kida�o kakinaorii tawuru dono�o õkakuwaapatinan dono�oraz u�ati, udapu ii kida, na�iki iriba�o pidan bii ii. 21 Aizii Jewnao ati na�iki Gentilenao ati na�apa pa�idiwaru õparadan, õkakinaowan ĩdyaun tuukii, ĩtanawatin kizi�i naa pa�oian ai Tominkaru ida�ati, na�iki ĩzaamata kizi�i naa wanaobanaa Jesus Christ panyukunuu naobanaa nii. 22 “Mazan aizii õmakon ni�i naa Jerusalem iti, õizo�atin nii Kaimana�o Doronaa paradan. Aonaa õaitapan na�apam nii õsha�apata-kao na�ii. 23 Usha�apanum kau�an ipai donoi, õkakuwaatin-kizi kawana�ati, Kaimana�o Doronaa kowaadan õ�ati, kaina�a�o nii dikauda�o aimaakan sha�apan õ�ati, na�iki õtaraa-kida-kao nii na�ii. 24 Mazan aonaa usha�apan õzowii-kao. Kanom tuukia�o õsha�apata�azon, õaipan pa�an õipaian õkaudin-kizi wuru�u Naobanai Jesus dyuudaniaz õsha�apatan. Udyuudan õkowaadan Kaimana�o Kuwai ipai pidannao ati, Tominkaru kaimanan na�iki ukamunanun dau�u. 25 “Aizii ipai�i naa õkowaadan u�ati Tominkaru naobanai-tinan dau�u. Aizii wuru dauna�ana�a, aona�o ni�i naa powa�a utukapan õgaru. 26 Mazan aizii õkia�azon unao ati, na�apainim unao oo ba�orainao mawakan, pakawan pa�oian bii�i zii, aonaa õgaru aipan ati�o mani wuru�u. Usha�apanum kau�an aonaa kanom õdizapan unao ai. 28 Ukau�an uzaudinpa�a naa pa�i kaiman kizi�i naa utaapan udoronaa, na�iki kaiman pa�i kapam ukazannaatapa mishidainao wuru�u Kaimana�o Doronaa taaniaz uawunuutapan nii. Usha�apanum kau�an Tominkaru zaamatanii wuru�u ĩnaouz pa�idiwau nii pauDani izain ida�an na�iki umawakan ida�an. 29 �aitapa di�i õwa�akan dauna�an unao, kaini�iki�o nii pidannao kaawan ubii ati, ĩmariidan nii na�iki ĩpozawaabi�ii-kidan nii unao atii ĩtanawatin-kidan nii unao umishidan ai Jesus. Ĩkaawan nii ma�ozaka, na�apa�o nii to�oraba�o baudokoru pozawaabi�ii-kidan kawan kaznizonao atii uzowian ĩdyaun. 30 Na�iki kaina�a�o nii kapam pidannao unao bii iki�o, ĩmariidan nii na�iki ĩbuutan nii pabi�i kida mishidainao pa�ida�ati. 31 Ukau�an uzaudinpa�a naa pa�i, unyukunuitapa na�apam õtominapa-kidan unao, õbaiatan bii�i kasha�ora�o na�iki to�ora-karu bii�i. Mazan upu�u õkakinaotan ipai unao, wakanadan pu�u na�iki aiwaka�an kida atii idikinauda�u wunu. 32 “Aizii õwa�akan ni�i naa unao Tominkaru ka�u ida�a. Uru�o nii kazannaatapa unao. Na�iki õwa�akan Kaimana�o Kuwai utuma, Tominkaru kamunanun daua�o, uruu kida�o nii ma�ozakadapa unyukunuu. Na�iki uruu kida kuwai ida�ana�o nii uikodan kaimana�o manawun aimaakan, wuru�u Tominkaru aipaniaz pataan diina�iti�i ipai pidannao ati, ubuutaniinaouz pa�ati. 33 “Ipai unao, utukapa na�iki uaitapa õkaduz, aonaa na�apainim õna�azootapan wuru�u konaunam kida�oraz pidannao kamichan, oo wuru�u ĩtaapanii kidaz gold oo silver. 34 Aonaa õna�azootapan usha�apauz, mazan utukapa na�apam õkaudinan dadara õka�u ida�an, õikoda-kinaa nii aimaakan õmashaapa-kinaa nii, na�iki õmin-kaudinannao ati�o nii kapam. 35 �mashaapan ida�an kaikapa�a, na�iki õkaudinan ida�an dadara, õtominapa-kidan unao. Na�apa kizi ukaudinan, na�iki ukaminka�uta kizi kapam pidannao, wuru�u aona�oraz manawun ĩka�iitan pakaudinan. Karikaonan kizi kapam unyukunuitapan tawuru�u Naobanai Jesus kiauzonuz: ‘konaukia�o nii pidan minziiwa�oraz utaan aimaakan ba�oran pidan ati, aimaakan taa-kao ai pa�ati.’" 36 Paipaian dauna�an pakadakoinpan, Paul kodoru�ukan naa pakakinaotaniinao tuma. Na�iki ĩtoriinpan naa Tominkaru ati. 37 Uruu dauna�an Paul kowaadinan naa, ipai ĩdokobatan uruu, ĩzaadan naa mazan u�ati. 38 Ĩnyukunuu kasha�oran tuukii usha�apanum kau�an “Aona�o ni�i naa powa�a utukapan õgaru,” ukian idi ĩ�ati. Udauna�an ĩwa�anpankan naa uruu, atii kanawa di�ii.

‹ Chapter 19 ACTS — All Chapters Chapter 21 ›

ACTS 20

Cite / Share This Page